رايونىمىزدىڭ ەمدەۋ - دەنساۋلىق ساقتاۋ جۇيەسىندەگى كادرلار، جۇمىسشى - قىزمەتكەرلەر باس شۋجي شي جينپيڭنىڭ ماماندار، وقىمستىلار اڭگىمە ماجىلىسىندە سويلەگەن ماڭىزدى ءسوزىنىڭ رۋحىن مۇقيات ۇيرەندى، دايەكتىلەندىردى −
حالىق بۇقاراسىنىڭ ءومىرى مەن سالاماتتىعىن قورعايمىز
شينجياڭ گازەتىنىڭ جالپىلىق اقپارات قۇرالدارى تىلشىلەرى
جاقىنعى كۇندەردەن بەرى، رايونىمىزدىڭ ەمدەۋ - دەنساۋلىق ساقتاۋ جۇيەسىندەگى كادرلار، جۇمىسشى - قىزمەتكەرلەر باس شۋجي شي جينپيڭنىڭ 6 - ايدىڭ 2 - كۇنى ماماندار، وقىمىستىلاردىڭ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن مۇقيات ۇيرەنگەندە، دايەكتىلەندىرگەندە، كوپشىلىك ءبىر اۋىزدان مىنالاردى ءبىلدىردى: باس شۋجي شي جينپيڭنىڭ تاپسىرماسىن ەستە بەرىك ساقتاپ، قۇلشىنا كۇرەس جۇرگىزىپ، قايراتتانا ءىس تىندىرىپ، حالىق بۇقاراسىنىڭ ءومىرى مەن سالاماتتىعىن قورعايمىز.
حالىق بۇقاراسىنىڭ سالاماتتىعىن قورعايمىز
”جۇڭي شيپاگەرلىك - دارىگەرلىك قىزمەت وتەۋى جۇيەسى قۇرىلىسىن كۇشەيتىپ، جۇڭي شيپاحاناسىنىڭ شۇعىل جاعدايعا توتەپ بەرۋ جانە قۇتقارۋ - ەمدەۋ قابىلەتىن جوعارىلاتۋ كەرەك. باس شۋجيدىڭ ماڭىزدى ءسوزى ماعان جاۋاپكەرشىلىگىمنىڭ اۋىر ەكەندىگىن تەرەڭ سەزىندىردى“. شينجياڭ مەديتسينا داشۋەسىنە قاراستى جۇڭي شيپاحاناسى پارتكومىنىڭ ورىنباسار شۋجيى، شيپاحانانىڭ ورىنباسار باستىعى جاڭ شيڭپيڭ بىلاي دەدى: جۇڭي شيپاگەرلىگى مەن باتىس شيپاگەرلىگىن بىرلەستىرۋ، جۇڭي دارىلەرى مەن باتىس دارىلەرىن قاتار قولدانۋ وسى رەتكى ىندەتتەن ساقتانۋ - تىزگىندەۋدەگى ءبىر ۇلكەن ەرەكشەلىك، سونداي - اق جۇڭي شيپاگەرلىك - دارىگەرلىكتىڭ جاۋھارىنا مۇراگەرلىك ەتۋدىڭ، تۋراشىلدىقتى ساقتاپ، جاڭالىق اشۋدىڭ جاندى امالياتى. جۇڭگوشا الەۋمەتتىك دەنساۋلىق ساقتاۋ جۇيەسىن ورناتۋدا جۇڭي شيپاگەرلىك - دارىگەرلىكتىڭ ەرەسەن رولى بار، بۇدان كەيىن ءبىز ءتۇيىندى پاندەر قۇرىلىسىن كۇشەيتىپ، جۇڭي شيپاگەرلىك - دارىگەرلىك دارىندىلارىن باۋلۋعا ءمان بەرىپ، تەحنيكادا شىڭدالعان جۇڭي شيپاگەرلىك - دارىگەرلىك ەمدەۋ - كۇتىمدەۋ قوسىنىن قۇلشىنا قالىپتاستىرىپ، حالىق بۇقاراسىنىڭ ءومىرىن، سالاماتتىعىن قورعايمىز.
باس شۋجي شي جينپيڭ: جۇڭي جاڭا دارىلەرىن زەرتتەپ اشۋىن جانە كاسىپ سالالاندىرا دامىتۋدى جەبەۋ كەرەك، - دەپ اتاپ كورسەتتى. شينجياڭ يىندولان ۇيعۇر ءدارى - دارمەك شەكتى جارنا سەرىكتەستىگنىڭ القا باستىعى لي جۇن بىلاي دەدى: ءبىز جۇڭي دارىگەرلىگىندەگى ۇلتتىق دارىلەردى زەرتتەپ اشۋ قىزمەتىن تاباندىلىقپەن جاقسى ىستەپ، ءار ۇلت بۇقاراسى ءۇشىن اناعۇرلىم كوپ، اناعۇرلىم جاقسى ءدارى - دارمەكتەر وندىرەمىز. بيىل سەرىكتەستىك ۇزدىكسىز 20 ميلليون يۋان قارجى قوسىپ، جۇڭي جاڭا دارىلەرىن زەرتتەپ اشۋعا جۇمساپ، عىلىم - تەحنيكا جەتىستىكتەرىن كادەگە جاراتۋ تەبىنىن ۇزدىكسىز ارتتىرىپ، ءدارى - دارمەكتەردى زەرتتەۋ - باعالاۋ مەن كلينيكادا قولدانۋدىڭ ءوزارا بىرلەسۋىن جۇزەگە اسىرادى.
”وسى رەتكى ’ىندەتكە‘ قارسى شايقاستا، قالىڭ ەمدەۋ قىزمەتكەرلەرى جەكە باسىنىڭ اماندىعىمەن ساناسپاي، لاڭ سالعان ۆيرۋسقا ەرلىكپەن قارسى اتتانىپ، بۇقارانىڭ سالاماتتىعىن قورعادى“. شينجياڭنىڭ حۋبەيعا كومەككە بارعان ەمدەۋ اترەتىنىڭ مۇشەسى، اۆتونوميالى رايوندىق حالىق شيپاحاناسى سالماقتى اۋرۋلار مەديتسينالىق ءبولىمىنىڭ تەتە اعا شيپاگەرى ليۋ يان مىنانى ءبىلدىردى: ”پارتيا مۇشەسى، سالماقتى اۋرۋلار ءبولىمىنىڭ شيپاگەرى رەتىندە، مەن باس شۋجيدىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، وسكەلەڭ ساياسي جاۋاپكەرشىلىك سەزىممەن جانە بورىشتىلىق سەزىممەن ءوزىمنىڭ كاسىپتىك ارتىقشىلىعىمدى ساۋلەلەندىرىپ، بۇقارانىڭ سالاماتتىعىن قورعايمىن“.
ەمدەۋدىڭ كاسىپتىك دەڭگەيىن جوعارىلاتامىز
باس شۋجي شي جينپيڭنىڭ ماڭىزدى ءسوزى ساقتانۋ - تىزگىندەۋدىڭ ءبىرىنشى شەبىندە تاپجىلماي ىستەپ جاتقان ەمدەۋ قىزمەتكەرلەرىن جانە عىلمي زەرتتەۋ قىزمەتكەرلەرىن شابىتتاندىردى.
”بۇل رەتكى ىندەت الەۋمەتتىك دەنساۋلىق ساقتاۋداعى ىندەتتىڭ الدىن الۋ دارىندىلارىنىڭ توتەنشە تاپشى ەكەنىن، اۋرۋدىڭ الدىن الۋ جانە ونى تىزگىندەۋدىڭ ىسىلعان، ساپالى ماماندار قوسىنىن قۇرۋدىڭ كەزەك كۇتتىرمەيتىندىگىن كورسەتتى“. اۆتونوميالى رايوندىق اۋرۋدىڭ الدىن الۋ جانە ونى تىزگىندەۋ ورتالىعىنىڭ ورىنباسار مەڭگەرۋشىسى، اعا شيپاگەر جاڭ ليڭ بىلاي دەدى: اۆتونوميالى رايوندىق اۋرۋدىڭ الدىن الۋ جانە ونى تىزگىندەۋ ورتالىعى باس شۋجيدىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، الەۋمەتتىك دەنساۋلىق ساقتاۋ باس مامانى ءتۇزىمى جونىندە ىزدەنىس جاساپ جانە ونى تياناقتاندىرىپ، كوپ پاندىك، جوعارى دەڭگەيدەگى ماماندار قوسىنىن قۇرادى. سونىمەن بىرگە، قىزمەتتەگى قىزمەتكەرلەردىڭ ءبىلىم تولىقتاۋىن جانە كاسىپتىك تاربيەلەنۋىن كۇشەيتىپ، ەتيولوگيالىق ساراپتاۋ، ىندەت جاعدايىن تۇجىرىمداۋ جانە تارالۋ زاڭدىلىعىن زەرتتەۋ، باسى - قاسىندا ەپيدەميولوگيالىق تەكسەرۋ جۇرگىزۋ، تاجىريبەحانالاردا تەكسەرۋ - ولشەۋ سياقتى ناقتى ماسەلەلەردى شەشە الاتىن اۋرۋدىڭ الدىن الۋ جانە ونى تىزگىندەۋ دارىندىلارىن كۇش سالا جەتىلدىرەدى.
”ادامزاتتىڭ ۇلكەن اپاتتاردى، ۇلكەن ىندەتتەردى جەڭىپ شىعۋى عىلىمنىڭ دامۋىنان جانە تەحنيكانىڭ جاڭالانۋىنان قول ۇزە المايدى. باس شۋجيدىڭ ماڭىزى ءسوزى ادامدى جىگەرلەندىرىپ، ءبىز سياقتى عىلمي زەرتتەۋ قىزمەتكەرلەرىن اسقار شىڭعا ۇزدىكسىز باتىلدىقپەن شىعۋعا ىنتالاندىردى“. شينجياڭ مەديتسينا داشۋەسى كلينيكالىق زەرتتەۋ ورنىنىڭ باستىعى لۋ شياۋمەي مىنانى ءبىلدىردى: ءبىز، ءسوز جوق، باس شۋجيدىڭ ىقىلاستى تاپسىرماسىن ەستە بەرىك ساقتاپ، عىلمي زەرتتەۋ جۇمىسىن ويداعىداي جۇرگىزىپ، مەديتسينالىق جاڭالىق اشۋدىڭ جەتىستىكتەرى ارقىلى اناعۇرلىم كوپ بۇقارانى يگىلىككە كەنەلتەمىز.
الەۋمەتتىك دەنساۋلىق ساقتاۋ قورعانىس شەبىن بەرىك قۇرامىز
”اۋرۋدىڭ الدىن الۋ جانە ونى تىزگىندەۋ قۇرىلىمدارى مەن قالا، اۋىل الەۋمەتتىك اۋماقتارىنىڭ بىرلەسە قيمىلداۋ قىزمەت مەحانيزمىن اقاۋسىزداندىرىپ، اۋىل - قالاشىق ەمحانالارى مەن الەۋمەتتىك اۋماقتاعى دەنساۋلىق ساقتاۋ - قىزمەت وتەۋ ورتالىقتارىنىڭ اۋرۋدىڭ الدىن الۋ قىزمەت جاۋاپكەرشىلىكتەرىن كۇشەيتىپ، بىرلەسىپ ساقتانۋدىڭ، بىرلەسىپ تىزگىندەۋدىڭ نەگىزگى ساتىداعى نەگىزىن بەكەمدەۋ كەرەك. باس شۋجيدىڭ ماڭىزدى ءسوزى ءبىزدىڭ قىزمەتىمىزگە ايقىن بەتالىس كورسەتىپ بەردى“. اۆتونوميالى رايوندىق دەنساۋلىق ساقتاۋ، سالاماتتىق كوميتەتى اۋرۋدىڭ الدىن الۋ جانە ونى تىزگىندەۋ باسقارماسىنىڭ باستىعى ماردان ابدۇراحىمان مىنانى ءبىلدىردى: بۇدان كەيىن، اۆتونوميالى رايونىمىزداعى ءار دارەجەلى اۋرۋدىڭ الدىن الۋ جانە ونى تىزگىندەۋ تاراۋلارى باس شۋجيدىڭ تالابى بويىنشا، قاداعالاۋ جانە الدىن الا ساقتاندىرۋ تورىن ۇزدىكسىز كەمەلدەندىرىپ، حالىق بۇقاراسىنىڭ دەنساۋلىعى ءۇشىن جان - جاقتى، جالپى اينالىمدىق جاقتان قامتاماسىز ەتەدى.
”جۇقپالى اۋرۋلاردى ەمدەۋگە الۋعا بەلگىلەنگەن شيپاحانا رەتىندە، شيپاحانامىز بۇكىل شينجياڭدا جۇقپالى اۋرۋلار ارناۋلى بولىمدەرى وداعىن قۇرىپ، قاشىقتان دياگنوز قويۋ تۇعىرلارىنان پايدالانىپ، بۇكىل شينجياڭداعى ەمدەلۋگە كەلگەن ناۋقاستاردىڭ اۋرۋ جاعدايىن سارالاۋ جانە كلينيكالىق ەمدەۋگە جەتەكشىلىك ەتۋ سياقتى قىزمەتتەرگە جەتەكشىلىك ەتتى“. اۆتونوميالى رايوندىق جۇقپالى اۋرۋلار شيپاحاناسى پارتكومىنىڭ مۇشەسى، شيپاحانانىڭ ورىنباسار باستىعى سۇڭ يۇيشيا بىلاي دەدى: بۇدان كەيىن، شيپاحانامىز نەگىزگى ساتى ەمدەۋ - كۇتىمدەۋ قىزمەتكەرلەرىنە ىندەتتەن ساقتانۋ - تىزگىندەۋ بويىنشا كاسىپتىك تاربيەلەۋ سەرپىنىن ارتتىرادى، سونداي - اق كاسىپتىك قىزمەت گرۋپپاسىن ۇيىمداستىرىپ، بۇكىل شينجياڭنىڭ ءارقايسى ايماق، وبلىسىنداعى ىندەتتەن ساقتانۋ - تىزگىندەۋگە جەتەكشىلىك ەتىپ جانە كومەكتەسىپ، نەگىزگى ساتىنىڭ ىندەتتى بايقاۋ، ىندەتتى ءبىر جاقتى ەتۋ قابىلەتىن جوعارىلاتۋعا بەرىك نەگىز قالايدى.
”باس شۋجي سوزىندە اۋرۋدىڭ الدىن الۋ جانە ونى تىزگىندەۋ جۇيەسى، الەۋمەتتىك دەنساۋلىق ساقتاۋ جۇيەسى، ەلەۋلى جۇقپالى اۋرۋلاردان قۇتقارۋ - ەمدەۋ قابىلەتى سياقتى جاقتاردا ايقىن نۇسقاۋ كورسەتتى“. اۆتونوميالى رايوندىق حالىق شيپاحاناسىنىڭ ورىنباسار باستىعى لۋ چىن بىلاي دەدى: ”بۇدان كەيىن، شيپاحانامىز ناۋقاستاردى قۇتقارۋ - ەمدەۋدى ويداعىداي ىستەۋمەن بىرگە، قىزۋ امبولاتورياسىنىڭ قاراۋىلدىق جانە الدىن الا ساقتاندىرۋ رولىن تولىق ساۋلەلەندىرىپ، ەلەۋلى الەۋمەتتىك دەنساۋلىق ساقتاۋ وقيعاسىنا توتەپ بەرۋ دايىندىعىن ءاردايىم ويداعىداي ىستەپ، ىندەت كەزىندەگى ساقتانۋ - تىزگىندەۋدىڭ ءبىرىنشى وتكەلىنىڭ ىندەتتەن كەيىن دە حالىق بۇقاراسىنىڭ دەنساۋلىعىن ۇزدىكسىز قورعاۋىنا مۇمكىندىك جاسايدى“.
(تىلشىلەر چاۋ جين، سۋ لۋپيڭ، يۇي مىڭران جازعان)
