2-ايدىڭ 28-كۇنى، اۋىل شارۋاشىلىق ماتەريالدارى تيەلگەن ۇلكەن اۆتوكولىك شينجياڭ تارباعاتاي ايماعى ساۋان اۋدانى انجيحاي قالاشىعى يۋانشيڭگۇڭ قىستاعىنا كەلدى. قىستاقتىڭ ءبىرىنشى شۋجيى، قىزمەت اترەتىنىڭ باستىعى تۇرسىنگۇل اۋتانبەك قىستاق تۇرعىندارىنىڭ ءۇنحات توبىندا حابار جولداعان كەزدە قىستاق تۇرعىندارى قۋانىشقا بولەندى.
ءاسىلى، الدىڭعى بىرنەشە كۇندە تۇرسىنگۇل ىندەت جاعدايىنىڭ ىقپالىنا ۇشىراعاندىقتان، كوپتەگەن اۋىل شارۋاشىلىق ماتەريالدارى جەتكىزىلمەگەندىكتەن قىستاق تۇرعىندارى وتە ابىرجىعاندىعىنان حاباردار بولعان. قىزمەت اترەتى قىستاق «ەكى كوميتەتىمەن» بىرلەسىپ بەلسەنە امال قاراستىرىپ ماسەلەنى شەشۋگە كىرىستى.
قىستاق تۇرعىنداىنا قاجەتتى اۋىل شارۋاشىلىق ماتەريالدارىن تىزىمدەدى. ءارقايسى جاقتاعى كۇشتەردى اتتانىسقا كەلتىرىپ، ءبولىنىپ تەلەفون سوعىپ زات قاينارىمەن بايلانىس جاسادى. تەزارادا، بۇل ماسەلە شەشىمىن تاپتى.
قازىرگە دەيىن، 32 توننا تۇقىم، 16 توننا جۇقا جارعاق جەتكىزىلىپ، 150 قىستاق تۇرعىنىن، 10 مىڭ مۋدان استام ەگىستىك جەردىڭ قاجەتىن قاناعاتتاندىرادى. قالعان اۋىل شارۋاشىلىق ماتەريالدارى جاقىنعى بىرنەشە كۇندە جەتكىزىلەدى.
اۋىل شارۋاشىلىق ماتەريالدارى تيەلگەن جۇك اۆتوكولىگى قىستاققا كەلگەننەن كەيىن، قىزمەت اترەتىنىڭ مۇشەلەرى مەن قىستاق «ەكى كوميتەتى» مۇشەلەرى تاسىمالداۋ جۇمىسكەرى بولىپ، ەگىس ماتەريالدارىن قىستاق تۇرعىندارىنىڭ ۇيىنە جەتكىزىپ بەردى.
«قىزمەت اترەتى مەن قىستاق ‹ەكى كوميتەتىنە› العىس ايتامىز، ولار ءبىزدىڭ كوكتەمگى ەگىسىمىزدى قامتاماسىز ەتتى»،-دەدى قىستاق تۇرعىنى باڭ ليڭساي.
«اۋىل شارۋاشىلىق ماتەريالدارى جەتكىزىلدى، قىستاق تۇرعىندارىنىڭ كوڭىلى ورنىقتى، كەزەكتە، ءبىز جالعاستى قىستاق تۇرعىندارىنا كومەكتەسىپ كوكتەمگى ەگىس اۋىل شارۋاشىلىق دايىندىق قىزمەتىن ويداعىداي ىستەپ، اۋىل شارۋاشىلىق ىستەرىن اقساتپايمىز»،-دەدى تۇرسىنگۇل.
