اۋىل شارۋاشىلىق ەرەكشە ونىمدەرىنىڭ بازارىن كۇسەتتەندىردى
شينجياڭ گازەتى جالپىلىق اقپارات قۇرالدارى ءتىلشىسى ليۋ شياڭ 3 - ايدىڭ 14 - كۇنى ۇرىمجىدەن حابارلايدى. اۆتونوميالى رايوندىق كەدەيلەردى سۇيەمەلدەۋ، وركەندەتۋ كەڭسەسىنەن ۇعىسۋعا قاراعاندا، تۇتىنۋ ارقىلى كەدەيلەردى سۇيەمەلدەۋدى جەبەپ، كەدەيلىكتەن ارىلتۋدان قامال الۋعا دەم بەرۋ ءۇشىن، رايونىمىز بيىل تۇتىنۋ ارقىلى كەدەيلەردى سۇيەمەلدەۋ ارەكەتىن ۇزدىكسىز ىشكەرىلەي ورىستەتىپ، تۇيىندە سىناق ەتۋگە جاڭالىق ەنگىزۋ مەن باياندى مەحانيزم ورناتۋدى ۇشتاستىرۋعا تاباندى بولىپ، ءبىر ءبولىم وڭىرلەردىڭ تۇتىنۋ ارقىلى كەدەيلەردى سۇيەمەلدەۋ ارەكەتى بويىنشا تۇيىندە سىناق ەتۋگە جاڭالىق ەنگىزۋدى ورىستەتۋىنە قولداۋ كورسەتىپ جانە جەتەكشىلىك ەتىپ، كەدەيلەردى سۇيەمەلدەۋ ونىمدەرى مەن بازار قاجەتىن ءونىمدى ۇشتاستىراتىن باياندى مەحانيزم ورناتۋدى ىلگەرىلەتىپ، اۋىل شارۋاشىلىعى ەرەكشە ونىمدەرىنىڭ ساتىلۋى قيىن بولۋ ماسەلەسىن كوپ ارنامەن شەشەدى ەكەن.
سوڭعى جىلدارى، قوعامداعى ءار سالانىڭ بىرگە قۇلشىنۋىندا، وڭتۇستىك شينجياڭ ءوڭىرىنىڭ ەرەكشە اۋىل شارۋاشىلىعى ونىمدەرى ىشكى وڭىرلەردىڭ ساۋدا بازارلارىندا، ەرەن بازارلارىندا بارعان سايىن كوبەيىپ، قالىڭ تۇتىنۋشىلاردىڭ قارسى الۋىنا بولەندى. ايتسە دە، جاعراپيالىق ورنى سالىستىرمالى شالعاي بولۋ، زات جەتكىزۋ قۇرىلعىلارى ءبىرشاما مەشەۋ بولۋ، ماركانىڭ تانىمالدىعى جوعارى بولماۋ سياقتى كوپتەگەن فاكتورلاردىڭ شەكتەۋىنە ۇشىراعاندىقتان، تاعى دا كوپتەگەن اۋىل شارۋاشىلىعى ەرەكشە ونىمدەرى ”قانشا جاقسى بولسادا ەلگە تانىلماي وتىر“.
وسى سەبەپتى، بيىل رايونىمىز ۇكىمەت جەتەكتەۋ، قوعام ات سالىسۋ، بازار اينالىمى، مەحانيزمدە جاڭالىق اشۋ پرينسيبىنە تاباندى بولىپ، تۇتىنۋ ارقىلى كەدەيلەردى سۇيەمەلدەۋ ارەكەتىن تياناق ەتىپ، نازاردى تۇتىنۋ ۇلگىسىنە شوعىرلاندىرا كۇش سالدى. ۇكىمەت باستاماشى بولىپ تۇتىنۋ بازارىن اشۋ، تاپسىرىستىق اۋىل شارۋاشىلىعىن زور كۇشپەن دامىتۋ ارقىلى كەدەي بۇقارانى عىلمي، جۇيەلى ەگۋگە جەتەكتەپ، اۋىل شارۋاشىلىعى ونىمدەرىمەن قامداۋدىڭ ساپاسى مەن قابىلەتىن جوعارىلاتتى. سونىمەن بىرگە، مەجە ەسەپ ورىندارىنىڭ ۇكىمەتتىك ساتىپ الۋ ۇلگىسىنەن پايدالانىپ، ءار دارەجەلى مەجە ەسەپ ورىندارىن الدىمەن ساتىپ الۋ، ساتىپ الۋ ۇلەسىن قالدىرۋ ءتاسىلى ارقىلى كەدەيلەردى سۇيەمەلدەۋ ونىمدەرىن ساتىپ الۋعا شابىتتاندىردى.
شەت - شالعاي وڭىرلەردىڭ ەرەكشە اۋىل شارۋاشىلىعى ونىمدەرىن اناعۇرلىم كەڭىنەن بازارعا شىعارۋدا جەلىدە جانە جەلىدەن تىس تۇتىنۋ ۇلگىسىندە جاڭالىق اشۋدى قاجەت ەتەدى. جەلىدە رايونىمىزدىڭ جەر - جەرى نەگىزىنەن ءتۇرلى ەلەكتروندىق ساۋدا تەكشەسىنەن پايدالانىپ، شىلان، جاڭعاق سياقتى شينجياڭنىڭ ەرەكشە اۋىل شارۋاشىلىعى ونىمدەرىن زور كۇشپەن تانىستىرادى؛ جەلىدەن تىس ءتۇرلى بازار تۇلعالارىن شينجياڭنىڭ ەرەكشە اۋىل شارۋاشىلىعى ونىمدەرىن ساتاتىن الەۋمەتتىك يگىلىك ارناۋلى اۋماعىن، ارناۋلى سورەسىن، ارناۋلى بولمەسىن اشۋعا ءتۇيىندى تۇردە ۇيىمداستىرىپ، اتتانىسقا كەلتىرەدى.
ساياحاتتىق تۇتىنۋ ارقىلى كەدەيلەردى سۇيەمەلدەۋ ۇلگىسى دە ۇقساس اناعۇرلىم ”كومەسكى كۇشتەردى اشۋدى“، كەدەي وڭىرلەردى ايگىلى كورىنىس اۋماعى، كورىنىس ءتۇيىنى، ساياحاتشىلاردى جيناۋ، جونەلتۋ ورتالىعى سياقتى جەرلەردە شينجياڭنىڭ اۋىل شارۋاشىلىعى ونىمدەرىن ساتۋ ارناۋلى اۋماعىن اشۋعا شابىتتاندىرىپ، ”اۋىل شارۋاشىلىعى سەرۋەنى + ساياحاتتىق ساتىپ الۋ“ سياقتى كەدەيلەردى سۇيەمەلدەۋ كاسىپ سالاسى تىزبەگىن قالىپتاستىرىپ، ساياحاتشىلاردى كەدەي وڭىرلەردىڭ ونىمدەرى مەن قىزمەت وتەۋلەرىن سەزىنۋگە باۋراۋدى قاجەت ەتەدى.
بيىل رايونىمىز تاعى تۇتىنۋ ارقىلى كەدەيلەردى سۇيەمەلدەۋ مەن شينجياڭعا كومەكتەسۋ ارقىلى كەدەيلەردى سۇيەمەلدەۋدى، رايون ىشىندە سەلبەسىپ كەدەيلەردى سۇيەمەلدەۋ جانە تۇيىندەردە كەدەيلەردى سۇيەمەلدەۋدى ۇشتاستىرىپ، كەدەيلەردى سۇيەمەلدەۋ ونىمدەرىنىڭ ساتىلۋ جاعدايىن شينجياڭعا كومەكتەسۋ ارقىلى كەدەيلەردى سۇيەمەلدەۋ، رايون ىشىندە سەلبەسىپ كەدەيلەردى سۇيەمەلدەۋ جانە تۇيىندەردە كەدەيلەردى سۇيەمەلدەۋ قىزمەتىنىڭ ناتيجەسىن باعالاۋدىڭ ماڭىزدى مازمۇنىنىڭ ءبىرى ەتىپ، شينجياڭعا كومەكتەسەتىن ولكە، قالالاردىڭ، رايون ىشىندەگى سەلبەسەتىن اۋدانداردىڭ (قالا، رايون) جانە ورتالىقتاعى، اۆتونوميالى رايونداعى مەكەمە - ورىندارىنىڭ تۇتىنۋ ارقىلى كەدەيلەردى سۇيەمەلدەۋ ارەكەتىنە بەلسەنە ات سالىسۋىن ىلگەرىلەتەدى.
«اۆتونوميالى رايوننىڭ تۇتىنۋ ارقىلى كەدەيلەردى سۇيەمەلدەۋ ارەكەتىن اتقارۋ جوباسى» مەن «اۆتونوميالى رايوننىڭ كەدەيلەردى سۇيەمەلدەۋ ونىمدەرىن تانۋدىڭ، باسقارۋدىڭ ۋاقىتتىق ادىسىنە» نەگىزدەلىپ، كەزەكتە، اۆتونوميالى رايوندىق كەدەيلەردى سۇيەمەلدەۋ، وركەندەتۋ كەڭسەسى اشىق، ءادىل، ادىلەتتى جانە ەرىكتى ءوتىنىش ەتۋ پرينسيبى بويىنشا كەدەيلەردى سۇيەمەلدەۋ ونىمدەرىن تانۋ سياقتى قىزمەتتەردى ۇيىمداستىرىپ ورىستەتتى.
