شينجياڭ گازەتىنىڭ جالپىلىق اقپارات قۇرالدارى تىلشىلەرى
3 - ايدىڭ 13 - كۇنى جاڭ چيگاڭ باسەڭ داۋىسپەن ءان سالا ءجۇرىپ، ەپتىلىكپەن قىزىل بۇرىش تۇقىمىن ەگىپ بولعان تۇبەكتەردى قۇرىلعى جىلىجايدىڭ ىشىنە ءبىر - بىرلەپ ءتىزدى.
جاڭ چيگاڭ ساۋان اۋدانى انجيحاي قالاشىعى حىشە جاڭا قىستاعىنىڭ تۇرعىنى، ول ءار جىلى كوكتەم مەزگىلىندە قىستاقتاعى بوحان ەگىنشىلىك شارۋالار كاسىپتىك سەلبەستىك كووپەراتيۆىنە كەلىپ جۇمىس ىستەيدى، 20 نەشە كۇن ۋاقىتتا، 3000 يۋاننان استام اقشا تاۋىپ وتباسى تۇرمىسىنا جۇمسايدى.
بىرنەشە جىلدان بەرى، رايونىمىزدىڭ جەر - جەرى جەرگىلىكتى ورىننىڭ ءىس جۇزىندىگىن تياناق ەتىپ، بىتىراڭقى ەگىنشىلىكپەن جانە باعىمشىلىقپەن شۇعىلداناتىن شاعىن شارۋا وتباسىلارىن بىرىكتىرىپ، سەلبەستىك كووپەراتيۆى مەن ەگىنشى وتباسىلارى اراسىنداعى مۇددەلىك ۇشتاستىرۋ مەحانيزمىن ورناتىپ، ەگىنشى - مالشىلاردىڭ شوعىرلانعان، كولەمدەنگەن تيجاراتقا بىرگە ات سالىسۋىنا مۇمكىندىك جاسادى. كوپتەگەن سەلبەستىك كووپەراتيۆتەرى جالاڭ ءوندىرىس بۋىنىنان ءوندىرۋ - ساتۋ ءبىر تۇلعالانعان جۇمىس ۇلگىسىن قالىپتاستىرىپ، كەدەيلىكتەن ارىلتۋدى جەبەۋ، قايتالاي كەدەيلەسۋدەن ساقتانۋ رولىن تولىق ساۋلەلەندىرۋدە.
جۇمىستاندىرۋ قامتاماسىز ەتىلدى، كەدەيلىكتەن ارىلۋ جولى اناعۇرلىم كەڭەيدى
تاياۋ جىلداردان بەرى، حوتان اۋدانى قاستاسى اۋىلى جەرگىلىكتى ورىننىڭ جاعراپيالىق ابزالدىلىعى مەن قىستاق تۇرعىندارىنىڭ تىلەگىن ۇشتاستىرىپ، بيىك تاۋدا وسىرۋگە ۇيلەسەتىن، ىندەتكە قارسىلىق قۋاتى كۇشتى قارا تاۋىق سورتىن ەنگىزىپ، ۇكىمەت جەتەكشىلىك ەتۋ، ءىرى وتباسىلارى باستاماشى بولۋ، كەدەي بۇقارا ات سالىسۋ ۇلگىسىمەن ءبىر توپ باعىمشىلىق كاسىپتىك سەلبەستىك كووپەراتيۆىن قۇردى.
قاستاسى اۋىلى قۇمات قىستاعىنداعى ارحيۆ تۇرعىزىلىپ، كارتچكالاندىرىلعان كەدەي وتباسى يمىننياز ءسىلام قىستاقتاعى مال باعىمشىلىعى سەلبەستىك كووپەراتيۆىنىڭ جەتەكشىلىگىندە، كەدەي وتباسى قالپاعىن الىپ تاستادى. قۇمات قىستاعىندا سەلبەستىك كووپەراتيۆى قۇرىلعاننان بەرى، قارا تاۋىق باعاتىن 100 وتباسىن جەتەكتەدى، ارحيۆ تۇرعىزىلىپ، كارتچكالاندىرىلعان 5 كەدەي وتباسى سەلبەستىك كووپەراتيۆىندە ورنىقتى جۇمىستاندى.
قۇمات قىستاعىنداعى باعىمشىلىق سەلبەستىك كووپەراتيۆىنىڭ جاۋاپتىسى تۇرسۇنمامەت ابدۇللا تانىستىرىپ بىلاي دەدى: سەلبەستىك كووپەراتيۆىنىڭ قازىرگى قولدا بار قارا تاۋىعى 6000عا جەتىپ، ءار جىلعى كىرىسى 100 مىڭ يۋاننان استى. قازىر سالىنىپ جاتقان جاڭا تاۋىق قوراسى بىتكەننەن كەيىن، باعىمشىلىقتاعى تاۋىق سانى 10 مىڭعا جەتىپ، ءتىپتى دە كوپ قىستاق تۇرعىندارىنا جۇمىس ورنىن ازىرلەيتىن بولادى.
ىلە قازاق اۆتونوميالى وبلىسىندا 2016 - جىلى قۇرىلعان تەكەس اۋدانى گۋجىيۋان ەگىنشىلىك شارۋالار كاسىپتىك سەلبەستىك كووپەراتيۆى ”سەلبەستىك كوپەراتيۆى + كەدەي وتباسى“ دامۋ ۇلگىسىمەن جەرگىلىكتى ورىنداعى قىستاق تۇرعىندارىنىڭ كەدەيلىكتەن ارىلىپ، اۋقاتتانۋىنا كومەكتەسۋدە.
ساڭىراۋقۇلاق تاياقشاسىن ەگۋ، جوعارى تەمپەراتۋرادا باكتەريانى ءولتىرۋ، ۇيالاپ ەگۋ، اشىتۋدان ساڭىراۋقۇلاق ءوسۋ، ءۇزۋ، ىرىكتەۋگە دەيىن، سەلبەستىك كووپەراتيۆى ءبىر جىلدىڭ ءتورت ماۋسىمىندا ەڭبەككۇش قاجەت ەتەدى، بىرنەشە جىلدان بەرى، بۇل سەلبەستىك سەرىكتەستىك كووپەراتيۆى ارحيۆ تۇرعىزىلىپ، كارتچكالاندىرىلعان 577 كەدەي وتباسىن كىرىستەرىن ورنىقتى ارتتىرۋعا جەتەكتەدى.
ءوندىرىس اناعۇرلىم كاسىبيلەنىپ، كىرىس بىرتە - بىرتە جوعارىلادى
”قازىر الدىمەن اۋلا تىڭايتقىشىن بەرەمىز، جەمىس اعاشى گۇل اشقان، تۇيىندەگەن، جەمىس پىساتىن كەزدە فۋشي تىڭايتقىشى تاعى ۇستەمەلەنەدى. 3 - ايدىڭ 14 - كۇنى اقسۋ قالاسى يگارشى اۋىلى يىرما قىستاعىنىڭ الما باعىندا، اقسۋ قالاسى شينكاڭ اۋىل شارۋاشىلىق قوسىمشا ونىمدەرى كاسىپتىك سەلبەستىك كووپەراتيۆىنىڭ تەحنيكتەرى باعباندارعا قالاي تىڭايتقىش بەرۋ، بۇتاۋ جونىندە تۇسىنىك جاسادى. جاڭا تەحنيكانى ۇيرەنىپ العاننان كەيىن، باعبان ءامار مامەت بيىل المادان مول ءونىم الۋعا سەنىمى ارتتى.
2014 - جىلى قىستاقتا الما ەگىنشىلىگىنە جانە ساتۋعا قىزمەت وتەيتىن شارۋالار كاسىپتىك سەلبەستىك كووپەراتيۆى قۇرىلعاننان بەرى، قىستاق تۇرعىندارىنىڭ الما ءونىم مولشەرى ارتتى، المانىڭ باعاسى دا جوعارىلادى، ءار مۋ المادان تۇسەتىن ورتاشا كىرىس وتكەندەگى 2000 يۋاننان قازىر 8000 يۋانعا جەتىپ، كوپتەگەن باعباندار كەدەيلىكتەن ارىلدى. 2019 - جىلى سەلبەستىك كووپەراتيۆى ”بولاشاق ەگىس الاڭىن“ قۇرىپ، فۋشي الماسىن سىناق رەتىندە ەگىپ، ەگىنشىلىك تەحنيكاسى مەن باسقارۋ تاجىريبەسىن جەرگىلىكتى ەگىنشىلىك وتباسىلارىنا دەرەۋ ۇيرەتىپ، ەگىنشىلىك وتباسىلارىنىڭ اناعۇرلىم كوپ تابىس تابۋىنا كومەكتەستى.
اقسۋ قالاسى شينكاڭ اۋىل شارۋاشىلىق قوسىمشا ونىمدەر كاسىپتىك سەلبەستىك كووپەراتيۆىنىڭ القا باستىعى جۋ شۋەسىن بىلاي دەدى: ۇكىمەت جەمىس ورمانى ماماندارىن جىبەرىپ، سەلبەستىك كووپەراتيۆىنىڭ وسى زامانعى جەمىس ورمانى كاسىبى تەحنيكتەرىن باۋلۋ سياقتى قىزمەت وتەۋلەردى ورىستەتىپ، سەلبەستىك كووپەراتيۆىنىڭ ەگىنشىلىك بازاسىن كولەمدەندىرۋگە، ولشەمدەندىرۋگە، زەردەلىلەندىرۋگە قاراي ويىسۋىنا كومەكتەسىپ، وسى ارقىلى اناعۇرلىم كوپ باعبانداردى كىرىستەرىن ءۇرتىس ارتتىرۋعا جەتەكتەپ، جەمىس ورمانى كاسىبىنىڭ ساپاسىن ءوسىرىپ، ونىمدىلىگىن ارتتىرىپ، كەدەيلىكتەن ارىلتۋ تابىستارىن بەكەمدەدى.
3 - ايدىڭ 14 - كۇنى بۇراتالا قالاسى چىندەل قالاشىعى دىنجىك قىستاعىنىڭ تۇرعىنى اۋايحان قىستاقتاعى چيانجياحى باعىمشىلىق شارۋالار كاسىپتىك سەلبەستىك كووپەراتيۆى تاراتقان قويدى اماناتتاۋ تابىسىنان بولىنگەن 42 مىڭ يۋاندى الدى. وتكەندەگى كەدەي وتباسىنان بۇگىنگى تاڭداعى كەدەي وتباسىلارىن كىرىستەرىن ارتتىرۋعا جەتەكتەيتىن كاسىپتىك باقتاشى بولعانعا دەيىن، اۋايحان سەلبەستىك كووپەراتيۆىندە بايۋ ارمانىن ورىندادى.
ساتۋدان قام جەمەي، بار ىنتاسىمەن وندىرىسپەن شۇعىلداندى
”جىلىجاي كوكونىسى، شىنىندا، جاقسى، مەنىڭ قىزىل بۇرىشتارىم بازارعا شىعارىلاتىن بولدى، قازىر ءبىر كيلوگرام قىزىل بۇرىشتىڭ تولايىم باعاسى 3.5 يۋان، بارلىعى سەلبەستىك كووپەراتيۆى ارقىلى تاپسىرىسقا الىندى، شىنىمەن كەرەمەت دەمەۋ بولدى“، - دەدى شيحۋ قالاسى جيۋجيانلوۋ اۋىلى حۋاڭچۇي قىستاعى گۋاڭحۇي كوكونىس سەلبەستىك كووپەراتيۆىنىڭ مۇشەسى حۋ شۋپيڭ قۋانا.
حۋ شۋپيڭ جونىنەن العاندا، سەلبەستىك كووپەراتيۆىنە قوسىلۋدان كوپ پايداعا كەنەلدى، اناعۇرلىم ولشەمدى جانە وزىق ەگىنشىلىك تەحنيكاسىن ۇيرەنىپ الۋمەن بىرگە، ونىمدەرىن ساتۋ جولىنان ەندىگارى الاڭدامايتىن بولدى. بيىل حۋاڭچۇي قىستاعى گۋاڭحۇي كوكونىس سەلبەستىك كووپەراتيۆى مەن كۇيتۇندەگى ءبىر كوكونىس سەرىكتەستىگى 800 مۋ جەردەگى كوكونىسپەن قامداۋ جونىندەگى ”تومەندەتپەۋگە كەپىلدىك ەتۋ تاپسىرىسىنا“ قول قويدى. تاپسىرىس بولعاننان كەيىن، ەگىنشىلىك وتباسىلارى الاڭنان ارىلىپ، كوكونىس ەگىنشىلىگىنە بۇكىل ىنتا - پەيىلدەرىمەن كىرىستى.
اقشي اۋدانىنداعى باعىمشىلىق وتباسى مامەتوسمان ابدۇجاپار سەلبەستىك كووپەراتيۆىنىڭ ءبىر تۇتاس باسقارۋ مەن ساتىپ الۋدى جولعا قوياتىندىعىنان حابار تاۋىپ، اقشي اۋدانى توحىبيڭچۋان سارلىق باعىمشىلىعى، ءوسىرۋ شارۋالار كاسىپتىك سەلبەستىك كووپەراتيۆىنە قوسىلۋعا ءبىرىنشى بولىپ ءوتىنىش بەردى.
سەلبەستىك كووپەراتيۆىنىڭ جاۋاپتىسى ۋاڭ شىڭحۇڭ تانىستىرىپ بىلاي دەدى: ”سەلبەستىك كووپەراتيۆى اۋداندا تىكە ساتۋ دۇكەنىن اشۋمەن بىرگە، تاعى جەلىدە ساتۋ ۇلگىسىن قولدانىپ، ەت ونىمدەرىن اۋاسىز قوراپتاعاننان كەيىن، بۇكىل ەلدىڭ جەر - جەرىنە تاراتتى. الدا، ءبىز شينجياڭ سىرتىنداعى كاسىپورىندارىمەن ۇزدىكسىز ۇشتاسىپ، ساتۋ ارناسىن قۇلشىنا كەڭەيتىپ، سەلبەستىك كووپەراتيۆىنە قوسىلعان شارۋا وتباسىلارىنىڭ كىرىستەرىن ارتتىرۋىنا كومەكتەسىپ، كەدەي وتباسىلارىن اۋقاتتانۋ جولىنا تۇسۋىنە باستايمىز.
(ءتىلشى جاڭ رۇيلين، قاتىناسقان تىلشىلەر ءپاريزات ابدۇل، ءجازيرا نەسىپبەك، سۇڭ ياۋىن، جاڭ جىلي، ءرايىدا، ەرىكتى تىلشىلەر زىڭ جاۋمەي، ۋاڭ ميڭياڭ، لي جينمەي)
