بيڭتۋان گازەتىنىڭ حابارى ( ٴتىلشى شۇي مين حابارلايدى) ٴتىلشىنىڭ بيڭتۋان اقپارات كەڭسەسى اشقان اقپار جاريالاۋ ماجىلىسىنەن ۇعىسۋىنشا، جۋىق جىلداردان بەرى بيڭتۋان قوسىلىم تەبىنىن ارتتىرىپ، كاسىپتىك وقۋ-اعارتۋدىڭ مەكتەپ شارت-جاعدايىن جاقسارتىپ، قارجىلاي كومەك بەرۋ جۇيەسىن ورناتىپ جانە كەمەلدەندىرىپ، وقۋ تاۋىسقان وقۋشىلاردى جۇمىسقا تانىستىرۋدىڭ تولىق قامتۋىن كۇش سالا ىلگەرىلەتتى. كاسىپتىك وقۋ-اعارتۋدىڭ شىعىس، باتىس بولەك سالالار بويىنشا سەلبەستىگىن ىلگەرىلەتىپ، بيڭتۋاننىڭ ەرەكشە كاسىپتىك وقۋ - اعارتۋ ارقىلى كەدەيلەردى سۇيەمەلدەۋ قىزمەت جۇيەسىن ورناتىپ، بيڭتۋاننىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە ٴبىر جىل بۇرىن قول جەتكىزۋىندە بەلسەندى رول اتقاردى.
مەكتەپ شارت- جاعدايىن جاقسارتىپ، ٴار ۇلت وقۋشىلارىنىڭ كاسىپتىك ٴبىلىم الۋىن كۇش سالا ىلگەرىلەتتى. تاياۋ جىلداردان بەرى، بيڭتۋان وسى زامانعى كاسىپتىك وقۋ - اعارتۋ ساپاسىن جوعارىلاتۋ جوسپارى، ٴوندىرىس پەن وقىتۋدى توعىستىرۋ ينجەنەرياسى، جوعارى ورەلى پراكتيكا بازاسى قۇرىلىسى سياقتى تۇرلەردەن پايدالانىپ، بيڭتۋاننىڭ، وتە-موتە، وڭتۇستىك شينجياڭداعى شى، قالالاردىڭ كاسىپتىك وقۋ - اعارتۋ مەكتەپ شارت-جاعدايىن ۇزدىكسىز جاقسارتتى. ٴتۇرلى شارالاردى قولدانىپ ٴار ۇلت جاستارى مەن وسپىرىمدەرىن مەكتەپكە قابىلدادى، اسىرەسە، اۋىر كەدەي تۋان، الاڭدارداعى ارحيۆ تۇرعىزىلىپ، كارتچكا بەرىلگەن كەدەي وتباسىلارىنىڭ پەرزەنتتەرىن وقۋشى قابىلداۋ كولەمىنە ەنگىزىپ، ولاردىڭ كاسىپتىك ٴبىلىم الۋ ورايىنان يگىلىكتەنۋىنە مۇمكىندىك جاسادى. 2017 ـ جىلدان بەرى، بيڭتۋان ورتا دارەجەلى كاسىپتىك مەكتەپتەرگە 35 مىڭ 400 وقۋشى، جوعارى دارەجەلى كاسىپتىك مەكتەپتەرگە 14 مىڭ 500 وقۋشى قابىلدادى.
قارجىلاي كومەك بەرۋ جۇيەسىن ورناتىپ جانە كەمەلدەندىرىپ، وتباسىندا ەكونوميكالىق قيىنشىلىعى بار وقۋشىلارعا قارجىلاي كومەكتەسۋدىڭ جاپپاي قامتۋىن كۇش سالا ىلگەرىلەتتى. جاقىنعى جىلداردان بەرى بيڭتۋان ورتا دارەجەلى وقۋ – اعارتۋ وقۋ قاراجاتىن كەشىرىم ەتۋ جانە تۇرمىستىق كومەك بەرۋ ساياساتىن تياناقتاندىردى، ورتا دارەجەلى كاسىپتىك مەكتەپتەرىندە وقىپ جاتقان وڭتۇستىك شينجياڭداعى 4 ايماق، وبلىستاعى وقۋشىلار جانە شەكاراداعى تۋان، الاڭداردىڭ وقۋشىلار وقۋ ماتەريالدارى اقىسىن جانە جاتاق اقىسىن كەشىرىم ەتۋ ساياساتىنان يگىلىكتەنىپ، كەشىرىم ەتىلۋگە تيىستىلەرىن مۇمكىندىگىنشە كەشىرىم ەتۋ، تولىقتاۋعا تيىستىلەرىن مۇمكىندىگىنشە تولىقتاۋدى جۇزەگە اسىردى.
جۇمىسقا ورنالاستىرۋدى باعدار ەتۋگە تاباندى بولىپ، وقۋ تاۋىسقان وقۋشىلاردى جۇمىسقا تانىستىرۋدىڭ جاپپاي قامتۋىن كۇش سالا ىلگەرىلەتتى. بيڭتۋان ٴوندىرىس پەن وقىتۋدىڭ توعىسۋىن، مەكتەپ پەن كاسىپورىننىڭ سەلبەستىگىن ۇزدىكسىز تەرەڭدەتىپ، كاسىپتىك وقۋ ـ اعارتۋدىڭ ساپاسىن قۇلشىنا جوعارىلاتىپ، مەحانيزمدى بىرتىندەپ ورناتىپ جانە كەمەلدەندىرىپ، امالياتتىق قابىلەتى مىقتى، كاسىپورىننىڭ قاجەتىنە ۇيلەسەتىن، ” جاقسى وقىعان، شىعار جولى بار “ كاسىپتىك ونەرلى دارىندىلاردى كۇش سالا جەتىلدىردى. سوڭعى جىلداردان بەرى بيڭتۋاننىڭ كاسىپتىك مەكتەپتەردەن وقۋ تاۋىسقان وقۋشىلاردى جۇمىسقا تانىستىرۋ مولشەرى %100 كە جەتىپ، جۇمىسقا ورنالاسۋ مولشەرى ۇزاق ۋاقىت %95تەن جوعارى بولۋدى ساقتادى.
وقۋ-اعارتۋ ارقىلى شينجياڭعا كومەكتەسۋ باسىمدىعىن ساۋلەلەندىرىپ، كاسىپتىك وقۋ-اعارتۋدىڭ شىعىس، باتىس بولەك سالالار بويىنشا سەلبەستىگىنىڭ جاپپاي قامتۋىن كۇش سالا ىلگەرىلەتتى. سوڭعى جىلداردان بەرى بيڭتۋان وقۋ ـ اعارتۋ ارقىلى شينجياڭعا كومەكتەسۋ ورايىنان پايدالانىپ، شىعىس بولەكتەگى ولكە، قالالاردىڭ بيڭتۋاننىڭ كاسىپتىك مەكتەپتەرىنە باعىتتامالى كومەكتەسۋىنىڭ جاپپاي قامتۋىن جۇزەگە اسىردى. شىعىس بولەكتەگى ولكە، قالالار 20 ورتا دارەجەلى كاسىپتىك ۇلگى كورسەتۋ مەكتەبىنە جانە 8 مەملەكەتتىك ۇلگى كورسەتۋ مەكتەبى نەمەسە ” قوس جوعارى مەكتەپ “ مەكتەبىنە كومەك بەرۋگە قاتىناستى. 2017 ـ جىلدان بەرى شىعىس بولەكتەگى ولكە، قالالار جالپى 147 ميلليون يۋان قارجى قوسىپ، جيىنى 30 ۇلگى كورسەتۋ سيپاتىندىق كاسىپتىك ٴتۇيىندى، 11 ناقتى جاتتىعۋ بازاسىن، 14 بولىمشە مەكتەپتى( وقىتۋ ٴتۇيىنى)، 3 كاسىپتىك وقۋ- اعارتۋ توبىن بىرگە قۇردى ؛ ٴمانساپقا ٴىلىپ مىندەت وتەيتىن كادرلار مەن وقىتۋشىلاردان ٴوزارا 134 ادام – رەت جىبەرىپ، كومەكتەسەتىن ولكە، قالالارعا 200 ادامدى ۇيرەنۋگە جىبەردى؛ باعىتتامالى كومەكتەسەتىن ولكە، قالالاردىڭ كاسىپتىك مەكتەپتەرىنىڭ ساپالى بايلىعىنان پايدالانىپ، تاربيەلەۋ نىسانىنان 79 ىن اتقارىپ، جيىنى 13 مىڭ 400 ادام ـ رەت تاربيەلەدى.
اۋدارعان: قادىر ماقان
