دارەجە بويىنشا يكەمدى كومەكتەسىپ، سۇيەمەلدەپ، قايتا كەدەيلەسۋدەن، كەدەيلەسۋدەن ساقتاندى
شينحۋا اگەنتتىگىنىڭ 3 - ايدىڭ 30 - كۇنى ۇرىمجىدەن بەرگەن حابارى (ءتىلشى گۋان چياۋچياۋ). كەدەيلىكتەن ارىلتۋدىڭ تابىسىن بەكەمدەۋ، كەدەيلەسۋدەن جانە كەدەيلىكتىڭ قايتا تۋىلۋىنان ءونىمدى ساقتانۋ ءۇشىن، شينجياڭ بيىل جىل باسىنان بەرى كەدەيلىكتەن ارىلتۋدان قامال الۋ ءىرى ساندى مالىمەت تۇعىرىنا سۇيەنىپ، قايتا كەدەيلەسۋدەن، كەدەيلەسۋدەن ساقتانۋ بويىنشا باقىلاۋ - ساراپتاۋ، ساقتاندىرۋ جانە يكەمدى كومەكتەسۋ - سۇيەمەلدەۋ مەحانيزمىن اقاۋسىزداندىرىپ، كەمەلدەندىرىپ، ”قىزىل، قىزعىلت، سارى، جاسىل“ ءتورت ءتۇستى سيگنالمەن دارەجە بويىنشا ساقتاندىرۋ، رايون، ايماق، اۋدان، اۋىل، قىستاق 5 دارەجە بويىنشا جاۋاپتى بولۋ ءتاسىلىن قولدانىپ، ماسەلەلەردى دەر كەزىندە، ءدال بايقاۋعا، دەر كەزىندە يكەمدى كومەكتەسۋ - سۇيەمەلدەۋگە شىنايى كەپىلدىك ەتتى.
شينجياڭ ۇيعۇر اۆتونوميالى رايوندىق كەدەيلەردى سۇيەمەلدەۋ كەڭسەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشى ما يىڭنىڭ تانىستىرۋىنشا، بۇكىل رايون كەدەيلىكتەن ارىلۋى تۇراقسىز وتباسىلارىن، كەدەيلەسۋگە تاياعان، وڭاي كەدەيلەسەتىن وتباسىلارىن جانە ىندەت سەبەبىنەن نەمەسە باسقا دا سەبەپتەردەن كىرىسى كۇرت ازايعان نەمەسە شىعىسى كۇرت كوبەيگەن وتباسىلارىن باقىلاۋعا الىپ، سەبەپتەرىنە تالداۋ جاساپ، كىناراتتى ءدال تاۋىپ، باعىتتامالى كومەكتەسۋ - سۇيەمەلدەۋ شارالارىن الدىن الا قولدانىپ، كەدەيلىكتەن ارىلۋى تۇراقسىز وتباسىلارىنىڭ جانە كەدەيلەسۋگە تاياپ تۇرعان، وڭاي كەدەيلەسەتىن وتباسىلارىنىڭ دەر كەزىندە قۇتقارۋ جاردەمىنە، كومەكتەسۋ - سۇيەمەلدەۋگە قول جەتكىزۋىنە شىنايى كەپىلدىك ەتىپ، بىردە - ءبىر وتباسىن، بىردە - ءبىر ادامدى قاعىس قالدىرمادى.
كەدەيلىكتى باقىلاۋ - ساراپتاۋ، ساقتاندىرۋ قىزىل، قىزعىلت، سارى، جاسىل 4 تۇرگە ءبولىنىپ، كىرىسىنە قاراي جانە ”ەكىدەن تارىقتىرماۋ، ءۇشتى قامتاماسىز ەتۋ“ كورسەتكىشى بويىنشا، كەدەيلەردىڭ ارحيۆى 4 ءتۇستى بەلگى شام رەتىندە كورسەتىلەدى: كىرىسى 5000 يۋاننان اسقان، سونداي - اق ”ەكىدەن تارىقتىرماۋ، ءۇشتى قامتاماسىز ەتۋدە“ تولىقتاي ولشەمگە جەتكەندەر جاسىل ءتۇستى بەلگى شاممەن بەلگىلەنىپ، ۇدايىلانعان كومەكتەسۋ - سۇيەمەلدەۋ شارالارى تياناقتاندىرىلادى؛ كىرىسى 5000 يۋاننان تومەن، 4500 يۋاننان جوعارىلار سارى ءتۇستى بەلگى شاممەن بەلگىلەنىپ، اۋىل - قىستاق ەكى دارەجەلى ورىن كىرىس ازايۋىنىڭ ناقتى سەبەبىنە جان - جاقتى تالداۋ جاساپ، اۋدان، اۋىل، قىستاق ءۇش دارەجەلى ورىن بىرلەسە قيمىلداپ، ءار دارەجەلى كومەكتەسۋ - سۇيەمەلدەۋشى جاۋاپتىلاردىڭ رولىن تولىق ساۋلەلەندىرىپ، باعىتتامالى شارا قولدانىپ، ونىڭ كىرىسىن كوپ ارنامەن ارتتىرادى.
”جۇمىسسىزدىق، شارۋاشىلىقتى دامىتۋى ءساتسىز بولۋ سياقتى سەبەپتەرمەن كىرىسى كولەمدى تومەندەپ، 4000 − 4500 يۋان ارالىعىندا تۇرعان وتباسىلار قىزعىلت ءتۇستى بەلگى شاممەن بەلگىلەنىپ، اۋدان، اۋىل ەكى دارەجەلى ورىن كىرىسى ازايۋىنىڭ ناقتى سەبەبىنە جان - جاقتى تالداۋ جاساپ، وتباسىنىڭ ءىس جۇزىندىك جاعدايىنا جانە تىلەگىنە قاراي، باسقا سالاعا ويىستىرىپ جۇمىستاندىرۋ، شارۋاشىلىقتى دامىتۋ، الەۋمەتتىك يگىلىك سيپاتىنداعى جۇمىس ورىندارىنا ورنالاستىرۋ سياقتى باعىتتامالى كومەكتەسۋ - سۇيەمەلدەۋ شارالارىن قولدانادى“، - دەيدى ما يىڭ.
اۋىر جاراتىلىستىق اپات، سالماقتى اۋرۋلار سياقتى ەرەكشە سەبەپتەرمەن، باقىلاۋ - ساراپتاۋ، ساقتاندىرۋ سياقتى وبيەكتى وتباسىلارىندا ەلەۋلى وزگەرىس بولىپ، ونىڭ ”ءۇشتى قامتاماسىز ەتۋىندە“ جانە اۋىز سۋ حاۋىپسىزدىگىندە نىشاندىق، سىڭايلىق ماسەلە تۋىلىپ، كىرىسى اۋىر دارەجەدە ازايىپ، 4000 يۋانعا جەتپەسە، قىزىل ءتۇستى ساقتاندىرۋ كولەمىنە كىرەدى، جەر - جەر رايون، ايماق، اۋدان، اۋىل، قىستاق بەس دارەجەلى ورىن بىرلەسە قيمىلداۋ ارقىلى، داعدىدان تىس شارا قولدانىپ، ءىس جۇزىندىك قيىنشىلىعىن شەشۋگە كومەكتەسىپ، قيىنشىلىقتان قۇتىلدىرماي تۇرىپ بايلانىستى ۇزبەيدى، حالىق ىستەرى تاراۋلارىنىڭ قۇتقارۋ - كومەكتەسۋى، ەڭ تومەنگى تۇرمىسىن قامتاماسىز ەتۋ كولەمىنە قامتۋ سياقتى شارالار ارقىلى بۇل تۇردەگى وتباسىلاردىڭ قالىپتى تۇرمىسىنىڭ ىقپالعا ۇشىراماۋىنا شىنايى كەپىلدىك ەتىلەدى.
”ەڭبەك قابىلەتى ءارى جۇمىس ىستەۋ تىلەگى بارلارعا، نەگىزدىك باۋلۋ مەن تاپسىرىس بويىنشا باۋلۋدى، دارالىق ەرەكشەلىك بويىنشا باۋلۋدى بىرلەستىرۋ ءتاسىلىن قولدانىپ، جۇمىسشى ىستەتۋشى كاسىپورىندى نەگىزگى تۇلعا ەتىپ جۇمىس الدىنداعى باۋلۋدى باعىتتامالى تۇردە ورىستەتىپ، جۇمىستانۋ شەبەرلىگىن جوعارىلاتامىز ءارى توپقا ءبولىپ ەڭبەككۇشتەردى سىرتقا شىعارۋعا ۇيىمداستىرامىز“. ما يىڭ بىلاي دەپ تانىستىردى: جۇمىستانۋ شەبەرلىگى جوق، باسقا سالاعا ويىسىپ قىستاقتان باسقا جەردە جۇمىستانا المايتىنداردى، قىستاق ىشىندە ورمان قورعاۋ، جول قورعاۋ، تازالىق، اماندىق قورعاۋ سياقتى الەۋمەتتىك يگىلىك سيپاتىنداعى جۇمىس ورىندارىن بەلگىلەۋ ارقىلى لايىقتى ورنالاستىرىپ، ولاردىڭ نەگىزگى تۇرمىسىن قامتاماسىز ەتەمىز؛ ەڭبەك قابىلەتى جوقتاردى جالپىلىق قوعامدىق قامتاماسىزداندىرۋ بويىنشا تومەنگى شەكتەن تۇسىرمەۋ ساياساتىن دالمە - ءدال تياناقتاندىرىپ، بارلىعىن تۇگەل قامتاماسىزداندىرۋعا كەپىلدىك ەتەمىز.
