− باس شۋجي شي جينپيڭنىڭ ماماندار، وقىمىستىلار اڭگىمە ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
الدىن الۋ − ەڭ ۇنەمدى، ەڭ ءونىمدى سالاماتتىق تاكتيكاسى. قۋاتتى الەۋمەتتىك دەنساۋلىق ساقتاۋ جۇيەسىن ورناتۋدىڭ شەشۋشى ءتۇيىنى الدىن الۋدى نەگىز ەتكەن دەنساۋلىق ساقتاۋ، سالاماتتىق قىزمەت باعىتىنا تاباندى بولىپ، اۋرۋدىڭ الدىن الۋ - تىزگىندەۋ جۇيەسىنە رەفورما جاساپ جانە ونى كەمەلدەندىرىپ، ۇنەمى ساقاداي ساي تۇرۋعا، بوساڭسىماۋعا تاباندى بولىپ، كۇنى بۇرىن ساقتانۋ.
6 - ايدىڭ 2 - كۇنى باس شۋجي شي جينپيڭ ماماندار، وقىمىستىلار اڭگىمە ماجىلىسىندە ماڭىزدى ءسوز سويلەپ، قۋاتتى الەۋمەتتىك دەنساۋلىق ساقتاۋ جۇيەسىن ورناتىپ، الدىن الا ساقتاندىرۋ، اتتانىسقا كەلتىرۋ مەحانيزمىن اقاۋسىزداندىرىپ، ساقتانۋ - تىزگىندەۋ جانە قۇتقارۋ - ەمدەۋ قابىلەتىن جالپى بەتتىك جوعارىلاتىپ، قورعانىس تورىن بەكەمدەپ، اۋاشالاۋ قورعانىن بەرىك، مىقتى تۇرعىزعاندا عانا، حالىقتىڭ سالاماتتىعىن قورعاۋدى شىن مانىندە پارمەندى قامتاماسىز ەتۋگە بولاتىندىعىن تەرەڭدەي اتاپ كورسەتتى؛ اۋرۋدىڭ الدىن الۋ - تىزگىندەۋ جۇيەسى − حالىقتىڭ سالاماتتىعىن قورعاۋدىڭ، الەۋمەتتىك دەنساۋلىق ساقتاۋ حاۋىپسىزدىگىن قامتاماسىزداندىرۋدىڭ، ەكونوميكالىق، قوعامدىق ورنىقتىلىقتى قورعاۋدىڭ ماڭىزدى كەپىلى. اناعۇرلىم ءدال، اناعۇرلىم ءونىمدى تۇردە الدىن الۋدى تياناق ەتىپ، ءتۇزىلىس - مەحانيزمدەردى رەتكە سالۋ، فۋنكتسيالىق سيپاتىن ايقىن تۇراقتاندىرۋ، كاسىپتىك قابىلەتتى جوعارىلاتۋ سياقتى جاقتاردا رەفورما جاساۋ سەرپىنىن ارتتىرا ءتۇسۋدى باسا دارىپتەدى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جاڭا داۋىردەگى پارتيانىڭ دەنساۋلىق ساقتاۋ، سالاماتتىق قىزمەت باعىتىن ايقىنداپ، ”سالاماتتى جۇڭگونى“ مەملەكەتتىك ستراتەگيا دەڭگەيىنە كوتەرىپ، بۇرىنعى قىزمەتتەر نەگىزىندە، ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسى سىندى الەمدىك قيىن ماسەلەنى جۇڭگو ۇلگىسىندەگى ادىسپەن شەشۋگە تاباندى بولىپ، ءبىرشاما قىسقا ۋاقىت ىشىندە دۇنيە ءجۇزى بويىنشا كولەمى ەڭ ۇلكەن نەگىزگى ەمدەۋ قامتاماسىزداندىرۋ تورىن قۇرىپ، الەۋمەتتىك دەنساۋلىق ساقتاۋدىڭ جالپى تۇلعالىق قۋاتى مەن اۋرۋدىڭ الدىن الۋ - تىزگىندەۋ قابىلەتىن ءبىر ۇلكەن ساتىعا كوتەرىپ، حالىقتىڭ سالاماتتىق دەڭگەيىن جوعارىلاتۋ جونىندە ماڭىزدى تىرەكتىك رولىن ساۋلەلەندىردى. الدىن الۋدى نەگىز ەتكەن دەنساۋلىق ساقتاۋ، سالاماتتىق قىزمەت باعىتىنا تاباندى بولۋدىڭ ءوزى ۇزاق ۋاقىتتان بەرگى امالياتتا ونىمدىلىگى دالەلدەنگەن ادىسكە تاباندى بولۋ، ونى جالعاستىرۋ، دامىتۋ بولىپ تابىلادى. بۇل باعىتتىڭ ءتۇبىرلى تەتىگى − حالىقتى وزەك ەتكەن دامۋ يدەياسىنا تاباندى بولۋ، حالىقتىڭ سالاماتتىعى ءۇشىن قىزمەت وتەۋگە تاباندى بولۋ. ”جاقسى شيپاگەر جانعا داۋا“. حالىقتىڭ سالاماتتىعىن قورعاۋعا پارمەندى قامتاماسىزدىق ازىرلەۋ ءۇشىن، ءسوز جوق، الدىن الۋدى نەگىز ەتۋ باعىتىنا تاباندى بولىپ، الدىن الۋ مەن ەمدەۋدى بىرلەستىرۋگە، بىرلەسىپ ساقتانۋعا، بىرلەسىپ تىزگىندەۋگە، جۇمىلا ساقتانۋعا، جۇمىلا تىزگىندەۋگە تاباندى بولىپ، حالىق بۇقاراسىنا جالپى اينالىمدىق دەنساۋلىق ساقتاۋ جانە سالاماتتىق قىزمەت وتەۋگە قۇلشىنىپ، حالىقتىڭ سالاماتتىق دەڭگەيىن جالپى بەتتىك جوعارىلاتۋ كەرەك.
وسى رەتكى توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا، ەلىمىزدىڭ الەۋمەتتىك دەنساۋلىق ساقتاۋ جۇيەسى، ەمدەۋ - قىزمەت وتەۋ جۇيەسى ماڭىزدى رول اتقاردى، دەسە دە كەيبىر ولقىلىقتار مەن كەمشىلىكتەر دە بايقالدى. قۋاتتى الەۋمەتتىك دەنساۋلىق ساقتاۋ جۇيەسىن ورناتۋدا، رەفورما سەرپىنىن ارتتىرىپ، جەدەل تۇردە ولقىلىقتاردى تولىقتاپ، ساڭلاۋلاردى بىتەپ، وسال تۇستاردى كۇشەيتۋ كەرەك. الەۋمەتتىك دەنساۋلىق ساقتاۋ ىستەرىنە تۇراقتى ۇسىنىلىم قوسۋ مەحانيزمىن ورناتىپ، اۋرۋدىڭ الدىن الۋ جانە ونى تىزگىندەۋدىڭ نەگىزدىك شارت - جاعدايىن جاقسارتىپ، الەۋمەتتىك دەنساۋلىق ساقتاۋ - قىزمەت وتەۋ نىساندارىن كەمەلدەندىرۋ؛ اۋرۋدىڭ الدىن الۋ جانە ونى تىزگىندەۋ قۇرىلىمدارىنىڭ فۋنكتسيالىق ورنالاسۋىن ساپالىلاندىرىپ، كەمەلدەندىرىپ، جوعارى مەن تومەن بىرلەسە قيمىلدايتىن جۇمىس ءبولىسى سەلبەستىك مەحانيزمىن ورناتۋ كەرەك. اۋرۋدىڭ الدىن الۋدىڭ جانە ونى تىزگىندەۋدىڭ مەملەكەت دارەجەلى قۇرىلىمدارىنىڭ قابىلەت قۇرىلىسىن كۇشەيتىپ، ولاردىڭ تەحنيكاسىن، قابىلەتىن، دارىندى قورىن كۇشەيتۋ؛ اۋرۋدىڭ الدىن الۋ جانە ونى تىزگىندەۋ قۇرىلىمدارى مەن قالا، اۋىل الەۋمەتتىك اۋماقتارىنىڭ بىرلەسە قيمىلداۋ قىزمەت مەحانيزمىن اقاۋسىزداندىرىپ، بىرلەسىپ ساقتانۋدىڭ، بىرلەسىپ تىزگىندەۋدىڭ نەگىزگى ساتىداعى نەگىزىن بەكەمدەۋ؛ ەمدەۋ مەن الدىن الۋدى سايكەستىرۋ مەحانيزمىندە جاڭالىق اشىپ، قىزمەتكەر، ينفورماتسيا، بايلىق ىركىلىسسىز اۋىساتىن جانە قاداعالاۋ مەن باقىلاۋ - باسقارۋ ءوزارا تەجەيتىن مەحانيزم ورناتۋ؛ اۋرۋدىڭ الدىن الۋ جانە ونى تىزگىندەۋ دارىندىلار قوسىنى قۇرىلىسىن كۇشەيتىپ، اۋرۋدىڭ الدىن الۋ جانە ونى تىزگىندەۋدىڭ وسىزاماندانعان جۇيەسىنە ۇيلەسەتىن دارىندى دايىنداۋ، ىستەتۋ مەحانيزمىن ورناتۋ كەرەك. ەرتە باستان قاداعالاۋ، الدىن الا ساقتاندىرۋ قابىلەتىن كۇشەيتۋدى الەۋمەتتىك دەنساۋلىق ساقتاۋ جۇيەسىن اقاۋسىزداندىرۋدىڭ كوكەي تەستى جۇمىسى ەتىپ، جۇقپالى اۋرۋلار ىندەتىن جانە توسىن تۋىلعان الەۋمەتتىك دەنساۋلىق ساقتاۋ وقيعالارىن قاداعالاۋ جۇيەسىن كەمەلدەندىرىپ، سەبەبى بەلگىسىز اۋرۋلار مەن قالىپسىز سالاماتتىق وقيعالارىن قاداعالاۋ مەحانيزمىن جاقسارتىپ، ساراپتاۋدىڭ، قاداعالاۋدىڭ سەزىمتالدىعى مەن دالدىگىن جوعارىلاتىپ، زەردەلىلەنگەن تاسىلمەن الدىن الا ساقتاندىرۋدىڭ كوپ تۇيىندە ۇشتاسۋ مەحانيزمىن ورناتىپ، كوپ ارنادا قاداعالاۋ، الدىن الا ساقتاندىرۋ مەحانيزمىن اقاۋسىزداندىرىپ، دەر كەزىندە تالداۋ جاساۋ، شوعىرلى تۇجىرىمداۋ قابىلەتىن جوعارىلاتۋ كەرەك. جۇقپالى اۋرۋلاردىڭ الدىن الۋ جانە ونى ەمدەۋ زاڭى، توسىن تۋىلعان الەۋمەتتىك دەنساۋلىق ساقتاۋ وقيعالارىنا توتەپ بەرۋ زاڭى سياقتى زاڭدارعا وزگەرىس ەنگىزۋ جانە جاساۋ قىزمەتىن باعىتتامالى تۇردە ىلگەرىلەتىپ، ىندەتتەن ساقتانۋ - تىزگىندەۋ بويىنشا زاڭ اتقارۋدىڭ ۇقىق پەن جاۋاپكەرشىلىگى ايقىن، ءتارتىبى جۇيەلى، اتقارۋى پارمەندى مەحانيزمىن اقاۋسىزداندىرىپ، الەۋمەتتىك دەنساۋلىق ساقتاۋ حاۋىپسىزدىگى جانە ىندەتتەن ساقتانۋ - تىزگىندەۋ زاڭدارى مەن زاڭ ەرەجەلەرىن جالپىلاستىرىپ، بۇكىل قوعامدا زاڭ بويىنشا ارەكەت جۇرگىزۋدى، زاڭ بويىنشا ءىس ىستەۋدى ىلگەرىلەتۋ كەرەك.
وتانشىلدىق تازالىق قيمىلى − پارتيامىزدىڭ بۇقارالىق لۋشياندى دەنساۋلىق ساقتاۋ، اۋرۋدىڭ الدىن الۋ قىزمەتىندە قولدانۋىنىڭ تابىستى امالياتى، الدىن الۋدى نەگىز ەتۋ باعىتىن دايەكتىلەندىرۋدىڭ ۇلى جاسامپازدىعى. جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ كۇرەسىنىڭ تاجىريبەلەرىن مۇقيات قورىتىندىلاپ، وتانشىلدىق تازالىق قىزمەتىنىڭ مازمۇنىن بايىتىپ، ءادىس - تاسىلىندە جاڭالىق اشىپ، ورتا تازالىعىن جونگە سالۋدان تۇتاس قوعامنىڭ سالاماتتىعىن باسقارۋعا قاراي بۇرىلىس جاساۋدى ىلگەرىلەتىپ، حالىقتىڭ سالاماتتىعىنا ساياتىن جالپى جاعدايلىق، ۇزاق ۋاقىتتىق ماسەلەلەردى ويداعىداي شەشۋ كەرەك. جەر - جەردىڭ ءىس جۇزىندىگىمەن بىرلەستىرىپ، قونىس ورتاسىن جالپى بەتتىك جاقسارتىپ، الەۋمەتتىك تازالىق ورتاسىنىڭ نەگىزدىك قۇرىلعى قۇرىلىسىن كۇشەيتىپ، قالا، اۋىل ورتاسىنىڭ تازالىعىن رەتتەۋ - جونگە سالۋدى ىلگەرىلەتىپ، تازا قالا - قالاشىق قۇرۋدى ىلگەرىلەتۋ كەرەك. وركەنيەتتى، اقاۋسىز، جاسىل، قورشاعان ورتانى قورعاۋعا پايدالى تۇرمىس ءتاسىلىن دارىپتەپ، سالاماتتىق بىلىمدەرىن جالپىلاستىرۋدى ورىستەتىپ، تاماشا اس - سۋ سالتىن ورناتىپ، وركەنيەتتى، اقاۋسىز تۇرمىس ادەتىن جالپىلاستىرۋ كەرەك. سالاماتتىقتى بارلىق ساياساتقا توعىستىرۋدى بەلسەندى ىلگەرىلەتىپ، جالپى تىرشىلىك اينالىمىندىق سالاماتتىقتى باسقارۋ ۇستانىمىن قالا جوسپارىنىڭ، قۇرىلىسىنىڭ، باسقارۋىنىڭ جالپى بارىسىنا، ءار بۋىنىنا ءسىڭىرۋ كەرەك. ءار دارەجەلى پارتكوم مەن ۇكىمەت وتانشىلدىق تازالىق قىزمەتىن ماڭىزدى كەڭەستىك كۇن تارتىپكە قويىپ، قوعامدى اتتانىسقا كەلتىرۋدىڭ اناعۇرلىم ءونىمدى ءتاسىلىن قاراستىرۋ كەرەك.
دەنساۋلىق − ءومىردىڭ نەگىزى، حالىقتىڭ سالاماتتىعى − ەل بولۋدىڭ ىرگە تاسى. الدىن الۋدى نەگىز ەتۋگە تاباندى بولىپ، اۋرۋدىڭ الدىن الۋ جانە ونى تىزگىندەۋ جۇيەسىنە رەفورما جاساپ جانە ونى كەمەلدەندىرىپ، قۋاتتى الەۋمەتتىك دەنساۋلىق ساقتاۋ جۇيەسىن ورناتىپ، ماسەلەلەردى بايقالعان كەزىندە، اپاتقا اينالاردان بۇرىن شەشىپ، حالىقتىڭ سالاماتتىعىن قورعاۋدى پارمەندى قامتاماسىز ەتسەك، ”قوس 100 جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا، ءسوز جوق، بەرىك سالاماتتىق نەگىز قالاي الامىز.
(شينحۋا اگەنتتىگىنىڭ 6 - ايدىڭ 4 - كۇنى بەيجيڭنەن بەرگەن حابارى)
