شينحۋا اگەنتتىگىنىڭ كۇنميڭنەن بەرگەن حابارى (ءتىلشى فان يۇڭچياڭ). ول كەتتى، تابانى قاجالىپ توزعان رازىنكە اياق كيىمىن، توزعان سۋ تورسىعىن تاستاپ كەتتى، بۇل ونىڭ شارلاۋ جەلىسىندەگى 50دەن استام قىستاقتى باسىپ وتكەندەگى قالدىرعان ءىزى ەدى؛ ول كەتتى، اتاقتى ”جۇڭشان ايبارلى جولبارىس ليانىن“ قالدىرىپ كەتتى، بۇل ونىڭ 6 رەت جارالانىپ، 5 رەت ومىرىنە تونگەن حاۋىپكە بەتپە - بەت كەلىپ جاتتىقتىرىپ شىعارعان اسكەرلەرى ەدى؛ ول كەتتى، قارتايعان اكە - شەشەسى مەن جاس بالاسىن تاستاپ كەتتى، باتىس وڭتۇستىكتەگى شەكارا قورعانىسىنا كەلگەن 6 جىلدا ونىڭ ايەلى مەن بالاسىنا سەرىك بولعان ۋاقىتى نەبارى 17 كۇن عانا ەدى...
2013 - جىلى 6 - ايدىڭ 22 - كۇنى يۇننان ولكەلىك اسكەري رايونى بەلگىلى شەكارا قورعانىس تۋانى 2 - ليانىنىڭ ليانجاڭى فۋ ليجى كولدەنەڭ قىلقاندى بۇلشىق ەتى ەزىلۋ، ىشكى مۇشەلەرى السىرەۋ قوسانجارلاۋ ناۋقاسىنا شالدىعىپ، سايىسكەرلىك باسەكەسى الاڭىندا جىعىلىپ تۇسەدى.
فۋ ليجى، حىناننىڭ حۋاشيان اۋدانىنان، 1982 - جىلى 10 - ايدا دۇنيەگە كەلگەن، 2001 - جىلى 12 - ايدا اسكەري قوسىنعا قاتىناسقان، 2004 - جىلى 3 - ايدا پارتياعا مۇشە بولعان، پايجاڭ، ورىنباسار ساياسي جەتەكشى، ليانجاڭ بولعان. اسكەري قوسىنعا قاتىناسقاننان بەرى ول باستان - اياق ءوزىنىڭ ارمانىن ارميانى قۇدىرەتتەندىرۋ ارمانى امالياتىنا ءسىڭىرىپ، بار زەيىن - زەردەسىمەن سايلاۋىت اسكەرلەردى جاتتىقتىرىپ، بار قاجىر - قايراتىمەن جەڭىسكە جەتۋگە قۇلشىنىپ، شەكارانى ومىرىمەن كۇزەتكەن، ءومىرىن بورىشىنا ارناعان ءبىر تاڭداۋلى اسكەردىڭ ارمياعا قاتىناسقانداعى سەرتىن جازدى.
فۋ ليجىنىڭ كوكەيىنە كىشكەنتايىنان ارمياعا كىرۋ ارمانى، مەملەكەتكە ەسە قوسۋ مۇراتى ۇيالاعان ەدى، تولىق ورتا مەكتەپ بىتىرە سالىسىمەن باتىلدىقپەن اسكەري لاگەرگە بارادى. ارمان ارقالاعان ول باستان - اياق مويىماس كۇشپەن، بەلسەنە العا ۇمتىلىپ، قاجىرلىقپەن جاتتىعۋ جاساپ، جىل سايىن تاڭداۋلى اسكەر بولىپ باعالانىپ، ليان - دۇيدەگى كوماندير - جاۋىنگەرلەر جاعىنان ”قۇرىش جاۋىنگەر“ دەپ اتالادى.
ليانجاڭ بولعاننان كەيىن، قانجاردى قايراۋ ءۇشىن الدىمەن ءوزىن قايراۋعا، قۋاتتى اسكەر بولۋ ءۇشىن الدىمەن ءوزىن الۋەتتەندىرۋگە تاباندى بولىپ، كوماندير - جاۋىنگەرلەردەن تالاپ ەتكەن ىستەردى، ەڭ اۋەلى، ءوزى ورىندادى. ليانجاڭ بولعان 2 جىلدا، فۋ ليجى جەكەلەردىڭ سايىسكەرلىگىنىڭ 7 جەكە تۇرىنەن ءبىرىنشى، 4 جالپىلىق تۇرىنەن ءبىرىنشى بولىپ، ليان - دۇيدى باستاپ، 12 جەكە تۇردەن بىرىنشىلىكتى، 3 ۇجىمدىق بىرىنشىلىكتى جەڭىپ الادى. ليان - دۇي جىل سايىن ”اسكەري جاتتىعۋدا 1 - دارەجەلى ورىن“ بولىپ باعالانىپ، سول جەردەگى بۇقارا جانە كورشىلەس اسكەري ءبولىم جاعىنان ”جۇڭشان ايباتتى جولبارىس ليانى“ دەپ اتالادى.
ول كوماندير - جاۋىنگەرلەردى باستاپ ىلگەرىندى - كەيىندى 20 نەشە رەت زاڭسىز اتكەزشىلىك ىستەۋ قيمىلدارىنا سوققى بەرىپ، اتكەزشىلىك ەتىلگەن 1000 توننادان استام بۇيىمداردى ۇستاپ قالىپ، مەملەكەت ءۇشىن 20 ميلليون يۋاننان استام ەكونوميكالىق شىعىندى قايتارىپ الادى.
”جاتتىعۋدى جان قيارلىقپەن جۇرگىزبەگەندە، سوعىستا جانىڭنان ايرىلاسىڭ“. ارمياعا قاتىناسقاننان بەرى، فۋ ليجى باستان - اياق داڭقتى قاستەرلەۋدى ارميانى قۇدىرەتتەندىرۋ ارمانىن جۇزەگە اسىرۋدىڭ قوزعاۋشى قاينارى ەتىپ، قايسارلىقپەن بىرىنشىلىككە ۇمتىلادى.
2013 - جىلى 6 - ايدىڭ 17 - كۇنى تۋان - دۇي 6 - كەزەكتى ”ارميانى ءسۇيۋ، قارۋعا شەبەر بولۋ“ سايىسكەرلىگىن ۇيىمداستىرادى، سول شاقتا حىنانداعى اۋىلىندا دەمالىپ جاتقان فۋ ليجى ءاسىلى قاتىناسپاۋعا بولار ەدى، ءبىراق ليان - دۇيدى ويلاعان ول اقىرى اسكەري بولىمگە قايتىپ كەلەدى.
6 - ايدىڭ 19 - كۇنى ءۇرتىس 2 كۇنگە جالعاسقان جوعارى كۇشەمەلىلىكتى ساراپتاۋ ارقىلى 2 - لياننىڭ جالپىلىق ناتيجەسى تۇتاس تۋان بويىنشا 2 - بولادى، فۋ ليجىنىڭ جەكە ناتيجەسى كادرلار گرۋپپاسى بويىنشا 1 - بولادى. دالالىق 5 كيلومەتردە قارۋلانۋ سايىسكەرلىكتىڭ ەڭ سوڭعى ءبىر ءتۇرى ەدى، سونداي - اق 2 - لياننىڭ باسىم ءتۇرى بولاتىن، فۋ ليجى ليان - دۇيدى باستاپ اعا جۇلدەگەر بولۋعا ۇمتىلادى.
جولعا شىققاننان كەيىن، فۋ ليجى قوسىننىڭ ورتاسىنا، الدى - ارتىنا بارىپ قايرات بەرەدى. جۇگىرىپ 3 كيلومەتردەي جەرگە بارعاندا، ونىڭ ەرنى كوگەرىپ، تەر بۇرشاقتاي اعادى، جۇگىرىپ كومبەگە 500 مەتردەي قالعاندا، فۋ ليجى كەنەت جىعىلىپ قالادى. جاۋىنگەرلەر ونىڭ ءوڭىنىڭ قۋارىپ، تىنىس الۋى قيىنداپ بارا جاتقاندىعىن بايقاپ، وعان: ”ەندىگارى جۇگىرمەي - اق قوي“ دەپ ءناسيحات بەرەدى. فۋ ليجى ۇزدىكسىز العا ۇمتىلادى، نەبارى 100 نەشە مەتر جەرگە جۇگىرىپ بارعاندا ول تالىپ جىعىلىپ تۇسەدى.
6 - ايدىڭ 22 - كۇنى تاڭعى ساعات بىردەن 25 مينۋت وتكەندە فۋ ليجىنىڭ عۇمىرى 31 جاسىندا ماڭگىلىككە اياقتايدى. شيپاگەر شۇعىل قۇتقارۋ مالىمەتىنە: ”ۇزاق ۋاقىت شارشاپ - شالدىققاندىقتان، دەنە قۋاتى اۋىر دارەجەدە سارىپ ەتىلىپ، كولدەنەڭ قىلقاندى بۇلشىق ەتى ەزىلىپ، ىشكى مۇشەلەرى السىرەۋ قوسانجارلاۋىن كەلتىرىپ شىعارعان“ دەپ جازادى.
فۋ ليجى شەكارا قورعانىسى اسكەرىنىڭ بورىش − بارىنەن جوعارى، داڭق − تايشان تاۋىنان دا قاستەرلى بورىشىن ادا ەتكەندىگىن ومىرىمەن ايگىلەدى.
