التاي - سولتۇستىك جوڭعار 750 كيلوۆولتتىق توك جەتكىزۋ جەلىسى ينجەنەرياسىنىڭ جالپى جەلىسى تۇتاستىرىلدى
شينجياڭنىڭ ەلەكتر قۋاتى ۇلكەن ارناسى ەڭ سولتۇستىك شەتكە دەيىن ۇزارتىلدى
شينجياڭ گازەتىنىڭ جالپىلىق اقپارات قۇرالدارى ءتىلشىسى چىن چياڭۋي 7 - ايدىڭ 18 - كۇنى ۇرىمجىدەن حابارلايدى. 7 - ايدىڭ 18 - كۇنى التاي - سولتۇستىك جوڭعار 750 كيلوۆولتتىق توك جەتكىزۋ جەلىسى ينجەنەرياسىنىڭ جالپى جەلىسى تۇتاستىرىلدى، بۇل شينجياڭ ەلەكتر قۋاتى ۇلكەن ارناسىنىڭ ەڭ سولتۇستىك شەتكە دەيىن ۇزارتىلعاندىعىن كورسەتەدى. اتالعان ينجەنەريانىڭ قۇرىلىسى مەجەمەن بيىل 9 - ايدىڭ سوڭىندا اياقتاپ، پايدالانۋعا بەرىلەدى، 750 كيلوۆولتتىق ەلەكتر تورى بۇكىل شينجياڭدى قامتىپ، رايونىمىزدىڭ ەلەكتر تورى نەگىزگى تور جۇلگەسىنىڭ توكپەن قامداۋ قابىلەتى مەن ەنەرگيا ۇلەستىرۋ قابىلەتى ايتارلىقتاي جوعارىلايدى.
التاي - سولتۇستىك جوڭعار 750 كيلوۆولتتىق توك جەتكىزۋ جەلىسى ينجەنەرياسى قاناس 750 كيلوۆولتتىق كەرنەۋ وزگەرتۋ پۋنكتىنەن باستالىپ، سولتۇستىك جوڭعار 750 كيلوۆولتتىق كەرنەۋ وزگەرتۋ پۋنكتىنە جالعانادى، ينجەنەريا التاي ايماعىنىڭ بۋىرشىن اۋدانىن، جەمەنەي اۋدانىن جانە تارباعاتاي ايماعىنىڭ قوبىقسارى موڭعۇل اۆتونوميالى اۋدانىن باسىپ وتەدى، جالپى ۇزىندىعى 341 كيلومەتر.
التاي ايماعىنىڭ مول جەل ەنەرگياسى جانە كۇن ەنەرگياسى بايلىعى بار، ەلەكترمەن قامداۋداعى تازا ەنەرگيانىڭ ۇلەسى ％94كە جەتەدى.
مەملەكەت ەلەكتر تورى التاي ەلەكترمەن قامداۋ سەرىكتەستىگى بەرگەن ساندى مالىمەتتە كورسەتىلۋىنشە، ”13 - بەسجىلدىق“ كەزىندە التاي ايماعىندا جاڭادان قوسىلعان گەنەراتورلاردىڭ ەلەكتر شىعارۋ سيىمدىلىعى 867 مىڭ كيلوۆات بولعان. 7 - ايدىڭ 18 - كۇنىنە دەيىن، التاي ەلەكتر تورىنداعى گەنەراتورلارىنىڭ سيىمدىلىعى 3 ميلليون 150 مىڭ كيلوۆاتقا جەتكەن، مۇنىڭ ىشىندە جەل ەلەكترى ءبىر ميلليون 410 مىڭ كيلوۆات، سۋ ەلەكترى ءبىر ميلليون 240 مىڭ كيلوۆات، فوتوۆولتتىق ەلەكتر 200 مىڭ كيلوۆات. اشۋ دەڭگەيى مەن سىرتقا جەتكىزۋ قابىلەتى شەكتەۋگە ۇشىراعاندىقتان، اسىپ قالعان ەلەكتر قۋاتى 2 ميلليون 500 مىڭ كيلوۆاتقا جەتىپ، جەرگىلىكتى ورىننىڭ جاراتىلىستىق بايلىعى ”ناق اقشاعا“ اينالا الماي تۇرعان بولاتىن.
2018 - جىلى 9 - ايدا، مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى ءبىر ميلليارد 670 ميلليون يۋان قارجى قوسىپ، التاي - سولتۇستىك جوڭعار 750 كيلوۆولتتىق كەرنەۋ وزگەرتىپ ەلەكتر جەتكىزۋ ينجەنەرياسىنىڭ قۇرىلىسىن باستاپ، التاي ايماعىنىڭ ەلەكتر قۋاتىن سىرتقا جەتكىزۋ قابىلەتىن جالپى بەتتىك جوعارىلاتتى.
التاي - سولتۇستك جوڭعار 750 كيلوۆولتتىق ەلەكتر جەتكىزۋ جەلىسى ينجەنەرياسى رەسمي ىسكە قوسىلعان سوڭ، التاي ەلەكتر تورىنىڭ سىرتقا جەتكىزۋ قابىلەتى 2 ميلليون كيلوۆاتقا كوتەرىلىپ، جەرگىلىكتى ورىنداعى ەلەكتر قۋاتىن سىرتقا جەتكىزۋدىڭ شەكتەۋگە ۇشىراۋ جانە جەل ەنەرگياسىنان باز كەشۋ ماسەلەسىن تۇبەگەيلى شەشەدى.
2010 - جىلدان باستاپ، رايونىمىز ەرەكشە جوعارى كەرنەۋلى ەلەكتر تورى قۇرىلىسىن باستاپ دامىتىپ، 10 جىلدا 750 كيلوۆولتتىق 22 كەرنەۋ وزگەرتۋ پۋنكتىن، 7416 كيلومەتر كەلەتىن 53 ەلەكتر جەتكىزۋ جەلىسىن سالىپ، ”ىشكى جاقتى قامداۋ بويىنشا 4 اينالما جەلىلى، سىرتقا جەتكىزۋ بويىنشا 4 ارنالى“ ەلەكتر جەلىسى جۇلگەسىن قالىپتاستىردى.
