شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇڭفي 4 - ايدىڭ 21 - كۇنى ۇرىمجىدەن حابارلايدى. جۇڭگو حالىق بانكەسى ءۇرىمجى ورتالىق تارماق بانكەسىنەن ۇعىسۋعا قاراعاندا، 1 - توقساندا شينجياڭنىڭ امانات - قارىزى تەز قارقىنمەن ارتقان. 3 - ايدىڭ سوڭىنا دەيىن، تۇتاس شينجياڭدا حالىق اقشاسى، شەتەل اقشاسى تۇرىندەگى قارىز اقشا ىركىندى سوماسى 2 تريلليون 120 ميلليارد يۋان بولىپ، سايكەس مەزگىلدەگىدەن ％9.7 ارتقان، ارتۋ قارقىنى بىلتىرعى سايكەس مەزگىلدەگىدەن 0.9 پايىز جوعارىلاعان؛ مۇنىڭ ىشىندە 1 - ايدان 3 - ايعا دەيىن جاڭادان ارتقان حالىق اقشاسى، شەتەل اقشاسى قارىزى 63 ميلليارد 80 ميلليون يۋان بولعان.
1 - توقساندا شينجياڭنىڭ فينانس جۇيەسى ساياسي دەڭگەيدى جوعارىلاتىپ، بۇكىل رايوننىڭ ىندەتتەن ساقتانۋ - تىزگىندەۋ قاجەتىن شىعار ءتۇيىن ەتىپ، امانات اقشا زاپاس قورى، قايتالاما قارىز اقشا، قايتالاما ديسكونت سياقتى اقشا ساياساتى قۇرالدارىن كوپ رەت ىسكە قوسىپ، امانات - قارىز تاراتۋدى ۇزدىكسىز كەڭەيتىپ، ىندەتتىڭ ىقپالىنا ۇشىراعان كاسىپورىندار مەن جەكەلەردىڭ قارىز قايتارۋ ۋاقىت شەگىن ۇزارتىپ، جەكە ساۋدا - ونەركاسىپشىلەرگە شاعىن سومالى امانات - قارىز اقشا بەرۋ ساياساتىن، قارجى قوسۋدى جەبەۋ، ورنىقتى ارتۋ ارناۋلى قارىز اقشا ساياساتىن شىعارىپ، ناقتى ەكونوميكانىڭ قارجى قاجەتىن ءونىمدى قاناعاتتاندىرىپ، جۇمىستى، ءوندىرىستى قالپىنا كەلتىرۋدى، كوكتەمگى ەگىسكە دايىندىقتى جانە ەلەۋلى نىساندار قۇرىلىسىن جەتكىلىكتى قارجىمەن قامتاماسىز ەتتى.
جۇڭگو حالىق بانكەسى ءۇرىمجى ورتالىق تارماق بانكەسى ارناۋلى قايتالاما قارىز اقشا سياقتى ءتيىمدى ساياساتتاردان تولىق، ويداعىداي پايدالانىپ، كاسىپورىنداردىڭ جۇمىستى، ءوندىرىستى قالپىنا كەلتىرۋىن دەمەپ، كوكتەمگى ءوندىرىس دايىندىعىنا قارجى قاجەتى ءبىرشاما زور وڭىرلەرگە اۋىل شارۋاشىلىعىن قولداۋ - كومەكتەسۋ بويىنشا قايتالاما قارىز اقشا بەرۋدى سايكەستىرۋ تەبىنىن ارتتىرىپ، فينانس قۇرىلىمدارىن اۆتونوميالى رايوننىڭ ءتۇيىندى نىسان قۇرىلىستارىن قولداۋ تەبىنىن اناعۇرلىم ارتتىرۋعا جەبەدى. 3 - ايدىڭ سوڭىنا دەيىن، بۇكىل شينجياڭدا كاسىپورىندار قارىز اقشا قالدىق سوماسى ءبىر تريلليون 590 ميلليارد يۋان بولىپ، سايكەس مەزگىلدەگىدەن ％9.8 ارتقان، مۇنىڭ ىشىندە شاعىن، ۇساق كاسىپورىندار قارىز اقشا قالدىق سوماسى سايكەس مەزگىلدەگىدەن ％20.7 ارتقان؛ اۋىل شارۋاشىلىعىن قولداۋ - كومەكتەسۋ بويىنشا تاراتىلعان قايتالاما قارىز اقشا جالپى 4 ميلليارد 570 ميلليون يۋان بولىپ، كوكتەمگى ءوندىرىس دايىندىعىنا قارىز اقشانى ورنىقتى تاراتۋ جۇزەگە اسىرىلعان؛ بۇكىل رايوننىڭ نەگىزدىك قۇرىلعىلار قۇرىلىسى قارىز اقشا قالدىق سوماسى 479 ميلليارد يۋان بولىپ، ۇقساس مەزگىلدەگىدەن ％13 ارتىپ، بىلتىرعى ۇقساس مەزگىلدەگىدەن 9.2 پايىز جوعارىلاعان.
