شينحۋا اگەنتتىگىنىڭ كۇنميڭنەن بەرگەن حابارى (ءتىلشى زىڭ ۋي). لي حۇڭجۋاننىڭ قۇربان بولعانىنا 12 جىل بولسا دا، جەرگىلىكتى ورىنداعى كادرلار مەن بۇقارا وسى قاھارماندى ەشقاشان ەستەرىنەن شىعارعان ەمەس.
لي حۇڭجۋان، يزۋ، 1978 - جىلى دۇنيەگە كەلگەن، يۇننان ولكەسىنىڭ مىڭزىسىنان. 2000 - جىلى 9 - ايدا حۇڭحى وبلىستىق حالىق ساقشىسى مەكتەبىن بىتىرگەننەن كەيىن، مىڭزى قوعام حاۋىپسىزدىگى مەكەمەسى قاتىناس ساقشى ۇلكەن اترەتىندە قىزمەت ىستەگەن، 2007 - جىلى 9 - ايدا مىڭزى قوعام حاۋىپسىزدىگى مەكەمەسى قاتىناس ساقشى ۇلكەن اترەتى جىسۇن ورتا اترەتىنىڭ باستىعى بولعان. قىزمەتتەگى كەزىندە، ول ىلگەرىندى - كەيىندى داڭقتى تۇردە ءبىر رەت كوللەكتيۆ 3 - دارەجەلى ەڭبەك سىڭىرگەن، قالالىق مەكەمە جاعىنان 2 رەت ماداقتالىپ سيلانعان؛ ول جاۋاپتى بولعان حۇڭحى الاڭى قاراۋىل ورنىنا ”مەملەكەتتىك جاستار وركەنيەتشىلەرى“ اتاعى بەرىلگەن.
حاۋىپ - قاتەر الدىندا، لي حۇڭجۋان ۇنەمى اتويلاپ الدا جۇرەدى. 2008 - جىلى 11 - ايدىڭ 16 - كۇنى كەشتە لي حۇڭجۋان مەن جۇبايى فۋ شۋمەي ورتا اترەتتەگى حالىق ساقشىلارىنا سۋىقتان قورعانۋ كورپە - جاستىقتارىن ساتىپ الىپ بەرمەكشى بولادى، ساعات 19دان 30 مينۋت مولشەرىندە ولار مىڭزى يۋەياتاڭنىڭ قاسىنداعى جىنشيڭ ساۋدا سارايىنان ءوتىپ بارا جاتقاندا، كەنەت شىرقىراپ جاردەم تىلەگەن داۋىستى ەستيدى، لي حۇڭجۋان جالت قاراعاندا، ءبىر ەر ادامنىڭ ءبىر قىزدىڭ قولىنداعى التىن بىلەزىگىن توناپ الماقشى بولىپ جاتقانىن بايقايدى.
لي حۇڭجۋان جالما - جان اتىلىپ بارىپ كۇدىكتىنى جەرگە الىپ سوعادى، ءدال وسى قاس پەن كوزدىڭ اراسىندا كۇدىكتىنىڭ سىبايلاسى جانىنا جۇگىرىپ كەلىپ لي حۇڭجۋاننىڭ كەۋدەسىنە پىشاق سۇعىپ الادى، توناۋشىنىڭ پىشاعى ونىڭ جۇرەگىن تۇيرەپ ءوتىپ، قىپ - قىزىل قان بۇرق ەتە تۇسەدى، الايدا اۋىر جاراقاتتانىپ قانعا بويالىپ جىعىلعان ول توناۋشىنى مىقتاپ ۇستاپ جىبەرمەي قويادى.
جاندى جەرىنە پىشاق كىرىپ قان كوپ اققاندىقتان، لي حۇڭجۋاننان كۇش كەتە باستايدى، توناۋشىلار وسى ورايدا قاشا جونەلەدى. فۋ شۋمەي كۇيەۋىنىڭ قانعا بويالىپ جىعىلعانىن كورە سالا جۇگىرىپ بارىپ ونى سۇيەي بەرەدى، لي حۇڭجۋان ءالسىز داۋىسپەن وعان: ”ولار قاشىپ كەتپەسىن“، - دەيدى. بۇل لي حۇڭجۋاننىڭ جۇبايىنا ايتقان ەڭ سوڭعى ءسوزى ەدى.
لي حۇڭجۋان شۇعىل قۇتقارۋ اۆتوموبيلىمەن حۇڭحى وبلىستىق 1 - حالىق شيپاحاناسىنا شۇعىل قۇتقارۋعا جەتكىزىلەدى، سوڭىندا جۇرەك تەسىلىپ قان كەتۋ تالماسىنان قۇتقارۋ ءونىم بەرمەي، 2008 - جىلى 11 - ايدىڭ 16 - كۇنى ساعات 19دان 50 مينۋت وتكەندە ەرلىكپەن قۇربان بولادى، سول جىلى نەبارى 30 جاستا ەدى.
لي حۇڭجۋان باتىرلىقپەن قۇربان بولعان قايعىلى حابار تارالادى، جەرگىلىكتى ورىنداعى كادرلار مەن بۇقارا جانە ونىڭ كوزى ءتىرى كەزىندەگى باسشىلارى، قىزمەتتەستەرى تەرەڭ قايعىعا باتادى. 2008 - جىلى 11 - ايدىڭ 20 - كۇنى تۇستەن بۇرىن 10 مىڭنان استام بۇقارا لي حۇڭجۋان قاھارمان قۇربانمەن قوشتاسۋ سالتىنا قاتىناسادى ءارى وزدىكتەرىنەن ونىڭ جاسى ۇلعايعان اكە - شەشەسىنە جىلۋ اتايدى.
لي حۇڭجۋان قىزمەتكە قاتىناسقاننان بەرى، باستان - اياق قوعام حاۋىپسىزدىگى قاتىناس ىستەرىن باسقارۋدىڭ ءبىرىنشى شەبىندە قايراتتانا ىستەپ، قاراستى وڭىردەگى شىرعالاڭ كوپ تۋىلاتىن جول بولىگىندەگى قاتىناس داۋ - جاڭجالدارىن ءبىر جاقتى ەتۋدە، ”شاعىم ايتۋ ءنول بولۋ“ رەكوردىن جاراتادى. تەك 2007 - جىلى 9 - ايدان بەرى قاراي، ول حالىق ساقشىلارىن باستاپ جيىنى 7000 رەتتەن استام موتورلى كولىكتەردى تەكسەرىپ، قاتىناستا زاڭعا قايشى كەلگەن 5000نان استام ءىستى تەكسەرىپ ءبىر جاقتى ەتىپ، 3 قىلمىس كۇماندىسىن تۇتقىنداپ، 4 ۇرلانعان اۆتوكولىكتى تەكسەرىپ قولعا تۇسىرەدى.
2009 - جىلى 7 - ايدا ادام كۇشى بايلىعى جانە قوعامدىق قامتاماسىزداندىرۋ مينيسترلىگى، قوعام حاۋىپسىزدىگى مينيسترلىگى بىرلەسىپ حۇجات شىعارىپ، لي حۇڭجۋانعا ”مەملەكەتتىك قوعام حاۋىپسىزدىگى جۇيەسىندەگى 1 - دارەجەلى قاھارمان ۇلگى“ داڭق اتاعىن تولىقتاپ بەرد
