شينجياڭ گازەتىنىڭ جالپىلىق اقپارات قۇرالدارى ءتىلشىسى ياۋ گاڭ 8 - ايدىڭ 6 - كۇنى ۇرىمجىدەن حابارلايدى. 8 - ايدىڭ 6 - كۇنى، شينجياڭداعى تۇڭعىش ساياحات تۇرىندەگى جارنا بەلەتى ”باتىس ءوڭىر ساياحاتى“ شىنجىن قور بيرجاسىنىڭ شارۋاشىلىق قۇرۋ تاقتاسىندا بازارعا شىعارىلدى، بۇل ”شينجياڭ ساياحات ءبىرىنشى جارناسىنىڭ“ A جارناسىنا شىعارىلعانىن كورسەتەدى.
وسى رەتتە باتىس ءوڭىر ساياحاتىنىڭ 38 ميلليون 750 مىڭ دانا جارنا بەلەتى تاراتىلدى، مۇنىڭ ىشىندە جاڭا جارنانىڭ 38 ميلليون 750 مىڭ داناسى اشىق تاراتىلدى، ءار داناسىنىڭ تاراتىلۋ باعاسى 7.19 يۋان، جاڭا جارنانىڭ جينالعان قورىنىڭ جالپى سوماسى 279 ميلليون يۋان بولدى، تاراتىلعاننان كەيىنگى جالپى جارنا 155 ميلليون بولدى. باتىس ءوڭىر ساياحاتى بازارعا شىعارىلعان العاشقى كۇنى 8.68 يۋاندىق باعامەن ساتىلىپ، ىلە - شالا ءوسىپ 10.35 يۋانعا بارعان سوڭ بۇعاتتالدى، ءوسۋ مولشەرى ％43.95 بولدى.
باتىس ءوڭىر ساياحاتىنىڭ القا باستىعى ۋ كى - نيان مىنانى ءبىلدىردى: وسى رەتكى A جارناسىنىڭ بازارعا شىعارىلۋىن وراي ەتە وتىرىپ، كاپيتال بازارىنىڭ ۇزدىكسىز قارجى قۇراۋ قابىلەتىن تولىق ساۋلەلەندىرىپ، ساياحاتتىق قىزمەت وتەۋ ورنالاستىرۋىن ۇزدىكسىز ساپالىلاندىرىپ، قىزمەت وتەۋ ساپاسىن بايىتىپ جانە كەمەلدەندىرىپ، سەرىكتەستىكتىڭ ۇزدىكسىز دامۋ قابىلەتىن جوعارىلاتامىز.
2001 - جىلى قۇرىلعان باتىس ءوڭىر ساياحاتىن اشۋ شەكتى جارنا سەرىكتەستىگى، باستىسى، ساياحات بايلىعىن اشىپ شارۋاشىلىق جۇرگىزۋمەن اينالىسادى، كورىنىس وڭىرلەرىن، كورىنىس تۇيىندەرىن اشۋ ارقىلى ساياحاتشىلارعا ساياحاتتىق قىزمەت وتەيدى، بۇلار، باستىسى، ساياحات جولاۋشىلار تاسىمالى، اسقار تاۋ اسپالى جول ساياحاتى، ساياحات كەمەسىمەن سەرۋەندەۋ، اراساندا كوڭىل اشۋ، ساياحات كووپەراتيۆى كاسىبى جانە مادەنيەت كونسەرت قويۋ سياقتىلاردى قامتيدى.
