تيانشان تورى   ›   جاڭالىقتار   ›   شينجياڭ حابارلارى

مەيىر جەتكىزۋ كاسىپورىندارى اقشالاي، زاتتاي جىلۋ اتاپ، ىندەتكە قارسى اتتانۋعا كۇش قوستى

شينجياڭ گازەتىنىڭ جالپىلىق اقپارات قۇرالدارى تىلشىلەرى

  شينجياڭ بانكە جارنا شەكتى سەرىكتەستىگى 5 ميلليون يۋان جىلۋ اتادى، اۆتونوميالى رايوندىق اۋىل - قىستاق امانات - قارىز كووپەراتيۆى بىرلەسكەن كووپەراتيۆى ءبىر ميلليون 800 مىڭ يۋان جىلۋ اتادى، شينكۋاڭ قارجى قوسۋ توبى جوسپارلاۋ - قۇرۋ گرۋپپاسى ءبىر ميلليون 80 مىڭ يۋان جىلۋ اتادى، شينجياڭ اۋەجاي (توبى) شەكتى جاۋاپكەرشىلىك سەرىكتەستىگى ءبىر ميلليون يۋان جىلۋ اتادى، شينجياڭ شينيە مەملەكەت مەنشىگىندەگى مال - مۇلىك تيجارات (توبى) شەكتى جاۋاپكەرشىلىك سەرىكتەستىگى ءبىر ميلليون يۋان جىلۋ اتادى، شينجياڭ شۋەفىڭ عىلىم - تەحنيكا (توبى) شەكتى جارنا سەرىكتەستىگى ءبىر ميلليون يۋان جىلۋ اتادى... تاياۋ كۇندەردەن بەرى، تاعى ءبىر توپ مەيىر جەتكىزۋ كاسىپورىندارى قىزىل كرەست قوعامى ارقىلى ىندەتتەن ساقتانۋدىڭ ءبىرىنشى شەبىندەگى قىزمەتكەرلەرگە اقشالاي، زاتتاي جىلۋ اتادى.

  تاياۋ كۇندەردەن بەرى، شينجياڭ حوتان ديچىن ءدارى - دارمەك بيو عىلىم - تەحنيكا شەكتى سەرىكتەستىگىنىڭ دەنساۋلىق كۇتىمدەۋ بۇيىمدارى ىركەس - تىركەس ۋحانداعى ىندەتكە قارسى اتتانۋ ءبىرىنشى شەبىنە جەتكىزىلىپ، شينجياڭنان حۋبەيعا كومەككە بارىپ، قاربالاس جۇمىس ىستەپ جاتقان ەمدەۋ اترەتىنىڭ مۇشەلەرىنە اۋىل حالقىنىڭ سالەمىن جەتكىزدى. قازىرگە دەيىن، وسى كاسىپورىننىڭ جىلۋعا اتاعان جالپى زاتتىق ماتەريالدارىنىڭ قۇنى 24 ميلليون 880 مىڭ يۋانعا جەتتى، مۇنىڭ ىشىندە قۇنى 6 ميلليون يۋاندىق دەنساۋلىق كۇتىمدەۋ بۇيىمدارى اۆتونوميالى رايوندىق قىزىل كرەست قوعامى ارقىلى شينجياڭنان حۋبەيعا كومەككە بارعان ەمدەۋ اترەتىنە جانە اۆتونوميالى رايوننىڭ 8 ىندەتتەن ساقتانۋ - تىزگىندەۋ ەمدەۋ قۇرىلىمىنا جەتكىزىلدى. ”سەرىكتەستىكتىڭ قىزمەتكەرلەرى مەن جەدەل جەتكىزۋشىلەر بىرنەشە كۇننەن بەرى توقتاماي ۇستەمە قىزمەت ىستەدى، قوراپتادى، زات تاسىدى، كولىككە تيەدى، جونەلتتى... شارشاپ شالدىقساقتا، الايدا ۋحانداعى ەمدەۋ قىزمەتكەرلەرىنە جەتكىزەتىندىگىمىزدى ويلاعاندا، بارلىعى ىستەۋگە تاتيتىن جۇمىس دەگەن سەزىمدە بولدىق“، - دەدى وسى سەرىكتەستىك پارتكومىنىڭ شۋجيى گى جيانشين.

  2 - ايدىڭ 28 - كۇنى شينجياڭ گۋاڭحۇي ساۋدا - ونەركاسىپ قارجى قوسۋ (توبى) شەكتى جاۋاپكەرشىلىك سەرىكتەستىگى بارلىق قىزمەتكەرلەرگە ىندەتتەن ساقتانۋ - تىزگىندەۋگە جىلۋ اتاپ قولداۋ كورسەتۋ ۇندەۋىن شىعاردى، قىسقا عانا 3 كۇن ۋاقىتتا جىلۋ اقشانىڭ جالپى سوماسى 10 ميلليون يۋانعا جەتىپ، ءۇرىمجى قالالىق قىزىل كرەست قوعامىنا تابىستالدى. وسىنىڭ الدىندا گۋاڭحۇي توبى جانە ونىڭ قاراستىلىعىنداعى كاسىپ سالالارى اۆتونوميالى رايونعا 3 توننا قورعانۋ كيىمى، مەديتسينالىق N95 ماسكى سياقتى ىندەتتەن ساقتانۋدا تاپشى بولىپ وتىرعان زاتتىق ماتەريالداردى جىلۋعا اتادى، ءىشىنارا جەرلەرگە جانە ورىندارعا 100 تونناعا تاياۋ زارارسىزداندىرۋ سۇيىقتىعىن جىلۋعا اتادى، اقشالاي، زاتتاي ارنالعان جىلۋدىڭ جالپى مولشەرى 2 ميلليون يۋانعا تايادى. گۋاڭحۇي ەنەرگيا سەرىكتەستىگى 30 ميلليون يۋان قارجى قوسىپ، حلورلى قىشقىل ناتري زارارسىزداندىرۋ سۇيىقتىعى نىسانىن جەدەل وندىرىسكە قوسىپ، 400 مىڭنان استام تۇتىنۋشىنى تۇرمىستىق گازبەن قامداۋدى كۇش سالا قامتاماسىز ەتتى؛ گۋاڭحۇي ءۇي - مۇلىك كاسىبى 800 مىڭعا تاياۋ تۇرعىنعا قوجالىق قىزمەت وتەۋدى، ولاردى جىلۋمەن قامداۋدى جاقسى ىستەدى.

  شينجياڭ ديۋاڭ شارۋاشىلىق توبى شەكتى سەرىكتەستىگى ءۇرىمجى قالاسى سايباق رايوندىق قىزىل كرەست قوعامىنا 2 ميلليون يۋان جىلۋ اتادى. ”ءوزىمىزدىڭ ءوندىرىس، تيجاراتىمىزدى جاقسى ىستەۋ العى شارتىندا، ءبىز ىندەتتەن ساقتانۋ - تىزگىندەۋ قىزمەتىنە شامامىزدىڭ جەتىسىنشە قولداۋ كورسەتتىك“، - دەدى وسى سەرىكتەستىكتىڭ باسالقاسى جىڭ گۋاڭيوۋ.

  شينجياڭ جينچىڭ جينيۋان قۇرىلىس ينجەنەرياسى شەكتى سەرىكتەستىگى ءۇرىمجى قالاسى شۇيموگوۋ رايوندىق قىزىل كرەست قوعامىنا 300 مىڭ يۋان جىلۋ اتادى. ۇعىسۋعا قاراعاندا، بۇل كاسىپورىننىڭ قىزمەتكەرلەرى قۇنى 100 مىڭ يۋاندىق تۇرمىستىق زاتتىق ماتەريالداردى وزدەرى دايىنداپ، ءبىرىنشى شەپتە ەرلىكپەن كۇرەس جۇرگىزىپ جاتقان قوعام حاۋىپسىزدىگى حالىق ساقشىلارىنا، الەۋمەتتىك اۋماق قىزمەتكەرلەرىنە جانە مۇقتاج تۇرعىندارعا جىلۋعا اتاعان.

  (ءتىلشىلەر سۋ لۋپيڭ، قاتىناسقان تىلشىلەر چاۋ جين، شى شين، يۇي مىڭران، ۋي حۇڭپيڭ)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى