شينجياڭ گازەتىنىڭ جالپىلىق اقپارات قۇرالدارى ءتىلشىسى ياۋ گاڭ 4 - ايدىڭ 19 - كۇنى فۋكاڭنان حابارلايدى. بوعدا كولىنىڭ اسەم تابيعاتىن تاماشالاۋدان سىرت، ساياحاتشىلاردىڭ تاعى سانجى حۇيزۋ اۆتونوميالى وبلىسىنىڭ تاريحىن ۇعىنۋىنا، كورىنىسى كوز سۇرىندىرەتىن تابيعاتتا تاماشا ءبىر كىتاپتى ”قوسا وقۋىنا“، بوعدا كولىنىڭ بويىندا اۋەلەگەن شينجياڭ ءان - كۇيىنەن ءلاززاتتانۋىنا بولادى. 4 - ايدىڭ 18 - كۇنى سانجى وبلىستىق كوركەمونەر تەاترحاناسى ءان - بي ۇيىرمەسى، مۇراجاي، كىتاپحانا سياقتى ورىندار تيانشان تاۋىنىڭ بوعدا كولى كورىنىس وڭىرىنە كىردى، باي مازمۇندى مادەني قيمىلدار ساياحاتشىلارعا تيانشان تاۋى بوعدا كولىنىڭ وزگەشە سىمباتىن سەزىندىردى.
”ءار جىلى تيانشان تاۋى بوعدا كولى كورىنىس وڭىرىنە نەشە رەت كەلەمىن، الايدا وسى جولى وزگەشە بولدى. مادەنيەت قيمىلدارى اسەم تابيعاتقا ساي كەلىپ، اسەم كورىنىستى تاماشالاۋمەن بىرگە، ساۋاتىمىز اشىلىپ، وي - سانامىزدى جاڭالاعانداي بولدىق“، - دەدى ءۇرىمجى قالاسىنىڭ ساياحاتشىسى لي مين.
تانىستىرۋعا قاراعاندا، تيانشان تاۋى بوعدا كولى كورىنىس ءوڭىرى ىندەتتەن ساقتانۋ - تىزگىندەۋدى ويداعىداي ىستەۋمەن بىرگە، ۇگىتتەۋ، جەتەكتەۋ، قيمىل جوسپارلاۋ، قىزمەت وتەۋدى ساپالىلاندىرۋ، دالمە - ءدال جوسپارلاۋ - ساتۋ سياقتى كوپتەگەن شارالار ارقىلى ساياحاتتىڭ ىقپالىن ارتتىرۋعا قۇلشىنىپ، ساياحات ەكونوميكاسىنىڭ ورنىقتى قايتا ارتۋىن جەبەدى.
تيانشان تاۋى بوعدا كولى كورىنىس ءوڭىرى ساياحاتشىلارعا اشىق ۇستاۋدى قالپىنا كەلتىرگەننەن كەيىن، ”شينجياڭدىقتاردىڭ شينجياڭدى ساياحاتتاۋىن“ وراي ەتىپ، ۇلكەن ساندى مالىمەت ارقىلى تالداۋ جاساۋدان كىلەڭ تابيعات تاماشالاۋ ساياحاتشىلاردىڭ قاجەتىن قاناعاتتاندىرا المايتىندىعىن بايقادى.
”كورىنىس وڭىرىنە ءتىپتى دە كوپ شينجياڭدىق ساياحاتشىلاردى باۋراۋ ءۇشىن، ءبىز ساياحات ونىمدەرىنىڭ وزىندىك ءمانىن ۇزدىكسىز بايىتىپ، ساياحات ونىمدەرىن ونان ارى مولايتىپ، ساياحاتشىلاردىڭ كوپ ساتىلى، كوپ جاقتى قاجەتىن قاناعاتتاندىردىق“، - دەدى تيانشان تاۋى بوعدا كولى كورىنىس ءوڭىرىن باسقارۋ كوميتەتى ۇگىت - تاربيە، زاڭ - ءتۇزىم باسقارماسىنىڭ باستىعى ليۋ ۋىن - ي.
ۇعىسۋعا قاراعاندا، تيانشان تاۋى بوعدا كولى كورىنىس ءوڭىرى تاعى ينتەرنەتتە تىكە تاراتۋ ارقىلى كورىنىس ءوڭىرىن ۇگىتتەپ، ساياحاتتىق تيىمدىلىك ساياساتى سياقتى كوپ ءتۇرلى ادىستەردى العا قويىپ، اناعۇرلىم كوپ جەرگىلىكتى ساياحاتشىلاردى كورىنىس وڭىرىنە كىرۋگە باۋراعان.
