كومىردەن، ەلەكتردەن، مۇنايدان، گازدان پايدالانۋ قامتاماسىز ەتىلىپ، استىقتىڭ، مايدىڭ بازارداعى قامداۋ - قاجەتسىنۋى جەتكىلىكتى، كوكونىسپەن، ەتپەن، جۇمىرتقامەن، سۇتپەن جانە تۇرمىستىق قاجەتتى بۇيىمدارمەن قامداۋ مول بولدى
شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين 6 - ايدىڭ 4 - كۇنى ۇرىمجىدەن حابارلايدى. 6 - ايدىڭ 4 - كۇنى وتكىزىلگەن اۆتونوميالى رايوننىڭ قامداۋدى قامتاماسىز ەتىپ، باعانى ورنىقتىرۋ جاعدايىنان اقپار جاريالاۋ ماجىلىسىنەن ۇعىسۋعا قاراعاندا، جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، رايونىمىز قامداۋدى قامتاماسىز ەتىپ، باعانى ورنىقتىرۋدىڭ ”كەشەندى شاراسىن“ اتقارىپ، بيىل الدىڭعى 5 ايدا، بۇكىل رايوندا كومىردەن، ەلەكتردەن، مۇنايدان، گازدان پايدالانۋ قامتاماسىز ەتىلىپ، استىقتىڭ، مايدىڭ بازارداعى قامداۋ - قاجەتسىنۋى جەتكىلىكتى، كوكونىسپەن، ەتپەن، جۇمىرتقامەن، سۇتپەن جانە تۇرمىستىق قاجەتتى بۇيىمدارمەن قامداۋ جالپى جاقتان جەتكىلىكتى مول بولعان.
اۆتونوميالى رايوندىق دامۋ جانە رەفورما كوميتەتىنىڭ ورىنباسار مەڭگەرۋشىسى لي چاڭچيڭ تانىستىرىپ بىلاي دەدى: ىندەت تۋىلعاننان كەيىن، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابى اۆتونوميالى رايوندىق دامۋ جانە رەفورما كوميتەتى جەتەكشى ورىن بولعان تۇرمىستىق زاتتىق ماتەريالدارمەن قامتاماسىز ەتۋ گرۋپپاسىن دەر كەزىندە قۇرىپ، اۆتونوميالى رايون جالپى مەڭگەرەتىن، ايماقتار (وبلىس، قالا) ءبىر تۇتاس جوسپارلايتىن، اۋداندار (قالا) سايكەسەتىن تۇرمىستىق زاتتىق ماتەريالدارمەن قامتاماسىز ەتۋ جۇيەسىن ورناتىپ، بۇكىل رايونداعى ءتۇيىندى كومىر كەندەر مەن تىرەكتى ەلەكتر كوزدەرىن ۇزدىكسىز جۇمىس جۇرگىزۋگە سايكەستىرىپ، مۇناي - گاز كاسىپورىندارىنىڭ قالىپتى وندىرىسىنە قولداۋ كورسەتىپ، تابيعي گازبەن، سۇيىلتىلعان گازبەن، جىلۋمەن، سۋمەن، ەلەكترمەن قامداۋ جۇيەسىنىڭ قالىپتى اينالىمىن قامتاماسىز ەتىپ، اينالىمدى رەتتەۋدى كۇشەيتىپ، قاراستى اۋماقتاعى قامداۋعا شىنايى كەپىلدىك ەتۋ نەگىزىندە وڭىرلەر اراسىنداعى تەپە - تەڭدىكتى رەتتەۋدى كۇشەيتىپ، بۇكىل رايونداعى ەنەرگيا سياقتى ماڭىزدى فاكتورلاردىڭ ورنىقتى قامداۋىن قامتاماسىز ەتتى.
”جەر - جەر ’كوجە - قاتىققا‘، استىققا جاۋاپتى بولۋ ءتۇزىمىن جالپى بەتتىك تياناقتاندىرىپ، تاسىمالدىڭ ىركىلىسسىزدىگىنە شىنايى كەپىلدىك ەتىپ، ’بىرلەسىپ كوتەرەگە الىپ، قامداۋدى قامتاماسىز ەتۋ‘ ارقىلى زاتتىق ماتەريالمەن قامداۋدىڭ ەڭ سوڭعى ءبىر كيلومەترىن ۇلاستىرىپ، بۇكىل رايوندا تۇرمىستىق زاتتىق ماتەريالدارمەن قامداۋدىڭ جەتكىلىكتى، قامتاماسىز ەتۋدىڭ پارمەندى، باعانىڭ ورنىقتى بولۋىن جۇزەگە اسىردى“، - دەدى لي چاڭچيڭ.
قازىر رايونىمىزدا كومىر ءوندىرۋ مەن ساتۋ بىردەي كوبەيدى. 1 - ايدان 4 - ايعا دەيىن، كومىر كاسىبىنىڭ ونەركاسىپتىك ارتقان قۇنى سايكەس مەزگىلدەگىدەن ％23.4 ارتتى. بۇكىل رايونداعى كومىر ءوندىرىس مولشەرى 85 ميلليون 236 مىڭ 100 توننا بولىپ، سايكەس مەزگىلدەگىدەن ％15.3 ارتتى؛ ساتۋ مولشەرى 84 ميلليون 6900 توننا بولىپ، سايكەس مەزگىلدەگىدەن ％23.8 ارتتى.
ەلەكترمەن قامداۋ جەتكىلىكتى بولدى. 1 - ايدان 4 - ايعا دەيىن، بۇكىل رايوندا ەلەكتر تاراتۋ مولشەرى 127 ميلليارد 276 ميلليون كيلوۆات - ساعات بولىپ، سايكەس مەزگىلدەگىدەن ％12.1 ارتىپ، جالپى جاقتان ورنىقتى ارتۋدى ساقتادى. قازىر بۇكىل رايون ەلەكتر تورابىنىڭ ەڭ زور شىعارۋ قۋاتى 39 ميلليون كيلوۆات، بۇل ورنالاستىرۋ ولشەمى ەڭ زور ەلەكتردەن پايدالانۋ كوتەرىمدىلىگىنەن 10 ميلليون 300 مىڭ كيلوۆات جوعارى.
مۇناي - گازبەن قامداۋ جالپى جاقتان ورنىقتى بولدى. 1 - ايدان 4 - ايعا دەيىن، مۇناي سالاسىنىڭ ونەركاسىپتىك ارتقان قۇنى سايكەس مەزگىلدەگىدەن ％0.4 تومەندەپ، ارتۋ قارقىنى از دارەجەدە تومەندەدى، دەسەدە نەگىزگى ونىمدەردىڭ ءوندىرىس مولشەرى ورنىقتى ارتۋدى ساقتاپ، وڭدەلمەگەن مۇناي، تابيعي گاز، كومىردەن الىناتىن تابيعي گاز جەكە - جەكە ％5.4، ％7.8، ％16.1 ارتتى.
استىق، ماي، كوكونىس جانە كۇندەلىكتى تۇرمىستىق تاۋارلاردىڭ قامداۋى جەتكىلىكتى بولدى. قازىر بۇكىل رايونداعى استىق قامبالارىنىڭ ساقتالىمى تاريحتاعى جوعارى دەڭگەيدە، قور جەتكىلىكتى، قامداۋ تولىق، باعا ورنىقتى بولىپ، ىندەتتىڭ الدىنداعىمەن سالىستىرعاندا نەگىزىنەن قارايلاس بولدى. 115 كولەمدەنگەن استىق، ماي مانەرلەۋ كاسىپورىندارىندا جۇمىس قالپىنا كەلىپ، ۇننىڭ كۇندىك ءوندىرىس مولشەرى ورنىقتى تۇردە 5000 توننادان جوعارى بولدى. بۇكىل رايونداعى 210 ءتۇيىندى ساۋدا دۇكەن، ەرەن بازارلارىنداعى استىق، ماي، ەت، جۇمىرتقا، ءۇي قۇستارىنىڭ ەتى، كوكونىس، قولايلى ازىق - تۇلىكتەر، جۋۋ - تازالىق بۇيىمدارى سياقتى 17 ۇلكەن تۇردەگى تۇرمىستىق قاجەتتى بۇيىمداردىڭ قامداۋى جەتكىلىكتى مولشەردى ساقتادى.
اۆتونوميالى رايون تاعى تۇرمىستىق زاتتىق ماتەريالدار قورىن مولايتىپ، قورداعى ەتتى، كوكونىستى بازارعا سالۋ قىزمەتىن ورىستەتىپ، قورداعى ەتتى، كوكونىستى بازارعا سالۋدى ۇدايىلاندىرۋدى جۇزەگە اسىرىپ، بۇقارانىڭ ساپاسى جاقسى، باعاسى ارزان قورداعى ەتتى، كوكونىستى ساتىپ الا الۋىنا شىنايى كەپىلدىك ەتتى.
مۇنان سىرت، اۆتونوميالى رايون ساياساتتىق قولداۋ تەبىنىن ارتتىرىپ، كاسىپورىنداردىڭ ەلەكتردەن، گازدان پايدالانۋ وزىندىك قۇنىن تومەندەتتى. 5 - ايدىڭ 31 - كۇنىنە دەيىن، بۇكىل رايوندا ەلەكتر باعاسىن كەزەڭدىك تومەندەتۋ ساياساتىنىڭ تيىمدىلىگىنە 700 مىڭ 200 ابونت كەنەلىپ، تومەندەگەن باعا سوماسى جيىنى 278 ميلليون يۋان بولدى؛ گازدىڭ باعاسىن كەزەڭدىك تومەندەتۋ ساياساتىنىڭ تيىمدىلىگىنە 48 مىڭ 500 ونەركاسىپ - ساۋدا كاسىبى پايدالانۋشىلارى كەنەلىپ، تومەندەگەن باعا سوماسى جيىنى 36 ميلليون 252 مىڭ 400 يۋان بولدى. 5 - ايدىڭ 29 - كۇنىنە دەيىن، بۇكىل رايوندا سۋ باعاسىن تومەندەتۋ ساياساتىنان 88 مىڭ جەكە ونەركاسىپ - ساۋدا تيجاراتشىسى يگىلىكتەنىپ، تيىمدىلىككە كەنەلگەن سۋ مولشەرى 16 ميلليون 150 مىڭ تەكشەمەتر بولىپ، تومەندەگەن باعا سوماسى 18 ميلليون 740 مىڭ يۋانعا جەتتى.
