شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ شيڭرۇي، ەرىكتى ءتىلشى شى لين 3 - ايدىڭ 25 - كۇنى فۋكاڭنان حابارلايدى. ”كەزەكتە مەملەكەتتىك ەلەكتر قۋاتى قارجى قوسۋ شەكتى سەرىكتەستىگىنىڭ شينجياڭ سەرىكتەستىگى ۋسايۋان سولتۇستىك 2 - ەلەكتر ستانسياسىنىڭ 2 × 660 مىڭ كيلوۆات نىسانىنىڭ 2 - ءنومىرلى گەنەراتور اگراگاتتار شوعىرى بۋ تۋربيناسىنىڭ روتورىن جەدەل ورناتىپ، ەڭ سوڭعى قامال الۋ كەزەڭىنە ءوتتى“. 3 - ايدىڭ 23 - كۇنى مەملەكەتتىك ەلەكتر قۋاتى قارجى قوسۋ شەكتى سەرىكتەستىگى شينجياڭ سەرىكتەستىگىنىڭ باس ديرەكتورى لين حۋا تانىستىرىپ بىلاي دەدى: 2 - ءنومىرلى گەنەراتور اگراگاتتار شوعىرى قۇرىلىس نىسانى 3 - ايدىڭ 19 - كۇنى جۇمىستى، ءوندىرىستى رەسمي قالپىنا كەلتىرگەننەن كەيىن، قارقىندى جىلدامداتىپ قۇرىلىس ۋاقىتىن ۇتىپ، اياق الىستى تەزدەتىپ، 6 - ايدىڭ باس شەنىندە ەلەكتر ستانسياسىن جاپپاي وندىرىسكە قوسۋعا كۇش سالىندى.
ۋسايۋان سولتۇستىك 2 - ەلەكتر ستانسياسى نىسانى ”شينجياڭنىڭ ەلەكترىن سىرتقا شىعارۋ“ 2 - ارناسىنىڭ سايكەستىرىلگەن ەلەكتر كوزى ينجەنەرياسىنا جاتادى، مەملەكەتتىك ەنەرگيا باسقارۋدى زەردەلىلەندىرۋ ۇلگى كورسەتۋ نىسانى، زات ينتەرنەتى، ۇلكەن ساندى مالىمەتتىك تالداۋ، جاساندى زەردە، ءبىر تىلشىكپەن اشۋ، توقتاۋ (APS) سياقتى وسىزاماندانعان جوعارى جاڭا تەحنيكالاردان پايدالانىپ، ىسكە قوسۋ، تەكسەرىپ جوندەۋ، حاۋىپسىزدىك، ورتانى قورعاۋ سياقتى مودۋلداردى زەردەلەندىرۋ ارقىلى، اناعۇرلىم جوعارى ءونىمدى، حاۋىپسىز، ورتانى قورعايتىن ”زەردەلى ەلەكتر ستانسياسىن“ تۇلعالايدى. بۇل نىسانعا جالپى 4 ميلليارد 900 ميلليون يۋان قارجى قوسىلعان، سالىنىپ بولعان سوڭ جىلدىق ەلەكتر شىعارۋ مولشەرى 6 ميلليارد كيلوۆات - ساعاتقا جەتەدى، ول شينجياڭنىڭ ەنەرگيا بازاسىن اشۋىن جەبەپ، جەرگىلىكتى ورىننىڭ ەكونوميكالىق ارتۋىن ىلگەرىلەتۋ جونىنەن كەلەلى ءمان الادى.
3 - ايدىڭ ورتا شەنىنەن بەرى، مەملەكەتتىك ەلەكتر قۋاتى قارجى قوسۋ شەكتى سەرىكتەستىگىنىڭ شينجياڭ سەرىكتەستىگى سالىنۋ ۇستىندەگى نىسانداردىڭ جۇمىستى، ءوندىرىستى قالپىنا كەلتىرۋىن جەدەل ىلگەرىلەتتى. 3 - ايدىڭ 17 - كۇنى ”شينجياڭنىڭ ەلەكترىن سىرتقا شىعارۋدىڭ“ 2 - ارناسىنىڭ سايكەستىرىلگەن جاڭا ەنەرگيا ينجەنەرياسىنىڭ موري 300 مىڭ كيلوۆات جەل ەلەكتر نىسانى جۇمىستى قالپىنا كەلتىردى، قازىر جۇمىستى جاپپاي ورىستەتتى، جوسپارمەن 11 - ايدىڭ سوڭىندا تولىق سيىمدىلىقتا ەلەكتر تورىنا قوسىلادى. مۇنان تىس، مەملەكەتتىڭ ەلەكتر قۋاتى قارجى قوسۋ شەكتى سەرىكتەستىگىنىڭ شينجياڭ سەرىكتەستىگىنە قاراستى موري مەملەكەت ەنەرگيا تيانلي لاۋجۇنمياۋ جەل ەلەكترى، موري لاۋجۇنمياۋ نانحۇي شوعىرلى ستانسياسى، توقسۇن يۋانشين جەل ەلەكترى سىندى 3 نىسان الدىڭعى مەرزىمدىك قىزمەتىن جەدەل ىلگەرىلەتىپ، ەرتە جۇمىس باستاۋعا، ەرتە سالۋعا، ەرتە ىسكە قوسۋعا كۇش سالۋدا.
