شينحۋا اگەنتتىگىنىڭ 6 - ايدىڭ 24 - كۇنى بەيجيڭنەن بەرگەن حابارى. ءتىلشى 6 - ايدىڭ 24 - كۇنى مىنانى ۇعىستى: جۇڭگو ءىسلام ءدىنى قوعامى «2020 - جىلعى قاجىلىق قيمىلدى ۋاقىتشا توقتاتۋ جونىندەگى حابارلاندىرۋدى» جاريالاپ، ەلىمىز مۇسىلماندارىنىڭ ساۋد ارابياسىنا 2020 - جىلعى قاجىلىق قيمىلىنا قاتىناسۋعا بارۋىن ۋاقىتشا توقتاتۋدى ۇيعاردى.
حابارلاندىرۋدا بىلاي دەلىندى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، پارتيا ورتالىق كوميتەتىنىڭ پارمەندى باسشىلىعىندا ەلىمىزدەگى ءار ۇلت حالقى ەل بىرلىگىنەن بەرىك قامال تۇرعىزىپ ىندەتكە قارسى اتتانىپ، كەلەلى ستراتەگيالىق تابىستارعا قول جەتكىزدى. الايدا ىندەت ءالى دە بۇكىل جەر شارىندا ءورشىپ، قازىرگە دەيىن ءونىمدى تىزگىندەلمەي، ساقتانۋ - تىزگىندەۋ جاعدايى قاتال دا كۇردەلى بولىپ وتىر. اكىمشىلىك باسقارۋ تاراۋىنا جولداپ بەكىتتىرۋىمەن جۇڭگو ءىسلام ءدىنى قوعامى ەلىمىز مۇسىلماندارىنىڭ ساۋد ارابياسىنا 2020 - جىلعى قاجىلىق قيمىلىنا قاتىناسۋىنا بارۋىن ۋاقىتشا توقتاتۋدى ۇيعاردى.
وسىدان ىلگەرى، جەرگىلىكتى ۋاقىت 6 - ايدىڭ 22 - كۇنى ساۋد ارابياسىنىڭ سىرتقى ىستەر مينيسترلىگى، قاجىلىق ىستەرى مينيسترلىگى مالىمدەمە جاريالاپ بىلاي دەدى: ىندەتتىڭ تارالۋ حاۋىپ - قاتەرىن ويلاستىرا كەلىپ، بيىل مەككەدەگى قاجىلىق قيمىلى ساۋد ارابياسىندا قونىستانعان ”ادام سانى توتەنشە شەكتى“ كوپ ەلدەردىڭ مۇسىلماندارىنا اشىق ۇستالادى، شەكارا سىرتىنداعى مۇسىلماندار ساۋد ارابياسىنداعى 2020 - جىلعى قاجىلىق قيمىلعا قاتىناسۋعا ۇيىمداستىرىلمايدى.
