2 ايدا ءبىر ميلليارد 677 ميلليون يۋان اقى ازايتىپ الىندى
شينجياڭ گازەتىنىڭ جالپىلىق اقپارات قۇرالدارى ءتىلشىسى لي چۇنشيا 4 - ايدىڭ 7 - كۇنى ۇرىمجىدەن حابارلايدى. اۆتونوميالى رايوندىق ەمدەۋ قامتاماسىزداندىرۋ مەكەمەسىنەن ۇعىسۋعا قاراعاندا، 3 - ايدىڭ 31 - كۇنىنە دەيىن رايونىمىز 2 - ايدان باستاپ جۇمىسشى - قىزمەتكەرلەردىڭ نەگىزگى ەمدەۋ قامسىزداندىرۋىنىڭ ورىندار تاپسىراتىن بولەگىنەن جيىنى ءبىر ميلليارد 677 ميلليون يۋاندى از العان.
”اۆتونوميالى رايوننىڭ جۇمىسشى - قىزمەتكەرلەردىڭ نەگىزگى ەمدەۋ قامسىزداندىرۋ اقىسىن الۋدى كەزەڭدىك سيپاتتى ازايتۋ ساياساتىنىڭ ناتيجەسىندە، سەرىكتەستىگىمىزدىڭ ءار ايدا ەمدەۋ قامسىزداندىرۋىنا تاپسىراتىن اقى شىعىنى 125 مىڭ يۋان ازايدى. بۇل ساياساتتىڭ اتقارىلۋى كاسىپورىنداردىڭ اۋىرتپالىعىن جەڭىلدەتۋ، كاسىپورىنداردىڭ جۇمىستى، ءوندىرىستى قالپىنا كەلتىرۋىن قولداۋ جونىنەن ماڭىزدى رول اتقاردى“، - دەدى 4 - ايدىڭ 7 - كۇنى سانجى الەۋمەتتىك قاتىناس توبى شەكتى جاۋاپكەرشىلىك سەرىكتەستىگى ادام كۇشى بايلىعى ءبولىمىنىڭ ورىنباسار باستىعى چىڭ يىڭ.
جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ مەزگىلىندە، رايونىمىز جۇمىسشى - قىزمەتكەرلەردىڭ نەگىزگى ەمدەۋ قامسىزداندىرۋ اقىسىن الۋدى كەزەڭدىك سيپاتتى ازايتۋ جونىندەگى اتقارۋ پىكىرىن العا قويىپ، 2020 - جىلى 2 - ايدان باستاپ ءبىر تۇتاس جوسپارلاناتىن وڭىرلەردىڭ قوردىڭ اينالىم جاعدايىنا جانە ءىس جۇزىندىك قىزمەتتىڭ قاجەتىنە نەگىزدەلىپ، قوردىڭ كىرىس - شىعىسىندا ورتا، ۇزاق مەزگىلدىك تەپە - تەڭدىككە شىنايى كەپىلدىك ەتۋ العى شارتىندا، جۇمىسشى - قىزمەتكەرلەردىڭ نەگىزگى ەمدەۋ قامسىزداندىرۋىنىڭ مەكەمە تاپسىراتىن ءبولىمىنىڭ تەڭ جارتىسىن ازايتىپ الۋىنا بولادى، ازايتىپ الۋ مەزگىلى 5 ايدان اسپاۋ كەرەك دەپ ايقىندادى. پرينسيپتىك جاقتا، ءبىر تۇتاس جوسپارلاناتىن قوردىڭ قالعان جيىنتىعى 6 ايدان ارتىق ۋاقىت تولەۋگە جەتەتىن ءبىر تۇتاس جوسپارلاناتىن وڭىرلەردىڭ اقىنى ازايتۋدى اتقارۋىنا بولادى.
ۇعىسۋعا قاراعاندا، وسى ساياساتقا قاتىستى قامسىزداندىرۋعا قاتىناسقان ورىن 100 مىڭنان استام بولىپ، اقى تاپسىراتىندار 4 ميلليون 600 نەشە مىڭ ادام ەكەن، ەگەر ەڭ ۇزاق مەرزىمى 5 اي بويىنشا اقى ازايتىلسا، جۇمىسشى - قىزمەتكەرلەردىڭ نەگىزگى ەمدەۋ قامسىزداندىرۋ اقىسى مولشەرمەن 3 ميلليارد 641 ميلليون يۋان ازايتىلادى ەكەن.
اۆتونوميالى رايوندىق ەمدەۋ قامتاماسىزداندىرۋى مەكەمەسىنىڭ قاتىستى جاۋاپتىسى مىنالاردى ءبىلدىردى: جالپى جاقتان العاندا، رايونىمىزداعى جۇمىسشى - قىزمەتكەرلەردىڭ نەگىزگى ەمدەۋ قامسىزداندىرۋىنىڭ ءبىر تۇتاس جوسپارلاناتىن قورى اقىنى ازايتۋ ساياساتىن كوتەرە الادى، اقىنى ازايتۋدى جانە كەشىكتىرىپ تاپسىرۋدى اتقارۋ قامسىزداندىرۋعا قاتىسۋشىلاردىڭ ءوز مەزگىلىندەگى مامىلەدەن يگىلىكتەنۋىنە ىقپال جاسامايدى.
