شينجياڭ گازەتىنىڭ جالپىلىق اقپارات قۇرالدارى ءتىلشىسى ياۋ گاڭ 4 - ايدىڭ 30 - كۇنى ۇرىمجىدەن حابارلايدى. 4 - ايدىڭ 29 - كۇنى ”ءبىر قول تەلەفونمەن شينجياڭدى ساياحاتتاۋ“ تۇعىرى ينتەرنەت جەلىسىنە قوسىلدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز تۇعىردىڭ ينتەرنەت جەلىسىنە قوسىلۋىن باستاۋ سالتىنا قاتىناستى.
”ءبىر قول تەلەفونمەن شينجياڭدى ساياحاتتاۋ“ تۇعىرى ساياحاتشىلاردىڭ ساياحاتتاۋ بارىسىندا ينفورماتسيالاردى دەر كەزىندە الا الماۋ، تولىق بولماۋى سياقتى ماسەلەلەردى شەشۋدى كىرىسۋ ءتۇيىنى ەتىپ، ”ساياحاتتان بۇرىنعى، ساياحاتتاۋ بارىسىندا، ساياحاتتان كەيىنگى“ زەردەلى ينفورماتسيالاندىرۋ ماسەلەلەرىن شەشىپ، بۇلتتىق ەسەپتەۋ، ۇلكەن ساندى مالىمەت، زات ينتەرنەتى، جاساندى زەردە، 5G، باياۋ تىكە تاراتۋ سياقتى تەحنيكالاردى قولدانۋمەن توعىستىرىپ، ۇلكەن ساندى مالىمەت ورتالىعىن، زەردەلى ساياحاتتى باسقارۋ تۇعىرىن، ساياحاتشىلارعا قىزمەت وتەۋ جانە ساتۋ تۇعىرىن ورناتىپ، ”ءبىر قول تەلەفونمەن شينجياڭدى ساياحاتتاۋدى“ جۇزەگە اسىردى. تۇعىردىڭ ينتەرنەت جەلىسىنە قوسىلىپ جۇمىس باستاۋى شينجياڭنىڭ ساياحات كاسىبىنىڭ سيفرلى شارۋاشىلىق داۋىرىنە قادام باسۋىن ىلگەرىلەتىپ، شينجياڭنىڭ ساياحات كاسىبىنىڭ تيبىن وزگەرتىپ، دارەجەسىن جوعارىلاتۋىن جانە ونىڭ جىلدام دامۋىن جەبەيدى.
قازىر تۇعىردا A دارەجەلىدەن جوعارى كورىنىس ءوڭىرى، قوناق ءۇي، مادەنيەت ورنى، سارايى، اس - سۋ، حالىقتىق تۇسەلحانا، كورىنىس ءوڭىرى كەسكىندەلگەن كارتا، باياۋ تىكە تاراتۋ، زەردەلى ساياحات ساپارى سياقتى 20 مىڭنان استام نەگىزدىك ساندى مالىمەت ينتەرنەت جەلىسىنە شىعارىلدى، بۇل شينجياڭعا ساياحاتتاۋداعى ىشەر اس، جاتار ورىن، ءجۇرىس - تۇرىس، ساياحاتتاۋ، زات ساتىپ الۋ، ويىن - تاماشا سياقتى جاقتاردان قىزمەت وتەۋدى نەگىزىنەن جۇزەگە اسىرادى.
ونان كەيىن بۇل تۇعىر اۆتونوميالى رايوننىڭ مادەنيەت، ساياحات بويىنشا قىزمەت وتەۋىندەگى ۇكىمەت تۇعىرى جانە باس قاقپاسى رەتىندە، شينجياڭداعى قاتىستى كوميتەتتەردىڭ، كەڭسەلەردىڭ، مەڭگەرمەلەردىڭ، مەكەمەلەردىڭ، سونداي - اق بۇكىل شينجياڭداعى ءارقايسى ايماق، وبلىس، قالالاردىڭ ساندى مالىمەتىن توپتاپ، شينجياڭنىڭ مادەنيەتتەگى جانە ساياحاتتاعى ساپالى بايلىعىن شوعىرلاندىرىپ، ساندى مالىمەت بايلىعىن بىرىكتىرۋدى جانە ودان ورتاق يگىلىكتەنۋدى بار كۇشپەن ىلگەرىلەتىپ، ساياحات ساندى مالىمەتتەرىنىڭ جالپى بەتتىك، تولىق، دۇرىس، دەر كەزىندە بولۋىن جۇزەگە اسىرادى. سونىمەن بىرگە، تۇعىردىڭ قىزمەت وتەۋ يقۋاتىن ونان ارى كۇشەيتىپ، ساياحاتشىلاردىڭ كەڭەس سۇراۋ، ارىز - شاعىمدارىن ءبىر جاقتى ەتۋ، قوناق ۇيگە الدىن الا كەلىسۋ، ينتەرنەت جەلىسىندە ەسەپ جاساۋ سياقتى يقۋاتتى ۇزدىكسىز كەمەلدەندىرىپ، ساياحاتشىلاردىڭ ريزا بولۋ دارەجەسىن ارتتىرىپ، باسقارۋ، قىزمەت وتەۋ دەڭگەيىن جوعارىلاتادى.
