شينجياڭ گازەتىنىڭ جالپىلىق اقپارات قۇرالدارى ءتىلشىسى ميھىرگۇل ناسىر 3 - ايدىڭ 6 - كۇنى ۇرىمجىدەن حابارلايدى. 3 - ايدىڭ 2 - كۇنىنە دەيىن رايونىمىز قازىنادان جالپى 2 ميلليارد 228 ميلليون يۋان قارجى شىعارىپ ىندەتتەن ساقتانۋ - تىزگىندەۋگە جۇمسادى، مۇنىڭ ىشىندە ورتالىق 209 ميلليون يۋان كومەك قاراجات بەردى، اۆتونوميالى رايون 852 ميلليون يۋان ورنالاستىردى، جەر - جەر ءبىر ميلليارد 167 ميلليون يۋان ورنالاستىردى.
ىندەت تۋىلعاننان بەرى، اۆتونوميالى رايوندىق قازىنا مەڭگەرمەسى قاراجات مەجە ەسەبىن ءبىر تۇتاس جوسپارلاپ ورنالاستىرىپ، الدىن الا ورنالاستىرۋ، ارنايى ورنالاستىرۋ سياقتى ادىستەردى جەدەل قولدانىپ، جۇڭگو حالىق بانكەسىمەن جانە باسقا فينانس قۇرىلىمدارىمەن سايكەسىپ، شۇعىل جاعدايدا قاراجات ءبولۋدىڭ جىمداسا ۇشتاسۋ مەحانيزمىن ورناتىپ، ىندەتتەن ساقتانۋ - تىزگىندەۋ قاراجاتىمەن قامتاماسىز ەتۋ قىزمەتىن بار كۇشپەن جاقسى ىستەپ، ورتالىقتىڭ جانە اۆتونوميالى رايوننىڭ قازىنالىق كومەك قاراجاتىنىڭ دەر كەزىندە تياناقتانۋىنا، دەر كەزىندە ونىمدىلىگىن ساۋلەلەندىرۋىنە شىنايى كەپىلدىك ەتتى.
قاتىستى تاراۋلارمەن سەلبەسىپ دەر كەزىندە ءبىر قىدىرۋ ساياساتتىق شارالار شىعارىپ، ەمدەپ قۇتقارۋ - كومەكتەسۋ قىزمەتتەرىنىڭ تارتىپپەن ىلگەرىلەۋىن قامتاماسىز ەتتى، سونداي - اق قيىنشىلىعى بار توپتىڭ نەگىزگى تۇرمىسىن قامتاماسىز ەتۋدى جاقسى ىستەدى. نەگىزدىك ەمدەۋ قامسىزداندىرۋى، سالماقتى اۋرۋلار قامسىزداندىرۋى، ەمدەپ قۇتقارۋ - كومەكتەسۋ قاتارلىلاردا بەلگىلەمە بويىنشا تولەنگەننەن كەيىن، جەكە ادام كوتەرۋگە ءتيىستى بولىگىنە قازىنادان كومەك قاراجات اجىراتىپ، دياگنوزى تۇراقتاندىرىلعان ناۋقاستاردىڭ دەر كەزىندە قۇتقارىلىپ ەمدەلۋىنە شىنايى كەپىلدىك ەتتى.
كاسىپورىنداردىڭ قوعامدىق قامسىزداندىرۋ قاراجاتىن ازايتۋ، كەشىرىم ەتۋ، كەشەۋىلدەتىپ تاپسىرۋ ساياساتىن دەر كەزىندە تياناقتاندىردى. بيىل 2 - ايدان باستاپ ورتا، شاعىن، ۇساق كاسىپورىنداردىڭ نەگىزدىك زەينەتكەرلىك، جۇمىسسىزدىق، جۇمىس ۇستىندە جارالانۋ قامسىزداندىرۋىندا قىزمەت ورنى تولەيتىن بولىگى الىنبايدى، ۋاقىت شەگى 5 اي بولادى، ءىرى كاسىپورىندار سياقتى قامسىزداندىرۋعا قاتىناسقان باسقا دا ورىنداردىڭ (ورگان، ءىسورىندار قامتىلمايدى) نەگىزدىك زەينەتكەرلىك، جۇمىسسىزدىق، جۇمىس ۇستىندە جارالانۋ قامسىزداندىرۋىندا قىزمەت ورنى تولەيتىن بولىگىنىڭ جارتىسى الىنادى، مۇنىڭ ۋاقىت شەگى 3 اي بولادى.
ءتۇرلى سالىقتى ازايتىپ، اقىنى تومەندەتۋ ساياساتتارىن مۇقيات تياناقتاندىرىپ، قاتىناس - تاسىمال، اس - سۋ، قونالقى، ساياحات سياقتى سالالارداعى كاسىپورىندار ءۇشىن سالىقتى ازايتۋ، كەشىرىم ەتۋ، كەشەۋىلدەتىپ الۋ تيىمدىلىك ساياساتتارىن تياناقتاندىرىپ، ءوسىمىن قازىنادان بەرۋ ساياساتىن شىعارىپ، كاسىپورىنداردىڭ جۇمىستى، ءوندىرىستى قالپىنا كەلتىرۋىن بەلسەندىلىكپەن ىلگەرىلەتتى.
قارجى قۇراۋ كەپىلدەمە اقى مولشەرىن تومەندەتىپ، ىندەتتەن ساقتانۋ - تىزگىندەۋ زاتتىق ماتەريالدارىن ءتۇيىندى وندىرەتىن كاسىپورىنداردى قامتاماسىز ەتۋدى الدىمەن ويلاستىرىپ، كەپىلدەمە اقى مولشەرىن ％1تەن از بولۋعا تومەندەتتى؛ شاعىن، ۇساق كاسىپورىنداردىڭ شارۋاشىلىق قۇرۋ كەپىلدەمە قارىزىنا ءوتىنىش بەرۋ شارتىن تومەندەتتى؛ توقىماشىلىق، كيىم - كەشەك كاسىپورىندارىنىڭ شينجياڭدىقتاردى جۇمىسقا قابىلداعاندارىنا ءار ادامعا 5000 يۋاندىق ولشەممەن ءبىر جىلدا ماۋسىمعا ءبولىپ تىڭنان جۇمىستاندىرۋ قوسىمشا قاراجاتىن بەردى؛ جۇمىس ورنىقتىرۋ بويىنشا قايتارىپ بەرۋ ساياساتىن جۇرگىزىپ، جۇمىس ورنىقتىرۋ قوسىمشا قاراجاتىن تاراتتى.
ءار دارەجەلى قازىنا تاراۋلارى بەلسەندىلىكپەن ارەكەتتەنىپ، بۇكىل رايوننىڭ شۇعىل قاجەتتى ەمدەۋ بۇيىمدارى مەن تۇرمىستىق بۇيىمدارىنىڭ تارتىپپەن قامدالۋىن پارمەندى قامتاماسىز ەتتى. ءبىر جاعىنان، ەمدەۋ، دەنساۋلىق ساقتاۋ قۇرىلىمدارىنىڭ ىندەتتەن ساقتانۋ - تىزگىندەۋ قىزمەتىن ورىستەتۋىنە قاجەتتى ارناۋلى جابدىقتار، سىناق ءدارىسى، سونداي - اق اۋاشالاۋ بالنيتسالارىن وزگەرتىپ جاساۋ، ساقتانۋ - تىزگىندەۋ قىزمەتى سيپاتىنداعى قاراجاتتار سياقتىلارعا جەتكىلىكتى كومەك قاراجاتتى ىسكە قوستى، سونداي - اق دەر كەزىندە ىندەتتەن ساقتانۋ بۇيىمدارىن ساتىپ الىپ، قامداۋدى قامتاماسىز ەتتى؛ ەندى ءبىر جاعىنان، ىندەتكە توتەپ بەرۋگە ىستەتىلەتىن قورعانۋ كيىمى، ماسكى جانە قاتىستى ءدارى - دارمەكتەر سياقتى ەمدەۋگە پايدالانىلاتىن ماڭىزدى بۇيىمداردى وندىرەتىن كاسىپورىندار، تۇرمىسقا قاجەتتى ماڭىزدى بۇيىمداردى وندىرەتىن تىرەكتى كاسىپورىندار، ەمدەۋگە پايدالانىلاتىن ماڭىزدى ماتەريالداردى الاتىن - ساقتايتىن كاسىپورىندار سياقتىلارعا فينانس قۇرىلىمدارى قايتالاي بەرىلەتىن ارناۋلى قارىز اقشا ارقىلى ەرەكشە تومەن ءوسىمدى تيىمدىلىكتەگى امانات - قارىز قولداۋىن جاسادى، قازىنا ءوسىمىنىڭ ％50ىن قازىنادان تولەپ قولدادى.
