جازعى 3 جۇمىس قاۋىرت ىستەلدى، قۇرىلىس جەدەل جۇرگىزىلدى، قامداۋ قامتاماسىز ەتىلدى
تيانشاننىڭ تۇستىگى مەن تەرىستىگى جىگەرلەنە قايراتتانا العا ۇمتىلۋدا
شينجياڭ گازەتىنىڭ جالپىلىق اقپارات قۇرالدارى تىلشىلەرى
ەگىس مەزگىلىن مىقتى يگەرىپ، جازعى 3 جۇمىستى قاۋىرت ىستەپ، جۇمىس ۋاقىتىن قاۋىرت ورنالاستىرىپ، قۇرىلىستى جەدەلدەتىپ، قامداۋدى قامتاماسىز ەتۋگە، زاتتىق ماتەريالداردىڭ جەتكىلىكتى بولۋىنا كۇش سالدى... بىرنەشە كۇننەن بەرى، رايونىمىزدىڭ جەر - جەرى ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي يگەرۋ العى شارتىندا، ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاپ ىلگەرىلەتىپ، استىق وندىرىسىندە تۇراقتىلىقتى الدىڭعى ورىنعا قويۋدى، ءتۇرلى ينجەنەريالاردى نىق قاداممەن ىلگەرىلەتۋدى، تۇرعىندار تۇرمىسىن تىڭعىلىقتى قامتاماسىز ەتۋدى ورىندادى.
قىزمەت وتەۋدى ەگىنجايعا، اتىز باسىنا جەتكىزدى
قاشقار ايماعى ەگىن، مال شارۋاشىلىعى وندىرىسىندەگى ءتۇيىندى قىزمەتتەردى قاداعالاي وتىرىپ، ءبىر تۇتاس جوسپارلاپ، عىلمي ورنالاستىرىپ، اۋىل شارۋاشىلىعىنان مول ءونىم الۋعا ۇمتىلدى. ”بيىل، قاشقار ايماعىنداعى 3 ميلليون 240 مىڭ مۋلىق دۇمبە ءبيداي تولىق ورىلىپ بولدى، ءبيدايدىڭ جالپى ءتۇسىمى ءبىر ميلليون 423 مىڭ 400 تونناعا جەتىپ، بىلتىرعىدان 123 مىڭ توننا ارتتى. قازىرگە دەيىن، جازعى استىقتان 424 مىڭ 400 توننا ساتىپ الىندى“. 7 - ايدىڭ 18 - كۇنى قاشقار ايماقتىق اۋىل شارۋاشىلىعى، اۋىل - قىستاق مەكەمەسىنىڭ باس اگرونومى لي گۋاڭ تىلشىگە بىلاي دەدى: قاشقار ايماعى 11 ”اۋىل شارۋاشىلىعى، اۋىل - قىستاق، شارۋالار“ جەتەكشىلىك ەتۋ - قىزمەت وتەۋ گرۋپپاسىن جانە 9 ءوندىرىس تەحنيكالارىنان قىزمەت وتەۋ گرۋپپاسىن قۇرىپ، ەگىنجايلارعا، اتىز باستارىنا، ءوندىرىستىڭ ءبىرىنشى شەبىنە بارىپ، اۋىل شارۋاشىلىعى، ورمان شارۋاشىلىعى، مال شارۋاشىلىعى بويىنشا قىزمەت وتەۋ جانە تەحنيكالىق باۋلۋدى ورىستەتىپ، اۋىل شارۋاشىلىعى وندىرىسىندەگى ءتۇرلى قىزمەتتەردىڭ ءساتتى جۇرگىزىلۋىن پارمەندى ىلگەرىلەتتى.
كەزەكتە، بۋىرىلتوعاي اۋدانىنداعى ەگىنشى - مالشىلار ۋاقىتتى مىقتى يگەرىپ، جەم - ءشوپ جيناپ، مالداردىڭ قىستان وتۋىنە ”ازىق“ دايىنداۋدا. 7 - ايدىڭ 16 - كۇنى تاڭ سارىدە، بۋرىلتوعاي اۋدانى كوكاعاش اۋىلى كوكجورعا قىستاعىنىڭ مالشىسى اسانگۇل تورەحاننىڭ جوڭىشقالىق جەرىندە، پارتيا مۇشەسى ەرىكتىلەرى بار كۇشتەرىن سالىپ قاۋىرت جوڭىشقا جيناپ جاتتى. اسانگۇلدىڭ ۇيىندە ەڭبەككۇش كەمشىل بولعاندىقتان، جوڭىشقا شابۋ - جيناۋدا قيىنشىلىققا جولىققان بولاتىن، قىستاقتا تۇراتىن قىزمەت اترەتى، قىستاق كادرلارى جانە پارتيا مۇشەسى ەرىكتىلەرى بىرلەسىپ ونىڭ ۇيىنە كومەككە كەلدى. بۋىرىلتوعاي اۋدانىنداعى ءار دارەجەلى پارتيا ۇيىمدارى ەگىنشى - مالشىلاردى ىندەتتەن ساقتانۋ - تىزگىندەۋدى ويداعىداي ىستەۋگە جەتەكتەۋمەن بىرگە، پارتيا مۇشەلەرىن، كادرلاردى، قىزمەت اترەتىنىڭ مۇشەلەرىن ەگىنجايلارعا، اتىز باستارىنا ىشكەرىلەي بارىپ ”ۇيىرمە ۇيىمداستىرۋ ۇلگىسىندەگى“ قىزمەت وتەۋگە بەلسەنە ۇيىمداستىرىپ، ساياسات جەتكىزىپ، تەحنيكا جەتكىزىپ، قىزمەت وتەۋ جەتكىزىپ، ەگىنشى - مالشىلاردىڭ ەگىن، مال شارۋاشىلىعى ءوندىرىسىن ويداعىداي يگەرۋىنە جاردەمدەستى.
ءوندىرىس، قۇرىلىس قىزۋ دۋمانمەن جۇرىلۋدە
7 - ايدىڭ 18 - كۇنى، كۇيتۇن قالاسىنداعى ساۋداگەر شاقىرىپ، قارجى ەنگىزۋدىڭ جالپى 4 ميلليارد 500 ميلليون يۋان قارجى قوسىلعان ءتۇيىندى نىسان − جاڭا ەنەرگيالى اۆتوموبيل جالپى كاسىپ تىزبەگى ءوندىرىس بازاسىنىڭ قۇرىلىس ورنىندا، جۇمىسشىلار جەكە قورعانۋ - ساقتانۋ جۇمىستارىن ويداعىداي ىستەۋمەن بىرگە، قۇرىلىستى قاۋىرت، قاربالاس جۇرگىزىپ جاتىر ەكەن. اتالعان نىساننىڭ 1 - مەرزىمى وندىرىسكە قوسىلعان سوڭ جىلىنا جاڭا ەنەرگيالى 1000 اۆتوموبيل، 50 ميلليون امپەر - ساعاتتىق تيتان قىشقىلدى قوزعاۋشى كۇش باتەرياسىن ءوندىرىپ، جاڭادان 700 جۇمىس ورنىن ۇسىنا الادى. كۇيتۇن قالاسى قالا قۇرىلىسىنا قارجى قوسۋ توبى شەكتى سەرىكتەستىگىنىڭ باس ينجەنەرى سۇن ان بىلاي دەدى: ”بيىل 4 - ايدا جۇمىس باستاعاننان بەرى، قۇرىلىس جۇرگىزۋشى جاق قۇرىلىس جۇرگىزۋ اياق الىسى جوباسى نەگىزىندە جۇمىس ۋاقىتىن قاۋىرت ورنالاستىرىپ، مىندەتتى دەر كەزىندە ورىنداۋعا كۇش سالدى“.
لوپ اۋدانى سامپۇل قالاشىعى كەدەيلەردى سۇيەمەلدەۋ كاسىپ سالاسى باقشاسىنا ورنالاسقان شينجياڭ پۋلايسىتى تەرى بۇيىمدار شەكتى سەرىكتەستىگىنىڭ ءارقايسى جۇمىس ءتارتىبى سەحىندا، جۇمىسشىلار ءبىرىڭعاي جۇمىس كيىمىن كيىپ، ماسكى تاعىپ، كەسىپ - ءپىشىپ، جيەكتەپ، ىشكى قالتا تىگىپ، تىگىسىن كومكەرىپ، قوراپتالۋىن تەكسەرىپ جاتتى... جۇمىس سەحىنداعى ءوندىرىس قاربالاس كۇيگە ەندى. قازىر لوپ اۋدانى ونەركاسىپ باقشاسىنداعى كاسىپورىندار، 9 اۋىل - قالاشىق كەدەيلەردى سۇيەمەلدەۋ كاسىپ سالاسى باقشاسى، قىستاق اشقان 80 زاۆود تۇگەلدەي قالىپتى ءوندىرىس اينالىمىنا ءتۇسىپ، ىندەتتەن ساقتانۋ مەن ءوندىرىستىڭ ەكەۋىن دە اقساتپاۋدى بار كۇشپەن ورىندادى.
7 - ايدىڭ 18 - كۇنى ءتىلشى ءپايزاۋات اۋدانى قاشقار شينيۋە نان قالاشىعى شەكتى جاۋاپكەرشىلىك سەرىكتەستىگىنەن قاز - قاتار تىزىلگەن توك تونارلاردا نان پىسىرىلىپ جاتقانىن كوردى. جالپى 410 تونارى بار اتالعان سەرىكتەستىكتە قازىر 1200 ناۋباي 3 كەزەك بويىنشا جۇمىس ىستەپ، ءار كۇنى 20 مىڭنان استام ءار ءتۇرلى نان وندىرۋدە. سەرىكتەستىكتىڭ باس ديرەكتورى ما جۇن بىلاي دەدى: ”ءبىز وندىرگەن نان ءپايزاۋات اۋدانىنىڭ كۇندەلىكتى سۇرانىسىن قاناعاتتاندىرۋمەن قويماي، تاپسىرىس بويىنشا ساتىپ الۋ، ينتەرنەتتە ساتۋ سياقتى تاسىلدەرمەن شينجياڭنىڭ ءىشى - سىرتىنا دەيىن ساتىلۋدا“.
وندىرىستىك، تۇرمىستىق زاتتىق ماتەريالدار جەتكىلىكتى قامدالۋدا
7 - ايدىڭ 18 - كۇنى تۇستەن بۇرىن، ءتىلشى سانجى قالاسى حۇيجيا شىدايدىڭ دۇڭفاڭ گۋاڭچاڭ دۇكەنىنەن سورەلەردىڭ تاۋارعا لىق تولعانىن، مول تاۋار تۇرلەرىنىڭ كۇندەلىكتى تۇرمىستىق قاجەتتى قامتىعاندىعىن كوردى. جەمىس - جەيدەكتىڭ، كوكونىستىڭ تۇرلەرى مول، باعاسى تۇراقتى ەكەن. شينجياڭ چيفىڭ اۋىل شارۋاشىلىعى قوسىمشا ونىمدەرى ساۋدا بازارى شەكتى سەرىكتەستىگىنىڭ ورىنباسار باس ديرەكتورى پەي لياڭ بىلاي دەدى: ”تەك 7 - ايدىڭ 17 - كۇنى ساعات 3تەن 16عا دەيىننىڭ وزىندە، بۇل بازاردا 540 توننادان استام كوكونىس، جەمىس - جيدەك ساتىلىپ، ساتىلىم مولشەرى جايشىلىقتاعىمەن قارايلاس بولدى“.
كەزەكتە، رايونىمىزدىڭ جەر - جەرى جەدەل بىرلەسە قيمىلداۋ قىزمەت مەحانيزمىن ورناتىپ، تۇرمىستىق قاجەتتى بۇيىمدارمەن قامداۋدى ارتتىرىپ، ازىق - تۇلىك، كوكونىس سياقتى قاجەتتى بۇيىمداردىڭ ”جاسىل ارناسىن“ سايكەستىرە تياناقتاندىرىپ، تۇرمىستىق زاتتىق ماتەريالدارمەن قامداۋدى قامتاماسىز ەتۋ قىزمەتىن بار كۇشپەن ويداعىداي ىستەدى.
وسى بىرنەشە كۇننەن بەرى، شايار اۋدانى قايلور قالاشىعى قايلور قىستاعىنىڭ تۇرعىنى راحىمان استۇرا ءوز ءۇيىنىڭ 150 مۋلىق ماقتاسىن ءدارى شاشۋمەن، شىرپۋمەن، 28 مۋلىق جاڭعاققا ۇستەمەلەپ تىڭايتقىش بەرىپ، سۋارۋمەن قاربالاس بولىپ ءجۇر. ”قانداي وندىرىستىك زاتتىق ماتەريال كەرەك بولسا، ەسىكتىڭ الدىنداعى اۋىل شارۋاشىلىعى ماتەريالدارى دۇكەنىنەن ساتىپ الا الامىز؛ قانداي تەحنيكالىق قيىن ماسەلەگە جولىقساق، كادرلار مەن تەحنيكتەر ۇيگە كەلىپ شەشىپ بەرەدى“، - دەيدى راحىمان. شايار اۋدانى ماقتا ەگەتىن ءىرى اۋدان، ءتۇرلى حيميالىق تىڭايتقىش، اۋىل شارۋاشىلىعى ماشينالارى سياقتى ءوندىرىس كاسىپورىندارى، اۋىل شارۋاشىلىعى ماتەريالدارىن ساتۋ دۇكەندەرى، اۋىل شارۋاشىلىعى ءوندىرىس ماتەريالدارىنىڭ ساتۋدان كەيىنگى قىزمەت وتەۋ اترەتتەرى سياقتىلار ينتەرنەت جەلىسىندەگى، جەلىدەن تىس جەردەگى ءتۇرلى تاسىلدەرمەن اۋىل شارۋاشىلىعى وندىرىسىنە ويداعىداي قىزمەت وتەدى.
ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا، شونجى اۋدانىنىڭ اۋىل شارۋاشىلىعى ونىمدەرىن سىرتقا تاسىمالداۋ ارناسى ىركىلىسسىزدىگىن ساقتاپ، ءتۇرلى ۇن ونىمدەرى بەيجيڭ، شاڭحاي، سانشي قاتارلى جەرلەرگە ساتىلدى. 7 - ايدىڭ 18 - كۇنى تاڭەرتەڭ، شونجى ۇندارى تولتىرا تيەلگەن بىرنەشە جۇك اۆتوموبيلى شونجى اۋدانى ايكاڭ ازىق - تۇلىك شەكتى سەرىكتەستىگىنىڭ زات قويماسىنان اتتانىپ، سانشي ولكەسىنىڭ تاييۋان قالاسىنا جول تارتتى، مەجەمەن 3 كۇننەن كەيىن بۇل توپتاعى ساپالى ۇندار تاييۋان قالاسىنداعى ءارقايسى ۇلكەن ساۋدا دۇكەندەرىنىڭ سورەلەرىنەن جانە تۇرعىنداردىڭ اس ۇستەلدەرىنەن كورىنەدى. شونجى ايكاڭ ازىق - تۇلىك شەكتى سەرىكتەستىگىنىڭ باس ديرەكتورى جاۋ ليپيڭ بىلاي دەدى: ”بۇل ءبىزدىڭ بيىل ينتەرنەتتەن تاپسىرىس قابىلداعاننان كەيىن جىبەرگەن 3 - توپتاعى ۇندارىمىز“.
(ءتىلشى شيا چيڭ، قاتىناسقان تىلشىلەر گى يوۋجۇن، جاڭ جىلي، جاڭ تيڭ، حان چين - يان، سۇڭ ۋيگو، سۇڭ يا - ۋىن، جازيرا نەسىپبەك، ەرىكتى تىلشىلەر لۇي چيۋشيان، ياڭ ۋىنجاۋ، ۋاڭ ۋي، رىن دۇڭشىڭ، باي يۇنفىڭ، ما شاڭشۋ)
