شينجياڭ گازەتىنىڭ حابارى. تاياۋدا اۆتونوميالى رايوندىق پارتكومنىڭ بەكىتۋىمەن، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى شينجياڭ ىلە وزەنى الابىن اشۋ قۇرىلىسىن باسقارۋ مەكەمەسى پارتكومىنىڭ بۇرىنعى مۇشەسى، بۇرىنعى ورىنباسار مەكەمە باستىعى لي پىڭنىڭ تارتىپكە، زاڭعا اۋىر دارەجەدە قايشىلىق جاساۋ ماسەلەسىن دەلو تۇرعىزىپ تەكتەدى، تەكسەردى.
تەكسەرۋ ارقىلى مىنالار انىقتالدى: لي پىڭ مۇرات - سەنىمنەن ايرىلىپ، اۋەلگى ماقساتقا، بورىشقا قايشىلىق جاساپ، پارتياعا ادال بولماي، شىنايى بولماي، ۇيىمنىڭ تەكسەرۋىنە قارسى شىققان؛ ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساپ، جەكە كاسىپ قوجايىندارىنىڭ قوناقاسىن، ساياحاتقا شىعارۋىن قابىلداعان؛ ءوزى تولەۋگە ءتيىستى قاراجاتتى باسقالار تولەگەن، باسقارۋ، قىزمەت وتەۋ وبيەكتىلەرىنە قارىز اقشا بەرۋ ارقىلى مول قارىمجىعا يە بولعان؛ مەملەكەت زاڭى مەن زاڭ ەرەجەلەرىنە قايشىلىق جاساپ، ۇكىمەت اقشاسىن باسقالارعا قارىزعا بەرىپ، ”شاعىن كاسسا“ قۇرعان؛ مىندەتتەگى قولايلىلىقتان پايدالانىپ، مول قازىنا - مۇلىك سۇراپ العان، زاڭسىز العان.
لي پىڭ پارتيانىڭ ساياسي تارتىبىنە، پاكتىك تارتىبىنە اۋىر دارەجەدە قايشىلىق جاساپ، مىندەتتە زاڭعا قايشىلىق جاساۋ ءارى پارا الۋعا شاتىلۋداي اۋىر قىلمىس قالىپتاستىرعان ءارى پارتيانىڭ 18 - قۇرىلتايىنان كەيىن دە تيىلماعان، قولىن تارتپاعان، سيپاتى جيرەنىشتى، زاردابى اۋىر، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى» سياقتىلاردىڭ قاتىستى بەلگىلەمەلەرىنە ساي، اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەتتىڭ ءماجىلىسىن اشىپ اقىلداسۋ ءارى اۆتونوميالى رايوندىق پارتكومعا جولداپ بەكىتتىرۋ ارقىلى لي پىڭعا پارتيادان ايداۋ جازاسىن بەرۋدى؛ اۆتونوميالى رايوندىق باقىلاۋ - تەكسەرۋ كوميتەتى قىزمەتتەن ايداۋ جازاسىن بەرۋدى؛ ونىڭ تارتىپكە، زاڭعا قايشى بارلىق تابىسىن تاركىلەۋدى؛ قىلمىسقا شاتىلعان ماسەلەسىن پروكۋراتۋرا ورگانىنىڭ زاڭ بويىنشا تەكسەرىپ شاعىم ايتۋىنا تاپسىرۋدى، شاتىلعان قازىنا - مۇلىكتەرىن دە دەلومەن بىرگە تاپسىرىپ بەرۋدى ۇيعاردى.
