شينجياڭ گازەتىنىڭ جالپىلىق اقپارات قۇرالدارى ءتىلشىسى ياۋ گاڭ 4 - ايدىڭ 1 - كۇنى ۇرىمجىدەن حابارلايدى. جاقىندا اۆتونوميالى رايوننىڭ ساياحات كاسىبىن دامىتۋ باسشىلىق گرۋپپاسى «ىندەت اياقتالعاننان كەيىن رايونىمىزدىڭ ساياحات كاسىبىنىڭ قالپىنا كەلۋىن، دامۋىن جەبەۋ شاراسىن» شىعارىپ (تومەندە قىسقارتىپ «شارا» دەلىنەدى)، جوسپارلاۋ - ساتۋدى جالپىلاستىرۋ، قىزمەت وتەۋدى ساپالىلاندىرۋ، ساياحاتتىق تۇتىنۋ، كاسىپورىن كومەكتەسۋ - سۇيەمەلدەۋ، كاسىپتىك كۇيدە جاڭالىق اشۋ، زەردەلى ساياحات سياقتى جاقتاردان 16 ءتۇرلى شارا ارقىلى ساياحات ارقىلى شينجياڭدى گۇلدەندىرۋ ستراتەگياسىن زور كۇشپەن اتقارىپ، ساياحات كاسىپورىندارىنىڭ قيىن وتكەلدەن وتۋىنە كومەكتەسىپ، رايونىمىز ساياحات ىستەرىنىڭ جىلدام قالپىنا كەلۋىن بار كۇشپەن جەبەيتىن بولدى.
«شاراعا» نەگىزدەلگەندە، رايونىمىز ىندەت اياقتالعاننان كەيىن ساياحات وبرازىن قايتا سومداۋ قيمىلىن جۇرگىزەدى ەكەن. ”سالاماتتى ەركىن ساپار“ جالپىلاستىرۋ قيمىلىن، ”تابيعاتپەن قاۋىشۋ ەكولوگيالىق ساياحاتى“، سونداي - اق تانىمال جەلىدە جوسپارلاۋ - ساتۋ قيمىلىن ورىستەتۋ، قاريدار باستاپ كەلگەندەرگە سيلىق بەرۋ، ارناۋلى جوسپارلاپ ساتۋ، ءوزارا كومەكتەسىپ ۇگىت جۇرگىزۋ، كورىنىس رايوندارى تيىمدىلىگى سياقتى جەلىلەس شارالاردى اتقارادى.
ۇگىتتەۋ، جالپىلاستىرۋ جاعىندا، مىڭداعان ينتەرنەت تۇعىرى بىرلەسىپ شينجياڭ ساياحاتىن جالپىلاستىرۋ قيمىلىن ورىستەتەدى. شينجياڭ زەردەلى ساياحاتى 1 - مەرزىمدىك قۇرىلىس نىسانىن جەدەل جۇرگىزىپ، ساياحات كاسىپورىندارىن تانىمال جەلىدە ساياحاتتاۋعا قىزمەت وتەۋ ساۋدا تۇعىرىنا نەمەسە ايگىلى ماركا تىزبەكتى توبى جەلىدە ساياحاتتاۋعا قىزمەت وتەۋ تۇعىرىنا سۇيەنىپ، جەلىدە ساياحاتتاۋعا الدىن الا تىزىمدەۋگە كەڭەس سۇراۋ جانە تولەۋ، ەسەپ جابۋ قىزمەت وتەۋىمەن قامداۋعا شابىتتاندىرادى، جەتەكشىلىك ەتەدى.
ىندەت اياقتاعاننان كەيىن، بۇكىل شينجياڭدا جەلىدە، جەلىدەن تىس سالاماتتى ساياحات ۇگىتىن ورىستەتىپ، سالاماتتى ساياحات قيمىلىن جۇرگىزەدى. ساۋىعۋ - تىنىعۋ ساياحاتى ايگىلى ماركاسىن سومدايدى؛ بارلىق ساياحاتتىق قىزمەت وتەۋدى ىلگەرىلەتۋدە سالاماتتىق ۇستانىمىن تولىق دايەكتىلەندىرەدى.
قىزمەت وتەۋدى ساپالىلاندىرۋ جاعىندا، ىندەت جوعالعاننان كەيىنگى ساياحات حاۋىپسىزدىگى ارەكەتىن جۇرگىزەدى. ساياحاتتىق ارىز - شاعىمداردى اداقتاۋدا الدىمەن تولەم بەرۋ ءتۇزىمىن ورناتادى؛ ساياحات كاسىپورىندارى قارا تىزىمدىگىن جانە قىزىل - قارا تاقتا ءتۇزىمىن ورناتادى؛ ساياحات بويىنشا شۇعىل جاعدايعا توتەپ بەرۋ، قۇتقارۋ - كومەكتەسۋ قامتاماسىزداندىرۋ مەحانيزمىن ورناتىپ، حاۋىپسىز ساياحات ايگىلى ماركاسىن سومدايدى.
”جايدارى شينجياڭ“ قىزمەت وتەۋ قيمىلىن ورىستەتەدى. ساياحاتتىق قىزمەت وتەۋ قۇرىلعىلارىن ساپالىلاندىرۋ قيمىلىن ورىستەتىپ، ساياحاتتىق قىزمەت وتەۋ قۇرىلعىلارى شارت - جاعدايىن ۇزدىكسىز جاقسارتادى.
ساياحاتتىق تۇتىنۋدى ىلگەرىلەتۋ جاعىندا، «شارادا» مەملەكەتتىڭ ەڭبەكاقىلى دەمالىس ءتۇزىمىن تياناقتاندىرۋ، ۇكىمەت پەن كاسىپورىن دەمالىس ءتۇزىمىن بىرگە رەتتەپ، الەۋمەتتىڭ ساياحات جوسپارىن جۇزەگە اسىرۋ ۋاقىتىنا اناعۇرلىم ويداعىداي كەپىلدىك ەتۋ، شينجياڭنىڭ ىشكى قاجەتىنە ساي، قاۋىرت ەمەس ۋاقىتتا ساياحاتقا شىعۋعا شابىتتاندىرىپ، شينجياڭنىڭ ىشىندە ساياحاتتى الدىمەن قالپىنا كەلتىرۋدى جۇزەگە اسىرۋ تالاپ ەتىلدى.
جەر - جەردى ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ورىستەتۋمەن بىرلەستىرىپ ”مەكەندى ءسۇيۋ . شينجياڭدا ساياحاتتاۋ“ نەگىزگى تاقىرىپتىق قيمىلىن ورىستەتۋگە شابىتتاندىرىپ جانە قولداپ، ساياحاتتى جانداندىرۋدى كۇشەيتەدى جانە ساياحاتتىق تۇتىنۋدى جەبەيدى.
قىسقى ساياحاتقا باعىتتاي وتىرىپ، شينجياڭ قىسقى ساياحاتىن ەسەلەپ ارتتىرۋ قيمىلىن ورىستەتەدى. قار شاڭعى الاڭدارىنىڭ دارەجەسىن وسىرۋگە شابىتتاندىرىپ، سۇيەمەلدەپ، جەر - جەردىڭ قىسقى ساياحات سارا جەلىسىن جولعا قويۋىنا جەتەكشىلىك ەتىپ، قار - مۇز دەنە تاربيەسىن مەكتەپكە ەنگىزۋ، كاسىپورىنعا ەنگىزۋ قيمىلىن ورىستەتەدى.
شينجياڭعا كومەكتەسۋ ابزالدىلىعىن تولىق ساۋلەلەندىرەدى. ”شينجياڭدى كاسىپ سالاسى ارقىلى سۇيەمەلدەۋ، شينجياڭعا ساياحاتشىلار اكەلۋ، شينجياڭدى دارىندىلار ارقىلى سۇيەمەلدەۋ“ قىزمەتىن جالعاستى ورىستەتەدى.
ساياحات كاسىپورىندارىن سۇيەمەلدەۋ جاعىندا، «ساياحات كاسىپورىندارىنىڭ جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا توتەپ بەرۋىن قولداپ، رايونىمىز ساياحات كاسىبىنىڭ قالپىنا كەلۋىن، دامۋىن جەبەۋ ساياسات شاراسىن» اقىلداسىپ اتقارادى. قىزمەت ورنىن ورنىقتىرىپ، جۇمىستاندىرۋ بويىنشا باۋلۋ قيمىلىن ورىستەتەدى. كاسىپورىندارعا كومەكتەسىپ قىزمەت ورنىن ورنىقتىرۋدى سيلاۋ - تولىقتاما بەرۋ شاراسىن اتقارىپ، كاسىپ سالاسىندا الەۋمەتتىك يگىلىكتى تەگىن باۋلۋ جانە جەلىدە الەۋمەتتىك يگىلىكتى باۋلۋ قيمىلدارىن ورىستەتەدى.
ساياحات كاسىبى كۇيىندە جاڭالىق اشۋدى جەدەلدەتۋ جاعىندا، جوعارى دەڭگەيدەگى ءوز اۆتوكولىگىمەن ساياحاتتاۋ سارا جەلىسىن ساپالىلاندىرۋ، دەڭگەيىن كوتەرۋ جوسپارىن اتقارىپ، جەر - جەردى اۋىل - قىستاقتا ساۋىعۋ - تىنىعۋ ساياحاتى، وتباسىنداعىلارمەن بىرگە ساياحاتتاۋ، اۋىلدا ساياحاتتاپ قونىپ قايتۋ، سالت - سانانى سەزىنۋ سياقتى ساياحات كاسىبى كۇيىن جالپىلاستىرۋعا شابىتتاندىرادى.
سارا ساياحات جەلىسىن كەڭەيتۋ قيمىلىن ورىستەتەدى. ”S101 تيانشاننىڭ جاعراپيالىق سۋرەت ءدالىزى“ سياقتى 4 سارا ساياحات جەلىسىن جاڭادان سالادى. مايتاۋ - كۇشار تاس جولى سياقتى 3 ساياحات جەلىسىن ساپالىلاندىرىپ، دەڭگەيىن كوتەرەدى. 10 جاز ماۋسىمىندا سالاماتتى سەيىل - سەرۋەن قۇرىپ ءوز اۆتوكولىگىمەن ساياحاتتاۋ جەلىسىن، 10 التىن كۇزدە سۋرەت تارتىپ ءوز اۆتوكولىگىمەن ساياحاتتاۋ جەلىسىن جانە 10 قىس ماۋسىمىندا قار - مۇز جانە قۇمدى دالا، سالت - سانا ساياحاتى ءوز اۆتوكولىگىمەن ساياحاتتاۋ جەلىسىن ءتۇيىندى تۇردە جولعا قويادى.
