تيانشان تورى   ›   جاڭالىقتار   ›   شينجياڭ حابارلارى

چارقىلىق - نيە جوعارى قارقىندى تاس جول قۇرىلىسىنىڭ جۇمىس باسىندا ماشينالار قاۋىرت جۇمىس جۇرگىزدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ 3 - ايدىڭ 24 - كۇنى ۇرىمجىدەن حابارلايدى. 3 - ايدىڭ 24 - كۇنى تارىم ويپاتىن اينالاتىن جوعارى قارقىندى تاس جولداعى ماڭىزدى ءبىر بۋىن − G315 جەلىسى چارقىلىق - نيە جوعارى قارقىندى تاس جولىندا جۇمىس رەسمي قالپىنا كەلتىرىلدى.

  سول كۇنى تۇستەن بۇرىن چارقىلىق - نيە جوعارى قارقىندى تاس جولى 5 - توقتامداعى بولىگى قۇرىلىسىنىڭ جۇمىس باسىندا جەر تەگىستەۋ ماشيناسى، جول شىڭاۋ ماشيناسى سياقتى ماشينالار جول تاعانىن تەگىستەۋدە. وسى جول بولىگىندەگى تىرەۋ - ارقالىق الاڭى، ۋاقىتشا قۇرىلىستار دا قاۋىرت سالىنىپ، قاربالاس كۇيگە ەنگەن.

  ”ءبىز ’تۇيىننەن تۇيىنگە دەيىن‘ اۆتوكولىك جالداۋ، ۇشاق جالداۋ، سونداي - اق كولىكتى ءوزى جۇرگىزۋ تاسىلدەرىن قولدانىپ، باسقارۋشى قىزمەتكەرلەر مەن قۇرىلىس جۇرگىزەتىن قىزمەتكەرلەردى جۇمىس الاڭىنا بارىپ جۇمىستى قالپىنا كەلتىرۋگە جەدەل ۇيىمداستىردىق، الدا تاعى دا شينجياڭ سىرتىنان جۇمىسقا ورالۋشىلار جالعاستى كەلەدى“. جۇڭگو تەمىر جولى 1 - مەكەمەسى چارقىلىق - نيە جوعارى قارقىندى تاس جولى 5 - توقتام بولىگى نىسان ءبولىمى پارتكومىنىڭ شۋجيى داڭ جياڭتاۋ تەلەفوندا بىلاي دەدى: ۋاقىت تىعىز، مىندەت اۋىر، ءبىز جىلدىق قۇرىلىس جۇرگىزۋ جوسپارى مەن ايلىق قۇرىلىس جۇرگىزۋ جوسپارىن ەگجەي - تەگجەيلى جاساپ، جۇمىس مەزگىلى ءتۇيىنىن ناقتى تياناقتاندىرۋعا كەپىلدىك ەتەمىز. سونداي - اق شيكىزاتتىڭ جۇمىس باسىنا جەدەل جەتكىزىلۋىن ۇيىمداستىرىپ، قۇرىلىس ماتەريالدارىنىڭ دا تولىق بولۋىنا شىنايى كەپىلدىك ەتەمىز“.

  چارقىلىق - نيە جوعارى قارقىندى تاس جولىنىڭ باستالۋ ءتۇيىنى چارقىلىق اۋدانىندا، جول بويى چەرشەن اۋدانىن، بيڭتۋان 2 - شىسىنىڭ 37 - تۋانىن، 38 - تۋانىن باسىپ ءوتىپ، نيە اۋدانىنا بارىپ تىرەلەدى، G315 جەلىسى نيەدەن لوپقا دەيىنگى تاس جول نىسانىنىڭ باستالۋ تۇيىنىمەن توعىسادى، لەنيانىڭ جالپى ۇزىندىعى 530.2 كيلومەتر. نىسان قوس باعىتتا 4 اۆتوكولىك قاتىناۋداي جوعارى قارقىندى تاس جول ولشەمى بويىنشا سالىنۋدا، جوسپار بويىنشا قارقىنى ساعاتىنا 120 كيلومەتر بولىپ، مەجەمەن 2021 - جىلدىڭ سوڭىندا سالىنىپ بولىپ كولىك قاتىنايدى.

  ۇعىسۋعا قاراعاندا، چارقىلىق - نيە جوعارى قارقىندى تاس جولى تارىم ويپاتىن اينالاتىن جوعارى قارقىندى تاس جولدىڭ ماڭىزدى ءبىر بۋىنى، سونداي - اق وڭتۇستىك شينجياڭ ءوڭىرىنىڭ ىشكى وڭىرلەرمەن بايلانىس جاساۋىنداعى ماڭىزدى وتكەل. 2019 - جىلى 7 - ايدا G3012 قاشقاردان (جاڭاءشار) قاعىلىققا، ودان قاراقاشقا دەيىنگى جوعارى قارقىندى تاس جولدىڭ 2 - مەرزىمدىك قۇرىلىسىندا كولىك قاتىناۋىنا مەڭزەس، جوعارى قارقىندى تاس جول تارىم ويپاتىن جارتىسىنا جۋىق وراپ بولدى، وعان قوسا بيىل چارقىلىق - نيە جوعارى قارقىندى تاس جولىنىڭ، ۇرىمجىدەن لوپنۇرعا دەيىنگى جوعارى قارقىندى تاس جولدا قۇرىلىستىڭ قالپىنا كەلۋىمەن، سونداي - اق G315 جەلىسى نيە − لوپ 1 - دارەجەلى تاس جولى، لوپنۇر − بيڭتۋان 2 - شى 35 - تۋان، بيڭتۋان 2 - شىسىنىڭ 35 - تۋان − چارقىلىق تاس جولى نىسانىنىڭ الدىڭعى مەرزىمدىك قىزمەتى جەدەل ىلگەرىلەۋىمەن، تارىم ويپاتىن اينالعان جوعارى قارقىندى تاس جول تورابى بىرتىندەپ قالىپتاسا باستادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • تيانشان جەڭىس تۋنەلىنىڭ قۇرىلىسى قاۋىرت جۇرگىزىلدى
  • چاڭچىڭ ”تيانشان جەلىلەس“ كومپيۋتەرىنىڭ تۇتاس اپپاراتى ءوندىرىس جەلىسىنەن شىقتى
  • ءۇيدىڭ ءىشى - سىرتى شىت جاڭا تۇسكە ەندى
  • كۇش ۇستىنە كۇش قوسىپ، اياق الىستى جەدەلدەتتى
  • سۇيەمەلدەۋ ساياساتى دامۋعا دەم بەردى