”ءبىر قول تەلەفونمەن شينجياڭدى ساياحاتتاۋ“ تۇعىر قۇرىلىسىنىڭ ارناۋلى تاقىرىپتىق ءماجىلىسى اشىلدى

تۇعىر قۇرىلىسىن جەدەلدەتىپ، زەردەلى ساياحات ورەسىن جوعارىلاتايىق

　　شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ يانفاڭ 4 - ايدىڭ 26 - كۇنى ۇرىمجىدەن حابارلايدى. 4 - ايدىڭ 26 - كۇنى ”ءبىر قول تەلەفونمەن شينجياڭدى ساياحاتتاۋ“ تۇعىر قۇرىلىسىنىڭ ارناۋلى تاقىرىپتىق ءماجىلىسى اشىلدى، ءماجىلىس تۇعىر قۇرىلىسى جاعدايى جونىندەگى مالىمەتتى، ت. ب تىڭداپ، قاتىستى قۇرىلىس قىزمەتىن ىشكەرىلەي اقىلداستى.

　　اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىسكە قاتىناستى ءارى ءسوز سويلەدى، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ءماجىلىستى باسقاردى.

　　”ءبىر قول تەلەفونمەن شينجياڭدى ساياحاتتاۋ“ نىسانى ساياحاتشىلاردىڭ شينجياڭعا كەلۋ بارىسىندا يە بولاتىن ينفورماتسياسىنىڭ دەر كەزىندە، كەمەلدى بولماۋى سياقتىلاردى شەشۋدى كىرىسۋ ءتۇيىنى ەتىپ، ساياحاتشىلارعا قىزمەت وتەۋدى وزەك ەتىپ، ”ساياحاتتان بۇرىنعى، ساياحاتتاۋ بارىسىنداعى، ساياحاتتان كەيىنگى“ زەردەلى ينفورماتسيالاندىرۋ ماسەلەلەرىن شەشتى. ”ءبىر ورتالىق، ەكى تۇعىردى“، ياعني ساياحات ۇلكەن ساندى مالىمەت ورتالىعى جانە زەردەلى ساياحاتتى باسقارۋ تۇعىرىن، ساياحاتشىلارعا قىزمەت وتەۋ جانە ساتۋ تۇعىرىن ورناتىپ، شينجياڭنىڭ زەردەلى ساياحات جۇيەسىن قۇرىپ، ”ءبىر قول تەلەفونمەن شينجياڭدى ساياحاتتاۋدى“ جۇزەگە اسىردى. تۇعىر جۋىق كۇندەرى جەلىگە شىعارىلىپ ىسكە قوسىلادى.

　　ءماجىلىس مىنالاردى اتاپ كورسەتتى: ”ءبىر قول تەلەفونمەن شينجياڭدى ساياحاتتاۋ“ تۇعىرىن قۇرۋ − ساياحات كاسىبىنىڭ تيبىن وزگەرتىپ، دارەجەسىن جوعارىلاتۋداعى، جىلدام دامۋدى ىلگەرىلەتۋدەگى ماڭىزدى شارا، ينتەرنەت ينفورماتسيا داۋىرىندە زەردەلى ساياحاتتى ىلگەرىلەتۋدەگى ءونىمدى ىزدەنىس. وڭىرلەر، ءارقايسى قاتىستى تاراۋلار اۆتونوميالى رايوندىق پارتكومنىڭ ساياحات ارقىلى شينجياڭدى گۇلدەندىرۋ ستراتەگياسىن اتقارۋ جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، رايونىمىزدىڭ زەردەلى ساياحات ورەسىن جوعارىلاتۋدى ارقاۋ ەتىپ، تۇعىر قۇرىلىسىن جەدەلدەتىپ، بۇكىل رايوننىڭ ساياحات كاسىبىنىڭ دامۋىنا زەردەلىلەنگەن، سيفرلانعان ينفورماتسيا تۇعىر تىرەگىن ازىرلەۋ كەرەك.

　　ءماجىلىس مىنالاردى باسا دارىپتەدى: بىرگە قۇرىپ، تەڭ يگىلىكتەنۋگە تاباندى بولىپ، ”ءبىر ورتالىق، ەكى تۇعىر“ قۇرىلىسىن ىلگەرىلەتۋ كەرەك. جوعارى دەڭگەيدە جوبالاۋدى ويداعىداي ىستەپ، ”ءبىر قول تەلەفونمەن شينجياڭدى ساياحاتتاۋ“ تۇعىرىن اۆتونوميالى رايوننىڭ مادەنيەت، ساياحات بويىنشا قىزمەت وتەۋىندەگى ۇكىمەت تۇعىرى جانە باس قاقپاسى ەتىپ، قاتىستى ولشەم جۇيەسىن جاساپ، قاتىستى كوميتەتتەردىڭ، كەڭسەلەردىڭ، مەڭگەرمەلەردىڭ، مەكەمەلەردىڭ، ءارقايسى ايماق، وبلىس، قالالاردىڭ ساندى مالىمەتىن توپتاپ، ساياحات ساندى مالىمەتتەرىنىڭ جالپى بەتتىك، تولىق، دۇرىس، دەر كەزىندە بولۋىن جۇزەگە اسىرىپ، تاماشا تەرەزەلىك وبراز ورناتۋ كەرەك. تۇعىردىڭ توپتاۋ باسىمدىعىن تولىق ساۋلەلەندىرىپ، شينجياڭنىڭ مادەنيەتتەگى جانە ساياحاتتاعى ساپالى بايلىعىن توپتاپ، ساندى مالىمەت بايلىعىن بىرىكتىرۋدى جانە ودان تەڭ يگىلىكتەنۋدى ىلگەرىلەتىپ، قۇرىلىستى قايتالاۋدان ساقتانۋ كەرەك. تۇعىردىڭ قىزمەت وتەۋ فۋنكتسياسىن كۇشەيتىپ، ساياحاتشىلاردىڭ اقىل - كەڭەس سۇراۋى، شاعىم ايتۋىن ءبىر جاقتى ەتۋ، قوناقجايمەن كۇنى بۇرىن كەلىسۋ، ينتەرنەت جەلىسىندە ەسەپ جابۋ سياقتى فۋنكتسيالارىن ۇزدىكسىز كەمەلدەندىرىپ، ساياحاتشىلاردىڭ ريزا بولۋ دارەجەسىن ءوسىرىپ، باسقارۋ، قىزمەت وتەۋ ورەسىن جوعارىلاتۋ كەرەك.

　　ءماجىلىس مىنالاردى تالاپ ەتتى: وڭىرلەر، ءارقايسى قاتىستى تاراۋلار بەلسەنە سايكەسىپ، كۇش بىرىكتىرە سەلبەسىپ، شينجياڭ ساياحاتىنىڭ سيفرلى داۋىرگە قادام باسۋىن ىلگەرىلەتۋى كەرەك. ۇگىت تاراۋلارى ۇگىت تەبىنىن كۇشەيتىپ، ”ءبىر قول تەلەفونمەن شينجياڭدى ساياحاتتاۋ“ تۇعىرىنان شينجياڭداعى بارشا جۇرتتىڭ تەگىس حابارلى بولۋىنا مۇمكىندىك جاساۋ كەرەك. قاتىستى ورىندار شينجياڭنىڭ زەردەلى ساياحات تۇعىرىنىڭ ساندى مالىمەتتەرىمەن ۇشتاستىرۋدى ۇزدىكسىز كۇشەيتىپ، ۇدايىلانعان، جۇيەلىلەنگەن ساندى مالىمەتتى ۇشتاستىرۋ مەحانيزمىن ورناتۋ؛ الەۋمەتتىك يگىلىك ساياحاتتىق قارسى الۋ كەلتەحاتىن جولداۋ قىزمەتىن ويداعىداي ىستەپ، تۇعىردىڭ جاريا بولۋ، قولدانىسقا ءتۇسۋ سالىستىرماسىن ۇزبەي جوعارىلاتۋ كەرەك.