شينجياڭ گازەتىنىڭجالپىلىق اقپارات قۇرالدارى ءتىلشىسى لۋ فىڭباۋ، ەرىكتى ءتىلشى مۋ جىپىڭ 3 - ايدىڭ 30 - كۇنى كوكتوعايدان حابارلايدى. 3 - ايدىڭ 27 - كۇنى ساعات 11دە كوكتوعاي اۋدانى پويەز ۆوكزالىنىڭ ماڭىنداعى قۇرىلىس الاڭىندا 25 مەترلىك رەليستىڭ جول تاعانىنا ورنىقتى، ءدال توسەلۋىنە وراي، التاي − كوكتوعاي − جۇندۇڭ تەمىر جولىنىڭ التاي − كوكتوعاي بولىگىنە رەليس توسەۋ قۇرىلىسى جاپپاي باستالدى.
”بيىل التاي − كوكتوعاي − جۇندۇڭ تەمىر جولىنىڭ جالپى جەلىسىندە پويەز قاتىناپ، جۇمىس جۇرگىزۋدى باستايتىن شەشۋشى جىل، نىسان ءبولىمى ىندەتتەن ساقتانۋ، ءوندىرىستى قالپىنا كەلتىرۋ قىزمەت تالابىن قاتاڭ تياناقتاندىرىپ، ىندەتتەن ساقتانۋ زاتتىق ماتەريالىن الدىن الا جەتكىلىكتى دايىنداپ، اۆتوكولىك + پويەز ۇتىلاپ تاسىمالداۋ ءتاسىلىن قولدانىپ، جۇمىسشىلاردى جەدەل جۇمىس ورنىنا قايتۋعا، جۇمىستى قالپىنا كەلتىرۋگە ۇيىمداستىردى“. جۇڭگو تەمىر جولى 1 - مەكەمەسى التاي − كوكتوعاي − جۇندۇڭ تەمىر جولىنىڭ رەليس تاعاندارى نىسان ءبولىمىنىڭ ورىنباسار ديرەكتورى جياڭ جيشىڭ بىلاي دەدى: ”ءبىز قۇرىلىس جۇرگىزۋ، ۇيىمداستىرۋ جوباسىن ساپالىلاندىرۋ، زاتتىق ماتەريالداردى جۇمىس ورنىنا اكەلۋدى عىلمي ۇيىمداستىرۋ، 2 سىمەنا بويىنشا جۇمىس ىستەۋ سياقتى شارالار ارقىلى رەليس توسەۋ قىزمەتىنىڭ ءساتتى جۇرگىزىلۋىنە شىنايى كەپىلدىك ەتەمىز“.
التاي − كوكتوعاي − جۇندۇڭ تەمىر جولى قۇرىلىسىن جەدەلدەتۋ ءۇشىن، جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى ارناۋلى ساقتانۋ - تىزگىندەۋ جوباسىن جاساپ، جۇمىستى قالپىنا كەلتىرۋ ساراپتاۋى، قىزمەتكەرلەردى باۋلۋ جانە ىندەتتەن ساقتانۋ - تىزگىندەۋ شارالارىن قاتاڭ تياناقتاندىردى، سونىمەن بىرگە ارناۋلى پويەز جۇرگىزىپ، قۇرىلىس جۇرگىزۋشى ورىننىڭ جۇمىستى قالپىنا كەلتىرەتىن قىزمەتكەرلەرىن شينجياڭعا جەدەل ورالۋعا ۇيىمداستىردى.
التاي − كوكتوعاي − جۇندۇڭ تەمىر جولى شينجياڭ تەمىر جولىنىڭ شينجياڭنان شىعاتىن سولتۇستىك ارناسىنىڭ ماڭىزدى قۇرامداس بولىگى، بەيتۇن − التاي تەمىر جولىنىڭ اقىرعى بەكەتى التاي قالاسىنان باستالىپ، جۇندۇڭ سولتۇستىك بەكەتىنە دەيىن كەلىپ، سولتۇستىكتە ءۇرىمجى (سولتۇستىك) − جياڭجۇنمياۋ تەمىر جولىنا ۇلاسادى، جالپى ۇزىندىعى 427 كيلومەتر، جاڭادان 12 ۆوكزال سالىنادى. جالپى جەلىدە جوسپار بويىنشا بيىل 8 - ايدا پويەز قاتىناپ، جۇمىس جۇرگىزىلەدى، سول كەزدە كۇيتۇن − بەيتۇن تەمىر جولىمەن، لانجوۋ − شينجياڭ تەمىر جول جەلىسىمەن، ءۇرىمجى − جياڭجۇنمياۋ تەمىر جولىمەن بىرگە سولتۇستىك شينجياڭ تەمىر جولى اينالما جەلىسىن قۇراپ، وڭىرلىك جول تورىن كەمەلدەندىرۋدە، جەلى بويىنداعى وڭىرلەردىڭ دامۋىن جەتەكتەۋدە ماڭىزدى ءمان الادى.
