شينجياڭ گازەتىنىڭ 8 - ايدىڭ 2 - كۇنى ۇرىمجىدەن بەرگەن حابارى. جالپىلىق اقپارات قۇرالدارىنىڭ ءتىلشىسى چىن چياڭۋيدىڭ مەملەكەت ەلەكتر تورابى شينجياڭ ەلەكتر قۋاتى شەكتى سەرىكتەستىگىنەن ۇعىسۋىنشا، جۋىقتا، مەملەكەت ەلەكتر تورابى شينجياڭ ەلەكتر قۋاتى شەكتى سەرىكتەستىگى اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ شينجياڭ ەنەرگيا ينتەرنەتى ۇلكەن ساندى مالىمەت تاجىريبەحاناسىن قۇرۋىنا قوسىلعان جاۋاپ حاتىن تاپسىرىپ الدى.
شينجياڭ ەنەرگيا ينتەرنەتى ۇلكەن ساندى مالىمەت تاجىريبەحاناسىن مەملەكەت ەلەكتر تورابى شينجياڭ ەلەكتر قۋاتى شەكتى سەرىكتەستىگى جاۋاپتى بولىپ قۇرىپ، ۇكىمەت، ەنەرگيا كاسىپورنى، ەنەرگيا كاسىبىنىڭ جوعارى - تومەنگى ساتىسىنداعى كاسىپورىن، جوعارى مەكتەپ، حابارلاسۋ - تاسىمال سەرىكتەستىگى سياقتى نەگىزگى تۇلعالارعا قىزمەت وتەيدى. ”بايلىقتان ورتاق يگىلىكتەنۋ، تەحنيكانى بىرگە زەرتتەۋ، ونىمدەردى بىرگە جاراتۋ، ەكولوگيادان ورتاق يگىلىكتەنۋدى“ پرينسيپ ەتكەن اشىق تاجىريبە تەكشەسى، ءارقايسى مەكەمە ورىنداردىڭ جاڭا تەحنيكانى زەرتتەۋ، ساندى مالىمەتتەردى باسقارۋ، كاسىپتىك اينالىم سياقتى تىرەكتى دارىندىلارىن توپتاپ، اۆتونوميالى رايوننىڭ ەنەرگيا مەن ساندىق تەحنيكاسىنىڭ توعىسۋىن جەدەل ىلگەرىلەتەدى.
كەزەكتە، قازىر بۇل تاجىريبەحانادا العاشقى ۇلكەن ساندى مالىمەت تەكشەسى، بۇلت تەكشەسى، ساندى مالىمەت ورتالىعى، زاتتىق بىرلەستىك باسقارۋ تەكشەسى سياقتى جۇمساق، قاتتى بولشەككە ساياتىن نەگىزدىك ورتا ازىرلەندى.
شينجياڭ ەنەرگيا ينتەرنەتى ۇلكەن ساندى مالىمەت تاجىريبەحاناسى قۇرىلعاننان كەيىن، ەنەرگيا ينتەرنەت قۇرىلىسى مەن سيفرلى جاڭا نەگىزدىك قۇرىلىسىنىڭ شىنايى - كومەسكى قاجەتىن تىعىز ارقاۋ ەتىپ، تاجىريبەحانانىڭ تەحنيكالىق قۋاتى، ساندى مالىمەت بايلىعى، كاسىپ جاعدايى جانە ەكولوگيانى بىرىكتىرۋ ابزالدىلىعىن تولىق ساۋلەلەندىرىپ، ەنەرگيا ينتەرنەتى تەحنيكاسى مەن ساندى مالىمەت تەحنيكاسىن توعىستىرۋدى، جاڭالىق اشۋدى نەگىزگى جەلى ەتىپ، ەنەرگيا ينتەرنەتى ۇلكەن ساندى مالىمەتىندە جاڭالىق جاراتۋ تەكشەسىن قۇرىپ، ۇلكەن ساندى مالىمەت، رايون ـ بولەك تىزبەگى، جاساندى زەردە سياقتى سيفرلى ەكونوميكالىق كورىنىستەردە جاڭالىق اشۋ، قولدانۋ جونىندە بەلسەنە ىزدەنىس جاساپ، ەنەرگيا ينتەرنەتى ۇلكەن ساندى مالىمەت كاسىبىنىڭ كوبەيتۋگە، جالپىلاستىرۋعا بولاتىن جاڭالىق اشۋ ۇلگىسى مىسالدارىن شىعارۋ كەرەك.
مەملەكەت ەلەكتر تورابى شەكتى سەرىكتەستىگىنىڭ ەنەرگيا ينتەرنەتى قۇرىلىسىنىڭ تالابى بويىنشا، قۇرىلىس جوباسىنا ساي، ەنەرگيا ينتەرنەتى ۇلكەن ساندى مالىمەت تاجىريبەحاناسى «14 - بەسجىلدىق» كەزىندە باتىس بولەكتە بىرەگەي ەنەرگيا ينتەرنەتى ۇلكەن ساندى مالىمەتىندە جاڭالىق جاراتۋ تاجىريبە تەكشەسىن قۇرادى.
