شينجياڭ گازەتىنىڭ جالپىلىق اقپارات قۇرالدارى تىلشىلەرى حى حۇڭۋي، لياڭ ليحۋا
ىندەتتەن ساقتانۋ - تىزگىندەۋ جاعدايىنىڭ ءۇرتىس جاقسارۋىنا ساي، ءۇرىمجىنىڭ بۇرىنعىداي دۋماندى بەينەسى بىرتە - بىرتە قالپىنا كەلە باستادى. كوشە ارالاپ، زات ساتىپ الىپ، ساياحاتتاپ، ءداندى قۇجىردان ءدام تاتتى... قالا تۇرعىندارىنىڭ تۇتىنۋ بەلسەندىلىگى قايتا ارتىپ، قالادا دۋماندى تۇرمىس لەبى ەستى.
ەڭلىك بۇيىمدار ارناۋلى تەكشەسىندە كۇندىك ورتاشا ساتىلىم سوماسى 30 مىڭ يۋان بولدى
3 - ايدىڭ 27 - كۇنى ەرتەمەن ءۇرىمجى قالا رايونىندا اۆتوكولىكتەر قايشالىسىپ، ءارقايسى ءىرى ساۋدا سارايلارى تۇس - تۇستان جەلىلەس ساتىلىمدى جەدەلدەتۋ قيمىلدارىن وتكىزدى، سونداي - اق تيجارات جۇرگىزۋ ۋاقىتىن ۇزارتتى.
تيانشان رايونى گۋاڭميڭ جولىنا ورنالاسقان CCMALL ءداۋىر الاڭىنىڭ 2 - قاباتىنداعى حۋادي ساپالى بۇيىمدار تۇرمىس سارايىندا قالا تۇرعىنى لين شانشان وتباسىنداعىلارمەن بىرگە ىدىس - اياق تاڭداپ ءجۇر. ”كوشە ارالاماعالى ۇزاق بولدى، ازدان سوڭ ءبىز تاعى بالالاردى كەڭەيتىلگەن سايرانباققا اپارىپ ويناتپاقشىمىز“. ءتىلشى ساۋدا سارايىنىڭ ىشىندەگى مادەنيەت جاڭالىقتارى كوشە رايونى، وتباسىلىق تۇرمىس رايونى، زاماناۋي اس - سۋ رايونى، اجارلاندىرۋ - شاش جاساۋ دۇكەندەرى تۇگەلدەي اشىلىپ قاريدار قابىلداپ جاتقاندىعىن، ءارقايسى ينتەرنەت ايگىلىسى كارتچكا جۇگىرتۋ ورىندارى دا كوپتەگەن قالا تۇرعىندارىن بارىپ سۋرەتكە تۇسۋگە باۋراعاندىعىن كوردى.
اپتا سوڭى بولماسا دا ءبىراق سايباق رايونى سولتۇستىك دوستىق جولىنداعى مەيمەي دوستىق زات ساتىپ الۋ ورتالىعىندا ادامدار ءيىن تىرەسەدى.
دەنە تەمپەراتۋراسىن ولشەتىپ بولعان قالا تۇرعىندارى ىركەس - تىركەس ساۋدا سارايىنا كىرىپ جاتىر، ءۇرىمجى قالاسىنىڭ تۇرعىنى جاڭ شۋميڭ اپەكە - سىڭلىلەرىمەن بىرگە ءبىر ايگىلى ماركالى كيىم - كەشەك دۇكەنىنەن كيىم تاڭداپ الىپ جاتىر، ”جانعا جايلى، كورىكتى كوكتەم كەلدى، ءبىز كوكتەمدە كيۋگە لايىقتى كيىم - كەشەك ساتىپ الىپ جاتىرمىز“، - دەدى جاڭ شۋميڭ.
ەڭلىك بۇيىمدار ساتاتىن ارناۋلى تەكشەدە قالا تۇرعىنى ليۋ شين ەڭلىك بۇيىمدارىن تاڭداۋدا. ”مەن بۇل ارانىڭ كونە قاريدارىمىن، بۇگىن دۇكەننىڭ شاقىرتۋىمەن قولىمدى تەگىن كۇتىمدەتۋگە كەلدىم، جولاي كەيبىر كوز ساندەۋ بۇيىمدارىن ساتىپ الماقشىمىن“، - دەدى ليۋ شين. وسى ارناۋلى تەكشەدەگى دۇكەن قىزمەتكەرلەرىنىڭ باستىعى يۇي جۇنگاڭ تانىستىرىپ بىلاي دەدى: ”ىندەتتەن ساقتانۋ - تىزگىندەۋ مەزگىلىندە ءبىز قاريدارلار توبىن قۇردىق ءارى توپتا بەلگىلى مەرزىم سايىن بەت تەرىسىن كۇتىمدەۋ، اجارلاندىرۋ بىلىمدەرىن جولداپ وتىردىق، تيجارات باستاعاننان كەيىن، ءبىز ساۋدا سارايى مەن ايگىلى ماركا قيمىلىنا سۇيەنىپ، جاڭا، كونە قاريدارلاردى باۋرادىق، كەزەكتە كۇندىك ورتاشا ساتىلىم سومامىز 30 مىڭ يۋان اينالاسىندا بولىپ تۇر“، - دەدى.
”ىندەتتەن ساقتانۋ قىزمەتىن ويداعىداي ىستەۋمەن بىرگە، ءبىز كوكتەم ماۋسىمىندىق ەڭلىك بۇيىمدار مەرەكەسى، كوكتەمدە كيەتىن كيىمدەر ساتىپ العان سوما بەلگىلى ولشەمگە تولعاندا، ءمالىم بولىگىن قايتارىپ بەرۋ سياقتى ساتىلىمدى جەدەلدەتۋ قيمىلدارىن ورتاعا قويىپ،’ جەلىدە + جەلىدەن تىس‘ ساتىلىمدى كەڭەيتۋدى بەلسەنە ورىستەتىپ، الەۋمەتتىك شوعىردا ساۋدالاۋ، تىكە تاراتۋدا ساۋدالاۋ سياقتى ءتۇرلى فورمالاردان پايدالانىپ تۇتىنۋدى جەبەدىك“، - دەدى مەيمەي دوستىق زات ساتىپ الۋ ورتالىعىنىڭ باس ديرەكتورى شياۋ جىفىن تانىستىرىپ.
40 مينۋت كەزەكتە تۇرىپ، ءدامدى تاعامنان اۋىز ءتيدى
نەشە كۇننەن بەرى، ءۇرىمجىنىڭ كوشەلەرىندەگى تاعامجايلار ىركەس - تىركەس تيجارات باستادى، قازان، قاسقانداردان ىپ - ىستىق تۇرمىس لەبىندەي بۋلار كوتەرىلدى.
3 - ايدىڭ 26 - كۇنى ءۇرىمجى قالاسى شۇيموگوۋ رايونى چيداۋان وڭتۇستىك جولى نانحۋ جاسامپازدىق باقشاسىنا ورنالاسقان كروران سىرى كاۋاپ تاعامجايىنا كىرگەنىمىزدە، بارلىق ۇستەلدە الەۋمەتتىك قاسىق - ساقپىلار قويىلىپ، مادەنيەتتى تاماقتانۋ دارىپتەلىپ جاتقاندىعىن كوردىك. قوي قابىرعاسى، كىشكەنە زىق كاۋاپ، پالاۋ سياقتى شينجياڭنىڭ ەرەكشە تاعامدارى شىعارىلىپتى، اسىعىپ - ابدىراماي 40 مينۋت توسقان قالا تۇرعىنى جاڭ تيانحاۋ اقىرىندا دوسىمەن بىرگە سۇيسىنە تاماقتاندى. ”دوۋيىنداعى قىسقا كەسكىندەردەن بۇل ارانىڭ ساۋداسى قىزىپ جاتقاندىعىن كورىپ، دوسىممەن بىرگە تاماقتانعالى كەلگەنىم وسى“، - دەدى جاڭ تيانحاۋ.
”تيجارات باستاۋدان ىلگەرى، ءبىز ون نەشە ءتۇرلى تيجارات باستاۋ جوباسىن جاساپ، قاريدارلاردىڭ الاڭسىز تاماق جەۋىنە، سۇيسىنە وتىرىپ تاماق جەۋىنە قۇلشىندىق. قازىر ءار كۇنگى قاريدار مولشەرىمىز ەرەكشە جوعارى، ساتىلىم سوماسى سايكەس مەزگىلدەن ％10 جوعارىلادى“، - دەدى شينجياڭ كروران سىرى كاۋاپ اس - سۋ باسقارۋ شەكتى سەرىكتەستىگىنىڭ تيجارات باس باقىلاۋشىسى سۋ ۋيجۇن تانىستىرىپ.
مەيمەي دوستىق زات ساتىپ الۋ ورتالىعىنىڭ 5 - قاباتىنداعى اس - سۋ الاڭىنداعى پاڭگى - ليا ەتتى قىسقىش اسحاناسىندا جاڭ شين مەن دوستارى دەنە تەمپەراتۋراسىن ولشەتىپ، قولدارىن زارارسىزداندىرعاننان كەيىن اسحاناعا كىردى. ”ءبىز بۇل اسحانانىڭ كونە قاريدارىمىز، تاماقتىڭ ءدامى بۇرىنعىداي ءتىل ۇيىرەدى، قىزمەت وتەۋى ءتىپتى دە جاقسارىپتى“، - دەدى جاڭ شين.
وسى اسحانانىڭ باسقارۋشى قىزمەتكەرى باي يالي: ”قاريدارلاردى باۋراۋ ءۇشىن، ءبىز اسحانادا باعانى تومەندەتۋ قيمىلىن وتكىزدىك، سونىمەن بىرگە، اسحانامىز دامۋ جەلىسى شارۋاشىلىعىن دا دامىتتى، جەلىدە، الدە اسحانادا بولسىن، ءبىز تازالىققا ەرەكشە ءمان بەردىك“، - دەپ تانىستىردى.
”بۇل رەتكى ىندەت ءىشىنارا كاسىپورىنداردى ءبىر قىدىرۋ وزگەرىس جاساۋعا ماجبۇرلەدى، ماسەلەن، تازالىق شارت - جاعدايىن جاقسارتىپ، ’جەلىدە + جەلىدەن سىرت‘ تەڭ قادامدا جۇمىس جۇرگىزۋ ۇلگىسى سياقتىلاردى ورىستەتتى، مۇنى ءارى سىن - سايىس، ءارى وراي دەۋگە ابدەن بولادى“، - دەدى ءۇرىمجى اس - سۋ قىزمەت وتەۋ كاسىبى قوعامىنىڭ باس حاتشىسى باي جيڭتاڭ.
ەرلى - زايىپتى ساۋداگەرلەردىڭ كۇندىك جالپى كىرىسى 10 مىڭ يۋاننان استى
3 - ايدىڭ 25 - كۇنى كەش، ىمىرت ۇيىرىلە بەرە، شينجياڭ حالىقارالىق ۇلكەن بازاردىڭ جاياۋلار كوشەسى دىر - دۋمانعا شومدى. ”تۇرمىس ءتارتىبى قالپىنا كەلگەننەن كەيىن، ءبىز تاعات تاپپاي تاماق جەپ، سايراندادىق“. قالا تۇرعىنى گو شياۋچين ءداندى قۇجىردان اۋىز تيە وتىرىپ بىلاي دەدى: ”بۇل جەردىڭ ىندەتتەن ساقتانۋ شارالارى كەمەلدى ەكەن، بۇل جەردەن تاماقتانساڭىز، تۇتىنساڭىز، تىم الاڭسىز بولاسىز“.
3 - ايدىڭ 10 - كۇنى ۇلكەن بازاردىڭ جاياۋلار كوشەسى رەسمي تيجارات باستادى. قازىر ۇلكەن بازاردىڭ جاياۋلار كوشەسى ىشىندەگى اشەكەيلى اۆتوموبيلدەر مەن كوشە جاعالاۋىنداعى دۇكەندەردەگى جيىنى 131 ساۋداگەر تۇگەلمەن تيجارات باستادى. ”وسى بىرنەشە كۇننەن بەرى، ساۋدا جاقسارىپ كەلەدى، ءبىر كۇنگى جالپى كىرىسىم 6000 يۋان توڭىرەگىندە، ايەلىم قارسى جاقتا پەتىر ءمانتى ساتادى، ءار كۇنگى جالپى كىرىسى 5000 يۋاننىڭ اينالاسىندا“، - دەدى ۇلكەن بازاردىڭ جاياۋلار كوشەسىندەگى مۋياڭ تيانشان كاۋاپحاناسىنىڭ قوجايىنى تۇرسىنجان.
ءۇرىمجى قالاسىنداعى ءارقايسى قار شاڭعى الاڭدارى دا كوكتەمگى التىن مەزگىلدى قارسى الدى. شينجياڭ جىبەك جولى حالىقارالىق دەمالىس اۋماعى قار شاڭعى الاڭىندا ساياحاتشى جىڭ حۋاچين قارشاڭعى كيىمىن كيىپ، كوك اسپان، اقشا بۇلت استىندا ەمىن - ەركىن شاڭعى تەۋىپ ءجۇر. ”تيانشان باۋرايىندا جەلدەي ەسىپ، تازا اۋا جۇتىپ، ءوزىمدى قاتتى سەرگىپ قالعانداي سەزىندىم، بىرنەشە كۇننەن كەيىن دوستارىمدى ەرتىپ تاعى دا كەلەمىن“، - دەدى جىڭ حۋاچين.
شينجياڭ جىبەك جولى حالىقارالىق دەمالىس اۋماعىنىڭ ورىنباسار باس ديرەكتورى حۋاڭ حى بىلاي دەدى: ”ىندەتتەن ساقتانۋ - تىزگىندەۋدى ويداعىداي ىستەۋمەن بىرگە، ءبىز بەلسەندىلىكپەن قار جاسادىق، قار تاپتادىق، اسقار تاۋ قار جولى مەجەمەن 5 - ايدىڭ باسىنا دەيىن تيجارات جۇرگىزەدى“.
