شينحۋا اگەنتتىگىنىڭ تىلشىلەرى شيۇڭ سۇڭرۋ، سۇن شاۋشيۇڭ
اي توبەگە كەلگەن شاق، تاكلاماكان ءشولىنىڭ اينالاسىنداعى جاسىل القاپتا ”ءتۇن قاراڭعىلىعى قويۋلانعانىمەن سان مىڭ شىراق جارقىرايدى“، بۇرىنعى ءتۇن پەردەسىن تۇسىرە جىم - جىرتتىققا شوماتىن اۋىل - قىستاقتار بۇگىنگى كۇندە قىزۋ دۋمانعا بولەنگەن. مۇنداي وزگەرىستەردى سوڭعى جىلدارى ”3 رايون، 3 وبلىستاعى“ اۋىر كەدەي رايونداردا ۇزدىكسىز اتقارىلعان كوپ ءتۇرلى كەدەيلىكتەن ارىلتۋدان قامال الۋ شارالارى الا كەلگەن ەدى.
قۇمدى ءشولدىڭ وڭتۇستىك جيەگىندەگى ياركەن اۋدانى ودانلىق قالاشىعى بويلا قىستاعىندا جاڭادان سالىنعان مادەنيەت الاڭىنىڭ جول بويىنداعى شىراقتارى سامالاداي سامسىپ، بالالار دەنە شىنىقتىرۋ اسپاپتارىنا جارماسىپ ويناپ ءجۇر، قارتتار ءبىر شەتتە ولارعا قىزىقتاي قاراپ وتىر. سولتۇستىك قاناتتا كەدەيلەردى سۇيەمەلدەۋ قارجىسىمەن سالىنعان ءبىر قاتارداعى ”10 شاعىن دۇكەننىڭ“ ەسىك الدى مونتازداي تازا، تاعامداردىڭ جاعىمدى ءيىسى اڭقىپ، الۋان ءتۇرلى ءدامدى قۇجىرلار كۇنى بويى قاربالاس جۇمىستا بولعان قىستاق تۇرعىندارىن وزىنە تارتادى. دۇكەننىڭ ەسىك الدىندا جۇلدىزداي جالت - جۇلت ەتكەن شىراقتارعا قوسا شارىقتاعان مۋزيكا اۋەنى اۋىل كەشىنىڭ دۋمانىن اسىرا تۇسەدى.
قالاشىقتاعى مۋشىڭيۋان بيولوگيالىق جانارزات سەرىكتەستىگىنىڭ سەحتارىندا شىراقتار سامالاداي جارقىرايدى، تەحنيكا قىزمەتكەرلەر تۇنگى ۋاقىتتارىنان پايدالانىپ جابدىقتاردى تەكسەرىپ - جوندەپ، كۇتىمدەپ جاتىر. بۇل كاسىپورىن وسى جەردەگى مول سابان - توپاندى، ماقتا ساباعىن، اعاش بۇتاقتارىن، جاراقسىز اعاش ماتەريالدارىن مانەرلەپ بيولوگيالىق تۇيىرشىكتى تازا جانارزاتقا اينالدىرىپ، نەگىزىنەن شيزاڭعا ساتادى، بىلتىر ساتىلىم كىرىسى 18 ميلليون 500 مىڭ يۋانعا جەتىپ، 120دان استام قىستاق تۇرعىنىن جۇمىستاندىردى.
بويلا قىستاعىنىڭ ءبىرىنشى شۋجيى ليۋ حۇڭجيان: جەرگىلىكتى ورىن كاسىپ سالاسى ارقىلى كەدەيلەردى سۇيەمەلدەۋدى كەدەيلىكتەن ارىلتۋدىڭ ءتۇبىرلى شاراسىنا اينالدىرىپ، العاشقى ادىمدا اۋىل - قىستاقتىڭ ءىس جۇزىندىگىنە بارىنشا ۇيلەسەتىن كاسىپ سالاسىندىق ورنالاستىرۋ جاسادى، ”قازىر ۇمتىلۋ كەزەڭى، ءبىز قىستاق تۇرعىندارىن باستاپ كەدەيلىكتەن ارىلتۋدان قامال الۋ شايقاسىنىڭ جەڭىسىنە جوعارى ساپادا قول جەتكىزۋگە سەنىمدىمىز“، - دەدى.
ياركەن اۋدانى ءىشقۇل اۋىلى قوتاندوڭ قىستاعىنىڭ كەشىندە دە ”ادام اياعى سايابىرلامادى“. 6 - ايدىڭ 24 - كۇنى كەشتە قىستاق كوميتەتىندەگى قىستاق تۇرعىندارى كەشكى مەكتەبىندە قىستاقتا تۇراتىن كادرلار اۋىلداستارعا بيىلعى كەدەيلەردى كەدەيلىكتەن ارىلتۋ، كەدەي قىستاقتاردى كەدەيلىك تىزىمدىگىنەن شىعارۋ ءتارتىبى جانە كورىكتى اۋىل - قىستاق اۋلا قۇرىلىسى ورنالاستىرۋلارىن ءتۇسىندىرىپ جاتتى. قىستاق تۇرعىنى ياسىن ياقۇپ ءوزىنىڭ 2019 - جىلدان بەرگى كەدەيلەر يگىلىكتەنگەن كەدەيلىكتەن دالمە - ءدال ارىلتۋ نىساندارى مەن قىستاق الەۋمەتتىك نەگىزدىك قۇرىلعىلار نىسان قۇرىلىسىنىڭ اياق الىسى جونىندە تۇسىنىككە يە بولىپ، ”اڭعارلى جانعا“ اينالعاندىعىن ايتتى.
انادايداعى ءىشقۇل اۋىلدىق ەمحانادا ولشەمدەندىرىلگەن تەكسەرۋ بولمەسىنىڭ، ءدارىحاناسىنىڭ ورتاسى تاپ - تازا، ءار ءتۇرلى ەمدەۋ اسپاپتارى تولىق ەكەن. قىستاق دارىگەرى ابدۇرەيىم داۋۇت كەشكى تاماعىن ءىشىپ بولعان 2 كاريانىڭ قان قىسىمىن ولشەپ، قان قىسىمدارى قالىپتى ەكەندىگىن كورگەن سوڭ، ولارعا تاماقتانۋعا ءمان بەرۋدى قاداعالادى. بۇل ەمحانا ورتالىق پەن اۆتونوميالى رايوندىق قازىنادان كومەككە 100 مىڭ يۋان بەرىلىپ، اۋدان دارەجەلى سايكەستىرىلگەن قارجىدان 40 مىڭ يۋان شىعارىلىپ سالىنعان، اۋىلداستار كۇندەلىكتى تەكسەرىلۋدە، ۇنەمى قولدانىلاتىن ءدارى - دارمەك ساتىپ الۋدا ەندىگارى نەشە ون كيلومەتر جەردەگى اۋدان قالاشىعىنا شاپقىلامايتىن بولدى. ەمدەۋ قىزمەتكەرلەرى تاعى كەدەيلەردى سالاماتتىق ارقىلى سۇيەمەلدەۋ تالابى بويىنشا، ناۋقاس سەبەبىنەن كەدەيلەسكەندەرمەن ىرىقتىلىقپەن ارالاسۋدى كۇشەيتىپ، سالاماتتىق تاربيەسىن تياناقتاندىرىپ، وتباسى شيپاگەرى بايلانىس كارتچكاسىن ءاربىر وتباسىنا تاراتىپ بەردى.
قوتاندوڭ قىستاعىنىڭ ءبىرىنشى شۋجيى رىن يۇڭجىڭ: تۇتاس قىستاقتا اۋىر قيىنشىلىعى بار بۇقاراعا قاراتا، جوبا بەلگىلەپ شايقاس جۇرگىزىپ، ”ەكىدەن تارىقتىرماۋ، ءۇشتى قامتاماسىز ەتۋ“ ولشەمى بويىنشا ءالسىز تۇستاردى، ولقىلىقتاردى تولىقتاپ، نەگىزدىك ەمدەۋ، مىندەتتى وقۋ - اعارتۋ، حاۋىپسىز تۇرعىن ءۇي، حاۋىپسىز اۋىز سۋ، ”بەستى جەتكىزۋ، جەتى بولۋ“ نەگىزدىك قۇرىلعىلارىن قامتاماسىزداندىرۋدى بار كۇشپەن تياناقتاندىرىپ، كەدەيلىكتەن ارىلتۋدان قامال الۋدىڭ تابىسىن بۇقارالاردىڭ وتباسىنا جەتكىزىپ، بۇقارالاردىڭ كوڭىلىنەن شىعامىز، - دەدى.
كەدەيلىكتەن ارىلتۋدان قامال الۋدىڭ جەڭىسىن قارسى الۋ الدىنداعى وڭتۇستىك شينجياڭداعى 4 ايماق - وبلىستىڭ كوپتەگەن اۋىل - قىستاقتارى وسى جەرمەن ۇقساس، كەشتەرى دە تىرشىلىك تىنىسىنا تولىپ، مول باقىتقا شومۋدا.
(شينحۋا اگەنتتىگىنىڭ 6 - ايدىڭ 25 - كۇنى ۇرىمجىدەن بەرگەن حابارى)
