”تۋىسىم كەلىپ، كوڭىلىم وتتاي مازدادى“

شينجياڭ گازەتىنىڭ جالپىلىق اقپارات قۇرالدارى ءتىلشىسى ميھىرگۇل عوپۇر

　　”ءيۇسۇپ، سەن ءۇيىڭدى تاپ - تۇيناقتاي ەتىپ جيناستىرىپ، وتتى دا مازداتىپ جاعىپ قويىپسىڭ، جول بويى پويەزدا شارشاپ - شالدىققان مەنى بىردەمدە سەرگىتىپ جىبەردى“. 3 - ايدىڭ 19 - كۇنى اۆتونوميالى رايوندىق پارتكوم قارت كادرلار مەكەمەسى باقىت جولى قارت كادرلار دەمالىس ورنىنىڭ قىزمەتكەرى گو حۇيجيە ءۇشتۇرپان اۋدانى العا قالاشىعى تەتىر قىستاعىنداعى جۇپ قۇراعان تۋىسى ءيۇسۇپ ەركىننىڭ ۇيىنە كەلە سالىسىمەن مەيىرگە تولى دوستىق سۇيىسپەنشىلىكتى سەزىندى.

　　”تۋىسىم كەلىپ، كوڭىلىم وتتاي مازدادى“، - دەدى ءيۇسۇپ قۋانىشپەن. ءبىر وتباسىنداعىلار باس قوسىپ، شاي الا وتىرىپ ءداندى قۇجىرلاردان اۋىز ءتيىپ، كوڭىل سىرلارىن اقتارىستى.

　　”اعا، 2 جىلدىڭ الدىندا دەنساۋلىعىم جاقسى بولماي قالعاندا، ءبىر ءتاۋىرى ءوزىڭىز قارايلاسقان ەدىڭىز، قازىر دەنساۋلىعىم قالپىنا كەلدى. مەن دە جىگەر - قايراتىما كەلىپ بيىل جۇگەرىنى جاقسىلاپ ەگىپ، سيىر - قويلارىمدى دا قۇنتتاپ باعامىن، جاقسى ىستەسەم بولعانى، ءبىر جىلدا 70 نەشە مىڭ يۋان كىرىس تابۋدان ماسەلە جوق“، - دەدى ءيۇسۇپ مىعىم سەنىممەن. ”قۇلشىنعانعا قۇت ءۇيىر تابيعات زاڭى، تەك بىلەك سىبانا ىسكە كىرىسسەڭ بولعانى، قولدان كەلمەيتىن ءىس بولمايدى“، - دەدى گو حۇيجيە كۇلە سويلەپ.

　　ەكەۋى تاماقتانىپ العان سوڭ، ارتقى اۋلاعا بىرگە بارىپ، سيىر - قوي قوراسىن رەتتەدى ءارى اۋلانىڭ بۇرىشىندا ءۇيىلىپ جاتقان قوقىسىقتاردى جيناستىردى. بىردەمنەن كەيىن، ءۇيدىڭ الدى - ارتى رەتتى، مونتازداي تازارىپ شىعا كەلدى. ءيۇسۇپتىڭ ىنتى - شىنتىسىمەن جۇمىس ىستەگەن بەينەسىن كورگەن گو حۇيجيەنىڭ جۇزىنەن جايدارى كۇلكى ەستى.

　　2 جىلدىڭ الدىندا، 26 جاستاعى ءيۇسۇپتىڭ اياق استىنان كوزى اۋىرىپ، قوس جانارىنىڭ كورۋ قۋاتى تومەندەپ كەتەدى، جەرگىلىكتى ورىنداعى شيپاحاناعا بارىپ تەكسەرىلگەننەن كەيىن، كوز ءتۇبى سارى داق اۋرۋىنا شالدىققانى انىقتالادى. الايدا ەمدەۋ شارت - جاعدايى شەكتى بولعاندىقتان، جەرگىلىكتى شيپاحانا تۇبەگەيلى ەمدەي المايدى.

　　مۇنان حابار تاپقاننان كەيىن گو حۇيجيە ىرىقتىلىقپەن وعان كومەكتەسىپ، ۇرىمجىدەگى ۇلكەن شيپاحانالارمەن بايلانىس جاساپ، ءيۇسۇپتىڭ وتباسىنداعىلارمەن بىرگە كەلىپ اۋرۋىن ەمدەتۋىنە مۇمكىندىك جاسايدى. ءيۇسۇپ ايەلى ەكەۋى ۇرىمجىگە كەلگەن كۇنى گو حۇيجيە پويەز بەكەتىنە بارىپ الدارىنان شىعىپ، ءوز ۇيىنە اكەلىپ ورنالاستىرادى. ءيۇسۇپ پەن ايەلىنىڭ جايلى جاتىپ، جايلى تۇرۋى ءۇشىن گو حۇيجيە ايەلىن، قىزىن ەرتىپ ەنەسىنىڭ ۇيىنە ۋاقىتشا بارىپ جاتىپ تۇرادى. دايارلاپ قويعان جاڭا ىدىس - اياقتاردى، توسەپ قويعان جاڭا كورپە - جاستىقتى، جيناستىرىپ قويعان بولمەلەردى كورگەندە ءيۇسۇپتىڭ كوزىنە جاس كەلەدى.

　　ەمدەلۋ كەزىندە، گو حۇيجيە ۇنەمى ءيۇسۇپتىڭ قاسىنا بارىپ، ونى جۇباتىپ، كوڭىلىن ورنىقتىرىپ، ۋايىمنان ارىلتادى. ەمدەۋ اقىرلاسقاننان كەيىن، ولار بىرگە حۇڭشان تاۋىنا شىعادى، الاڭداردى ارالايدى، BRTگە وتىرادى، ءۇرىمجى جوعارى قارقىندى تەمىر جولى جولاۋشىلار جاڭا بەكەتىن كورەدى... ءار جەرگە بارعان سايىن، ءيۇسۇپ سۋرەتكە ءتۇسىپ، ەستەلىك قالدىرىپ، باقىتتى شاقتارىن ەستەلىككە الىپ وتىرادى.

　　”مەن كورگەن - بىلگەندەرىمدى قىستاققا الا قايتىپ، بالالارىما جانە اۋىلداستارىما ايتىپ بەرەمىن، مەن تاعى گو حۇيجيە ەكەۋىمىزدىڭ ۇلتتار ىنتماعىنداعى ءبىر ءۇيلى جاندارداي بولعان اڭگىمەمىزدى كوپشىلىككە ۇگىتتەيمىن“، - دەدى ءيۇسۇپ.

　　ءيۇسۇپ ابدەن جازىلىپ، قىستاققا قايتار كەزدە گو حۇيجيە وعان ءبىر زەردەلى قول تەلەفون بەرەدى. ”قازىر ءبىر كىشكەنتاي قول تەلەفونمەن دۇنيەمەن توعىسا الاسىڭ، ۇيىڭدەگى قوي - سيىرلارىڭدى جاقسى باعىپ، قول تەلەفونىڭ ارقىلى ساتۋىڭا، ۇيىڭدە وتىرىپ تاپسىرىس قابىلداۋىڭا بولادى“، - دەيدى گو حۇيجيە سالماقتى تۇردە.

　　بۇگىندەرى ءيۇسۇپ قاربالاستىققا ءتۇسىپ، دامۋدىڭ قامىمەن ءجۇر، ۇنەمى شاعىن بەينە كەسكىن جاساپ، دوستار شەڭبەرىنە شىعارىپ، ۇيىندەگى جاڭا وزگەرىستەردى ەستەلىككە الادى ءارى ۇنەمى اعالى - ءىنىلى ەكەۋىنىڭ ۇلتتار ىنتىماعىنداعى ءبىر ءۇيلى جاندارداي بولعان اڭگىمەسىن ۋيچات توبىنداعى دوستارىمەن بولىسەدى.

　　”اعامنىڭ ءبىزدىڭ وتباسىمىزعا كورسەتكەن كومەگىن ەسىمدە بەرىك ساقتايمىن، مەن بۇل اعا - باۋىر سۇيىسپەنشىلىگىن تاراتامىن، ۇلتتار ىنتىماعىنىڭ تۇقىمىن سەبەمىن“، - دەدى ءيۇسۇپ.