يۋە يانيۇن
4 - ايدىڭ 2 - كۇنى «شينجياڭ گازەتى» مىناداي حابار جاريالادى: وڭتۇستىك شينجياڭداعى ارتىق ەڭبەككۇشتەردى باسقا كاسىپ سالاسىنا ويىستىرىپ جۇمىستاندىرۋ بارىسىندا جۇمىسكەرلەر رايونىمىزداعى جەر - جەردىڭ، تاراۋلاردىڭ كوڭىل ءبولۋى مەن قامقورلىعىنا يە بولدى. كوپتەگەن جۇمىسكەرلەر شىن كوڭىلدەرىنەن: ”بۇل ارادا دا جاڭا ءۇيىم بار“ دەگەن سۇيىنىشتەرىن ءبىلدىردى. بۇل حاباردان ءبىز تۇتاس قوعامنىڭ قامقورلىق جاساۋ، شابىتتاندىرۋ سياقتى ”جۇمساق“ تاسىلدەر ارقىلى كەدەيلىكتەن ارىلتۋدان قامال الۋعا دەم بەرگەن اسەرلى كورىنىستەرىن كورە الدىق.
سىرتقا شىعىپ جۇمىستانعان وڭتۇستىك شينجياڭدىق جۇمىسكەرلەردىڭ باسىم كوبى تۇڭعىش رەت اۋىلىنان الىستاپ وتىر، جاڭا ورىنداعى باسشىلاردىڭ، قىزمەتكەرلەردىڭ ءبىر اۋىز جىلى لەبىزى، تىڭعىلىقتى، كەمەلدى قىزمەت وتەۋى ولاردىڭ سول جەردە تۇراقتاپ قالۋىنا جىگەر سيلاپ، ولاردىڭ كەدەيلىكتەن ارىلۋ سەنىمدەرىن بەكەمدەيدى.
”دۇنيەدە سۋدان اسقان جۇمساق نارسە جوق، ءبىراق سۋ بارلىق قاتتى نارسەلەردى جەڭە الادى“، جۇڭگودا ەجەلدەن ”تامشى سۋ تاس تەسەر“ دەگەن حيكايا بار. قازىر كەدەيلىكتەن ارىلتۋدان قامال الۋ شەشۋشى شايقاستىڭ شەشۋشى جەڭىسىنە جەتۋ ماڭىزدى كەزەڭىنە جەتتى، ەندى قالعاندارى ”قامال ىشىندەگى قامالدار“، تىكەلەي ونىمدىلىك اكەلەتىن مىعىم شارالار ارينە اسا قاجەت، ايتسەدە سونىمەن بىرگە، ”جۇمساق ارقىلى قاتتى نارسەنى جەڭۋ“ سىندى قاعيدانى دا تەرەڭ ءتۇسىنۋ، سوتسياليستىك وزەكتى قۇن كوزقاراسىن، جۇڭحۋا ۇلتىنىڭ تاڭداۋلى ءداستۇرلى مادەنيەتىن اۋىر كەدەيلىكتى جويۋ شايقاسىندا جەڭىسكە جەتۋدىڭ ءتۇرلى شارالارىنا ءسىڭىرىپ، مەيىرگە، قامقورلىققا تولى ءاربىر جۇمساق كۇشتىڭ وڭ ەنەرگيا تاراتۋىنا، كەدەي بۇقارانىڭ ىشكى قوزعاۋشى كۇشىن قاۋلاتۋىنا مۇمكىندىك جاساپ، كەدەيلىكتەن ارىلتىپ بايۋدى، دوڭگەلەك داۋلەتتىلىككە جەتۋدى تەزدەتىپ، تاريح پەن حالىقتىڭ سىنىنان وتە الاتىن كەدەيلىكتەن ارىلتۋ جەتىستىكتەرىن جاراتۋىمىز كەرەك.
(”لەپتى لەبىزگە“ ماقالا جولداۋ حات ساندىعى: xjrbplb@126.com)
