− شينجياڭعا باعىتتامالى كومەكتەسكەن ولكە، قالالار مەن شينجياڭعا كومەككە كەلگەن قالىڭ كادرلار، دارىندىلار بەلسەنە ىسكەرلىك كورسەتىپ، شينجياڭنىڭ رەفورما، دامۋ، ورنىقتىلىق قىزمەتتەرىن ويداعىداي يگەرۋىنە دەم بەردى
شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ يانفاڭ
جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، شينجياڭعا كومەكتەسكەن ولكە، قالالار مەن شينجياڭعا كومەككە كەلگەن قالىڭ كادرلار كومەك بەرۋشى جانە كومەك قابىلداۋشى 2 جەردى ”ءبىر تۇتاس جۇيە“ دەپ قاراۋعا تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى كەلەلى ساياسي مىندەت ەتىپ، ءبىر جاعىنان، ىندەتتەن ساقتانۋ - تىزگىندەۋ شارالارىن تيتتەي دە بوساڭسىماي تياناقتاندىرىپ، ەندى ءبىر جاعىنان، شينجياڭعا كومەكتەسۋ مىندەتتەرىن قاجىماي - تالماي ىلگەرىلەتىپ، ارتىقشىلىقتارىن ساۋلەلەندىرىپ، شىنايى سۇيىسپەنشىلىكپەن كومەكتەسىپ، بەلسەنە ىسكەرلىك كورسەتىپ، شينجياڭنىڭ رەفورما، دامۋ، ورنىقتىلىق قىزمەتتەرىن ءبىر تۇتاس جوسپارلاپ، ويداعىداي يگەرۋىنە كۇش قوستى.
بار كۇشپەن كومەكتەسىپ، قيىندىقتى بىلەك بىرىكتىرە جەڭدى
ىندەت تۋىلعاننان بەرى، شىنجىننىڭ شينجياڭعا كومەكتەسۋ الدىڭعى شەپ قولباسشىلىق شتابى كوپ جاقتان شارا قولدانىپ، ىندەتتەن ساقتانۋ - تىزگىندەۋ زاتتىق ماتەريالدارىنان ىلگەرى - كەيىن 3 توپتى قاشقارعا كومەككە جونەلتتى، شىنجىن حالقىنىڭ تەرەڭ سۇيىسپەنشىلىگىنە تولى 10 قان جاسۋشالارىن تالداۋ اسپابى سياقتى ءبىر توپ مەديتسينالىق جابدىقتار جانە 600 مىڭنان استام ماسكى سياقتى ىندەتتەن ساقتانۋ زاتتىق ماتەريالدارى اۋە تاسىمالى، قۇرلىق تاسىمالى سىقىلدى ءتۇرلى جولدارمەن قاشقارعا جەتكىزىلدى.
”ەرەكشە مەزگىلدە، شىنجىن مەن قاشقار سىندى 2 جەردىڭ حالقى ءوزارا قارايلاسىپ، ءبىر - بىرىنە دەم بەرىپ، ناقتى ارەكەتتەرى ارقىلى ۋاقىتتىق قيىندىقتى بىرگە ەڭسەردى“، - دەيدى شىنجىن قالاسىنىڭ شينجياڭعا كومەكتەسۋ الدىڭعى شەپ قولباسشىلىق شتابىنىڭ باس قولباسشىسى ياڭ چۇنشىڭ اسەرلەنە.
ىندەت كەزىندە، شينجياڭعا كومەكتەسكەن ءارقايسى ولكە، قالالار قاشاندا شينجياڭمەن قيىندىقتى بىلەك بىرىكتىرە جەڭۋگە تاباندى بولىپ، كومەك قابىلداۋشى جەرلەردىڭ ىندەتتەن ساقتانۋ - تىزگىندەۋ قىزمەتىن جاقسى ىستەۋىنە قولداۋ كورسەتۋدى ماڭىزدى ساياسي مىندەت ەتتى. ءوز ولكەسىندەگى، قالاسىنداعى ىندەتتەن ساقتانۋ - تىزگىندەۋ مىندەتى اۋىر، ماشاقاتتى، ىندەتتەن ساقتانۋ - تىزگىندەۋ زاتتىق ماتەريالدارى تاپشى جاعدايدا دا ءوز ولكەسىندەگى، قالاسىنداعى ساقتانۋ - تىزگىندەۋ قىزمەتىن بار كۇشپەن ويداعىداي يگەرىپ قالماستان، كومەك قابىلداۋشى جەر ءۇشىن مۇمكىندىگىنشە ىندەتتەن ساقتانۋ - تىزگىندەۋ زاتتىق ماتەريالدىق كەپىلىن ازىرلەپ جانە تەحنيكالىق قولداۋ كورسەتىپ، كومەك قابىلداۋشى جەردىڭ ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋىنە جاردەم بەردى.
بەيجيڭنىڭ، تيانجيننىڭ، انحۇيدىڭ شينجياڭعا كومەكتەسۋ الدىڭعى شەپ قولباسشىلىق شتاپتارى تاباندا ىندەتتەن ساقتانۋ - تىزگىندەۋ قىزمەتى باسشىلىق گرۋپپاسىن قۇرىپ، قۇرساق ءبولىمىنىڭ قىسىمىن جوعارىلاتىپ، جۇرەك - وكپە قىزمەتىن قالپىنا كەلتىرۋ اپپاراتىنان 11ىن، نەگاتيۆتى قۇتقارۋ كولىگى سياقتى قۇتقارۋ جابدىعىنان 5ىن، تولىق اۆتوماتتى ءدارى قايناتۋ ماشيناسى سياقتى جۇڭگوشا ءدارى قايناتۋ - دايىنداۋ جابدىعىنان 5ىن، ماسكى ءوندىرۋ جابدىعىنان 2نى دايىنداپ، حوتان ايماعىنىڭ ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋىن زاتتىق ماتەريالمەن قامتاماسىز ەتتى؛ جيلين، حيلۇڭجياڭ، جىجياڭ، فۋجيان قاتارلى جەرلەر كومەك قابىلداۋشى جەرلەرگە ارنايى كومەك قارجىسىنان جالپى 41 ميلليون 575 مىڭ يۋان اقشا ءبولدى؛ لياۋنيڭ، سانشي، حىبەي، حۋنان، شاڭحاي قاتارلى ولكە - قالالاردىڭ شينجياڭعا كومەكتەسۋ الدىڭعى شەپ قولباسشىلىق شتابى قامقورلىق جاساۋشى كاسىپورىنداردى بەلسەنە اتتانىسقا كەلتىرىپ، قوعامنىڭ ءار سالا كۇشتەرىن اقشالاي، زاتتاي جىلۋ اتاۋعا جۇمىلدىرىپ، ىندەتتەن ساقتانۋ زاتتىق ماتەريالدارىن دايىنداپ، كومەك قابىلداۋشى جەرلەردىڭ ىندەتتەن ساقتانۋ قىزمەتىنە پارمەندى قولداۋ كورسەتتى.
ىندەتتەن ساقتانۋ زاتتىق ماتەريالدارى توپ - توپ بولىپ شينجياڭعا جەتىپ، پارتيا ورتالىق كوميتەتىنىڭ قامقورلىعى مەن شينجياڭعا كومەك بەرەتىن ولكە - قالالاردىڭ شىنايى سۇيىسپەنشىلىگىن شينجياڭداعى ءار ۇلت كادر - جۇرتشىلىعىنىڭ جۇرەگىنە ۇيالاتتى. تولىقسىز ساناققا قاراعاندا، 3 - ايدىڭ 22 - كۇنىنە دەيىن، شينجياڭعا كومەكتەسكەن ولكە - قالالار مەن الدىڭعى شەپ قولباسشىلىق شتاپتارى كومەك قابىلداۋشى جەرلەر ءۇشىن جالپى سوماسى 108 ميلليون يۋان كەلەتىن زاتتىق ماتەريال دايىنداپ، 4 ميلليون 585 مىڭ 210 ماسكى، 83 مىڭ 92 ساقتانۋ - قورعانۋ كيىمىن، 19 مىڭ 423 قورعانۋ كوزىلدىرىگىن، 23 مىڭ 604 تەمپەراتۋرا ولشەگىش كومەككە بەرگەن.
ىرىقتىلىقپەن ىسكەرلىك كورسەتىپ، ءبىر نيەتتە بولا وتىرىپ ىندەتپەن شايقاستى
ىندەت − بۇيرىق، ساقتانۋ - تىزگىندەۋ − جاۋاپكەرشىلىك. ىندەت تۋىلعان سوڭ، شاندۇڭ ولكەسىنەن شينجياڭعا كومەككە كەلگەن كادر، جاڭاشار اۋداندىق حالىق شيپاحاناسىنىڭ باستىعى ۋ فىڭ دەمالىسى اياقتاماستان، كوكتەم مەرەكەسىنە قاراعان ءتۇنى جاڭاشار اۋدانىنا قايتىپ، ىندەتكە قارسى اتتانۋدىڭ ءبىرىنشى شەبىنە ارالاستى. ول بىلاي دەيدى: ”جاڭاشار اۋدانىنىڭ ەمدەۋ كۇشى ءبىرشاما ءالسىز، ەرەكشە كەزدە تەك كوپشىلىكپەن بىرگە تىزە قوسا شايقاس جۇرگىزگەندە عانا، كوڭىلىم جاي تابادى“.
شيپاحانانىڭ ىندەتتەن ساقتانۋ - تىزگىندەۋ قولباسش−ىلىق شتابىن قىزۋ امبولاتورياسىنا ورنالاستىرىپ، الدىڭعى شەپتە قولباسشىلىق ەتىپ، بۇكىل اۋداننىڭ دەنساۋلىق ساقتاۋ سالاسىنداعى كاسىبي قىزمەتكەرلەردى كۋرستىق تاربيەدەن وتكىزدى، ىندەتتەن ساقتانۋ - تىزگىندەۋ زاتتىق ماتەريالدارىنىڭ زاپاس قويماسىن قۇردى... ۋ فىڭ باستاماشىلدىقپەن الدىدا اتوي سالىپ، كۇندى تۇنگە جالعاپ قايراتتانا شايقاس جۇرگىزدى. ءبىرسىپىرا شارالاردىڭ تياناقتانۋى شيپاحانانىڭ ىندەتتەن ساقتانۋ قىزمەتىنىڭ ءونىمدى، ءتارتىپتى بولۋىنا مۇمكىندىك جاسادى.
”وسى 2 ايدا، شيپاحانا باستىعى ۋ فىڭ جانە شينجياڭعا كومەككە كەلگەن باسقا 3 شيپاگەر قىزمەت ورىندارىنان تاپجىلماي، شيپاحانادا جاتىپ، شيپاحانادا تاماقتانىپ، ءار كۇنى ءتۇن ورتاسىنا دەيىن قىزمەت ىستەدى، كوپشىلىك ىشتەي قاتتى اسەرلەندى“. جاڭاشار اۋداندىق حالىق شيپاحاناسىنىڭ قالدىرىپ باقىلاناتىن اۋرۋلار 1 - اۋماعىنىڭ سەسترالار باستىعى ءدىلباھار ابدۇسەيىت: ”شينجياڭعا كومەككە كەلگەن شيپاگەرلەر كوپشىلىكتى باستاپ بىرگە ىستەپ، ءبىزدىڭ ىندەتتى جەڭىپ شىعۋىمىزعا سەنىم جانە قايرات ۇستەدى!“، - دەدى.
ۋ فىڭ سياقتى، ىندەت الدىندا، شينجياڭعا كومەككە كەلگەن كادرلار، دارىندىلار شينجياڭعا تامىر تارتىپ، بار ىنتا - پەيىلدەرىمەن شينجياڭداعى ءار ۇلت حالقىنىڭ ءومىرىنىڭ حاۋىپسىزدىگى مەن دەنساۋلىعىن قورعادى. شينجياڭعا كومەككە كەلگەن 373 كادر، شينجياڭعا كومەككە كەلگەن 201 شيپاگەر شينجياڭعا كومەكتەسكەن ولكە - قالالاردىڭ جانە كومەك قابىلداۋشى جەرلەردىڭ ىندەتتەن ساقتانۋ ءبىرىنشى شەبى قىزمەتىنە تىكەلەي ات سالىستى.
مەملەكەتتىك دەنساۋلىق ساقتاۋ، سالاماتتىق كوميتەتىنىڭ شينجياڭعا كومەكتەسكەن كادرى جاڭ رۇيميڭ جۇرەك وپەراتسياسىن جاساتقانىنا نەبارى 2 اپتا عانا بولسا دا دەمالىسىنان باز كەشىپ، شينجياڭعا تۋىسشىلاپ كەلگەن تۋىسىن ورنالاستىرىپ بولعاننان كەيىن، بار ىنتا - پەيىلىمەن ىندەتتەن ساقتانۋ - تىزگىندەۋ قىزمەتىنە كىرىسىپ كەتتى؛ جياڭسۋدىڭ قىزىلسۋ وبلىسىنا كومەككە كەلگەن ەمدەۋ دارىندىلارى ”ۇيىرمە قۇراۋ فورماسى“ ارقىلى شينجياڭعا كومەكتەسۋ قىزمەت اترەتىنىڭ جەتەكشىسى سۇڭ نيڭحۇڭ مامانداردى ۇيىمداستىرىپ، قىزىلسۋ وبلىستىق حالىق شيپاحاناسى دۇڭيان قىزۋ امبولاتورياسىنا، نەگاتيۆتى ناۋقاستار ءۇيى سياقتىلارعا تۇيىندەر بويىنشا، بەتپە - بەت جەتەكشىلىك ەتىپ، كومەكتەستى؛ وتكەندە شينجياڭعا كومەككە كەلگەن كادر، كەدەن باس مەكەمەسى حالىقارالىق تەكسەرۋ، كارانتيندەۋ ولشەممەن جانە تەحنيكالىق زاڭ ەرەجەلەردى زەرتتەۋ ورتالىعى ءتارتىپ تەكسەرۋ كوميتەتىنىڭ شۋجيى جيا شياۋبو ءۇرىمجى ديۋوپۋ اۋەجايى كەدەنى سياقتى ورىندارعا ىندەتكە قارسى اتتانۋدا شۇعىل قاجەتتى ءبىر توپ مەديتسينالىق قورعانۋ كيىمى، ماسكى سياقتى زاتتاردى جىلۋعا اتادى...
ورتالىقتاعى ورىنداردان شينجياڭعا كومەككە كەلگەن كادرلار، دارىندىلار جانە ولاردىڭ وتباسىنداعىلار دا بەلسەنە ارەكەتتەنىپ، وزدىكتەرىنەن جاپا - تارماعاي جىلۋ اتاپ، 200 مىڭ يۋاندىق ىندەتكە قارسى اتتانۋ زاتتىق ماتەريالدارىن جيناپ، شينجياڭنىڭ ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋىنە دەم بەردى.
ىندەتتەن ساقتانۋ - تىزگىندەۋدىڭ ەرەكشە كەزىندە، مەيلى قاي جاقتان كەلسە دە شينجياڭعا كومەككە كەلگەن قالىڭ كادرلاردىڭ ءبارى ەكىنشى مەكەندەرى ءۇشىن وزدەرىنىڭ كۇشىن ارناپ، ءىس جۇزىندىك ارەكەتتەرى ارقىلى شينجياڭعا كومەكتەسۋ ىنتا - ىقىلاسىن ايگىلەدى.
نىسانادان جازباي، دالمە - ءدال شارا قولداندى
”اقتاۋ اۋدانى قالىڭ ساۋداگەرلەردىڭ قارجى قوسىپ، شارۋاشىلىق قۇرۋىن قارسى الادى، ءسىزدى قىزىلسۋ وبلىسىندا توسامىن!“. 3 - ايدىڭ 24 - كۇنى جياڭشي ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابىنىڭ باس قولباسشىسى، قىزىلسۋ قىرعىز اۆتونوميالى وبلىستىق پارتكومنىڭ ورىنباسار شۋجيى يە حۋالين ۋيچات دوستار شەڭبەرى ارقىلى اقتاۋ اۋدانىنىڭ ساۋداگەر شاقىرۋ نىساندارىن تاعى دا تانىستىردى.
وسى مەزگىلدە، قىزىلسۋ وبلىسىنىڭ ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە كومەكتەسۋمەن بىرگە، جياڭشي ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابى پارتكومى ىرىقتىلىقپەن العا شىعىپ، بيىلعى كوكتەم - جاز ماۋسىمىنداعى ساۋداگەر شاقىرىپ قارجى ەنگىزۋ جانە ەڭبەككۇشتى سىرتقا شىعارۋ قىزمەتىن دەر كەزىندە جوبالاپ، ءبىر تۇتاس جوسپارلاپ، تەڭ ءمان بەرىپ، ىندەتتەن ساقتانۋ - تىزگىندەۋ مەزگىلىندەگى ساۋداگەر شاقىرىپ قارجى ەنگىزۋ سياقتى شينجياڭعا كومەكتەسۋ قىزمەتتەرىن ءتارتىپتى ىلگەرىلەتتى.
”ءبىز ينتەرنەت جەلىسىندە ساۋداگەر شاقىرۋ ۇلگىسى ارقىلى ’بەتپە - بەت‘ ساۋداگەر شاقىرۋدى ’ەكراندا‘“، توراپتا ساۋداگەر شاقىرۋعا وزگەرتىپ، جۇزدەسپەي - اق جەلىدە جالعاسۋدى، ساۋداگەر شاقىرۋدا جەلىنى ۇزدىكسىز ىسكە قوسۋدى ”ورىندادىق“. يە حۋالين بىلاي دەدى: قازىر كەلىسۋ ۇستىندەگى 5 نىسان بار، ”جەلىدە“ 86 رەت ساۋداگەر شاقىرۋ ورىستەتىلدى، 30دان استام كاسىپورىنمەن، 6 ساۋداگەرلەر قوعامىمەن سويلەسىپ، پىكىرلەستىك، ساۋداگەرلەردى بايلانىستىرىپ، ارالاپ جاعدايىن ۇعىسۋ 102 ادام - رەتكە جەتىپ، كەزەڭدىك تابىسقا قول جەتكىزدىك.
ىندەت تۋدىرعان زياننىڭ ورنىن باتىلدىقپەن تولتىرىپ، ىندەت كەشىكتىرگەن ۋاقىتتى ۇتىپ الدى. شينجياڭعا كومەكتەسكەن ولكە - قالالار جانە شينجياڭعا كومەككە كەلگەن قالىڭ كادرلار، دارىندىلار نىسانا - مىندەتتەردى ءجىتى قاداعالاپ، نازاردى كەدەيلىكتەن ارىلتۋدان قامال الۋ شايقاسىنا شوعىرلاندىرىپ، ساۋداگەر شاقىرىپ، قارجى ەنگىزۋدىڭ، كاسىپ سالالارىن دامىتۋدىڭ، جۇمىستانۋدى ورنىقتىرۋ، حالىق تۇرمىسىن جاقسارتۋ شارالارىن جاپپاي كۇشەيتىپ، شينجياڭعا باعىتتامالى كومەكتەسۋدىڭ ءتۇيىندى قىزمەت مىندەتتەرىن تيتتەي دە بوساڭسىتپاي مىقتى ۇستادى.
جياڭسۋ ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابى شينجياڭعا كومەكتەسەتىن كاسىپورىنداردىڭ نىساندارىن تەكسەرىپ بەكىتۋ، جۇمىسشى ىستەتۋ، قارجى سياقتى قيىنشىلىقتارىن شەشۋدى بەلسەنە سايكەستىردى، سونداي - اق قۇلجا اۋدانى جەڭىل ونەركاسىپ توقىماشىلىق كاسىپ باقشاسى ىشىندەگى كاسىپورىندارعا 20 توننالىق شيكىزاتتى كومەكتەسىپ شەشىم ەتىپ بەردى. حىنان، حىبەي ولكەلەرىنىڭ شينجياڭعا كومەكتەسۋ الدىڭعى شەپ قولباسشىلىق شتابى ۇشاق جالداۋ ۇلگىسىمەن شينجياڭعا قايتقان جۇمىسكەرلەرگە ارناۋلى جول اشىپ بەرىپ، كومەك قابىلداشى جەرلەردىڭ جۇمىستى قالپىنا كەلتىرىپ، ءوندىرىس قۋاتىنا جەتۋىنە كومەكتەستى. حيلۇڭجياڭ، جيلين ولكەلەرىنىڭ شينجياڭعا كومەكتەسۋ الدىڭعى شەپ قولباسشىلىق شتاپتارى ماماندار ۇجىمىن ۇسىنىس ەتىپ، مادەنيەت، ساياحات بازارىنىڭ قايتا گۇلدەنۋى جونىنەن ينتەرنەتتە باۋلۋ ساباعىن اشىپ، كومەك قابىلداۋشى جەرلەردىڭ 4000عا جۋىق ساياحات كاسىپكەرلەرىنە ينتەرنەتتە ساباق ءوتتى.
كومەك قابىلداۋشى جەرلەردىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزۋىنە كومەكتەسۋ ءۇشىن، شينجياڭعا كومەكتەسەتىن ولكە - قالالار ءوز ارتىقشىلىقتارىن ساۋلەلەندىرىپ، بەلسەنە ارەكەتتەندى.
حوتان ايماعىنداعى سيىر، قوي ەتىنىڭ، اۋىل شارۋاشىلىق قوسىمشا ونىمدەرىنىڭ وتپەي قالۋى سياقتى ماسەلەلەردى شەشۋ ءۇشىن، بەيجيڭ قالاسىنىڭ شينجياڭعا كومەكتەسۋ الدىڭعى شەپ قولباسشىلىق شتابى بەلسەنە سايكەستىرىپ، تۇعىر ورناتىپ، ساتۋ ارناسىن كەڭەيتتى. انحۇي ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابى گۇما اۋدانىنىڭ اسىل تۇقىمدى سانحۋا قازىن ەنگىزىپ باعىمشىلىقتى دامىتۋىنا سايكەستى كومەكتەسىپ، جەرگىلىكتى بۇقارانى كىرىستەرىن ارتتىرىپ، بايۋ جولىنا تۇسۋگە باستادى. گۋاڭدۇڭ ولكەسى ءپايزاۋات اۋدانىندا ”ەگىن، مال، ورمان، جەمىس - جيدەك، سۋ، قونىستانۋ“ سىندى 6 ءبىر تۇلعالانعان قۇرامالى اۋلا شارۋاشىلىعى بويىنشا كومەكتەسۋ - سۇيەمەلدەۋ ۇلگىسىن جالپىلاستىردى ءارى اۋىل شارۋاشىلىعى ونىمدەرىنىڭ ەلەكتروندىق ساۋدادا ساتىلۋ تۇعىرى قۇرىلىسىن قولداپ، شينجياڭ ەرەكشە ونىمدەرىنىڭ تاسىمالدانىپ سىرتقا شىعۋىنا، ويداعىداي ساتىلۋىنا مۇمكىندىك جاسادى.
ءار رەتكى تانىستىرۋلاردا تەرەڭ سۇيىسپەنشىلىك قامتىلىپ جاتتى، ءارقايسى شارالاردىڭ بارلىعى دالمە - ءدال پارمەندى بولدى. قازىر شينجياڭعا كومەككە كەلگەن قالىڭ كادرلار شۇعىلالى كوكتەم شۋاعىن قارسى الىپ، شينجياڭداعى ءار ۇلت حالقىمەن بىرگە مينۋت، سەكۋندپەن تالاسىپ، جاپالى دا شىنايى ىستەپ، تۇتاس جىلدىق ەكونوميكالىق، قوعامدىق دامۋدىڭ نىسانا - مىندەتتەرىن جاپپاي ورىنداۋ ءۇشىن قۇلشىنىس جاساۋدا.
