شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇڭفي 4 - ايدىڭ 25 - كۇنى ۇرىمجىدەن حابارلايدى. شينجياڭ بانكە - قامسىزداندىرۋ باقىلاۋ - باسقارۋ مەكەمەسىنەن ۇعىسۋعا قاراعاندا، 1 - توقساننىڭ سوڭىنا دەيىن، شينجياڭ بانكە سالاسى ”ءبىر بەلدەۋ، ءبىر جول“ شەكارا ارالىق نىساندارىنان 320نى قولداعان، قارجى قۇراۋ قالدىق سوماسى 76 ميلليارد 132 ميلليون يۋان بولعان؛ ەكسپورت سەنىمدىلىك قامسىزداندىرۋى شينجياڭداعى جيىنى 221 (رەت) كاسىپورىنعا (مۇندا شاعىن، ۇساق كاسىپورىن 208) ءبىر ميلليارد 135 ميلليون يۋان سىرتقى ساۋدا قامسىزداندىرۋ كەپىلدىگىن ازىرلەگەن.
بيىل جىل باسىنان بەرى، جۇڭگو يمپورت - ەكسپورت بانكەسى يمپورت - ەكسپورت امانات - قارىزى، ساۋدا قارجى قۇراۋى، كەپىلحات، حالىقارالىق ەسەپ ايىرۋ قاتارلى كاسىپ ابزالدىلىقتارىن ساۋلەلەندىرىپ، شينجياڭ كاسىپورىندارىنىڭ سىرتقا شىعۋىن قولداپ، ”ءبىر بەلدەۋ، ءبىر جولدىڭ“ بويىنداعى ەلدەر بازارىن بەلسەنە ورنالاستىرعان. جۇڭگو يمپورت - ەكسپورت بانكەسى شينجياڭ بولىمشە بانكەسىنىڭ ورىنباسار باستىعى فىڭ جيڭيۋان مىنالاردى ءبىلدىردى: يمپورت - ەكسپورت بانكەسىنىڭ سىرتقا قاتىستى كەپىلحات كاسىبى ءۇرتىس تالاي جىل ەداۋىر تەز ارتۋدى جۇزەگە اسىرىپ، شىعارعان كەپىلحاتىنىڭ قۇنى جيىنى 10 ميلليارد يۋاننان اسقان، كاسىپ كولەمى ”ءبىر بەلدەۋ، ءبىر جول“ بويىنداعى 10 نەشە مەملەكەت پەن رايوندى قامتىپ، شينجياڭ كاسىپورىندارىنىڭ سىرتقا شىعىپ نىساندى كوتەرمەگە الۋى ءۇشىن سەنىمدىلىك تىرەگىمەن قامدادى.
قاشقار مەن قورعاس شينجياڭ جىبەك جولى ەكونوميكالىق بەلدەۋى وزەكتى رايون قۇرىلىسىنداعى ماڭىزدى دانەكەر، شينجياڭ بانكە - قامسىزداندىرۋ باقىلاۋ - باسقارۋ مەكەمەسى ەكى جەردىڭ فينانستىق قىزمەت وتەۋ جۇيەسىن اقاۋسىزداندىرۋدى ىلگەرىلەتتى، قازىر وسى 2 ەكونوميكالىق اشۋ رايونىندا جيىنى 17 بانكە، قامسىزداندىرۋ قۇرىلىمى بار. 1 - توقساندا، بانكە سالاسى قاشقار، قورعاس ەكونوميكالىق اشۋ رايونىندا جانە جالپىلىق قورعامالى باجى اۋماعىندا 25 نىسان بويىنشا قۇرىلىس جۇرگىزۋدى قولدادى، بەرگەن قارىزى سايكەس مەزگىلدەگىدەن ％27.1 ارتتى.
شينجياڭ بانكە - قامسىزداندىرۋ باقىلاۋ - باسقارۋ مەكەمەسى پارتكومىنىڭ مۇشەسى ۋاڭ لەييان بىلاي دەدى: 1 - توقساننىڭ سوڭىنا دەيىن، بانكە سالاسى شينجياڭنىڭ ”بەس ءىرى ورتالىقتا“، ”ءۇش بازا، ءۇش وتكەلدە“ 1529 نىسان بويىنشا قۇرىلىس جۇرگىزۋىن قولدادى، ىشكى - سىرتقى قارجى قۇراۋ قالدىق سوماسى 398 ميلليارد 415 ميلليون يۋان بولدى؛ قامسىزداندىرۋ سالاسى وزەكتى رايون ءۇشىن جيىنى 97 ميلليارد 676 ميلليون يۋان حاۋىپ - قاتەر كەپىلىن ازىرلەدى.
