شينجياڭ گازەتىنىڭ جالپىلىق اقپارات قۇرالدارى ءتىلشىسى ما ينيڭ 8 - ايدىڭ 22 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىنشا، تاياۋدا مەملەكەتتىڭ 6 تاراۋى بىرلەسىپ حابارلاندىرۋ جاريالاپ، زەردەلى فوتوۆولتتىق سىناق تۇيىنىنەن ۇلگى كورسەتەتىن 19 نىساننىڭ، زەردەلى فوتوۆولتتىق سىناق تۇيىنىنەن ۇلگى كورسەتەتىن 19 كاسىپورىننىڭ ءتىزىمىن رەسمي جاريالاعان، شينجياڭنان (بيڭتۋاندى قامتيدى) ءبىر نىسان جانە 2 كاسىپورىن تاڭدالعان، ولار جەكە - جەكە جۇڭحى ىلە شاپشال اۋدانى 735 - زاۆودتىڭ تارالمالى فوتوۆولتتىق ەلەكتر شىعارۋ نىسانى، ەرەكشە ترانسفورماتور شينجياڭ جاڭا ەنەرگيا شەكتى جارنا سەرىكتەستىگى، شينجياڭ داچۋان جاڭا ەنەرگيا شەكتى جارنا سەرىكتەستىگى.
زەردەلى فوتوۆولتتىق ۇلگى كورسەتۋ كاسىپورنى دەگەنىمىز وزىق، تولىسقان زەردەلى فوتوۆولتتىق ونىمدەرمەن، قىزمەت وتەۋمەن، جۇيەلى تۇعىرمەن نەمەسە جالپى تۇلعالىق شەشۋ جوباسىمەن قامدايتىن كاسىپورىن. زەردەلى فوتوۆولتتىق ۇلگى كورسەتۋ نىسانى − قولدانىلمالى زەردەلى فوتوۆولتتىق ونىمدەرىن قامتىعان، ۇلكەن ساندى مالىمەتتى، ينتەرنەتتى جانە جاساندى زەردەنى توعىستىرىپ، تۇتىنۋشىلارعا زەردەلى فوتوۆولتتىق قىزمەت وتەۋمەن قامدايتىن نىسان.
شينجياڭ فوتوۆولتتىق كاسىپ سالاسىنىڭ زەردەلى جاساۋ دەڭگەيىن جەدەل جوعارىلاتىپ، ينتەرنەت، ۇلكەن ساندى مالىمەت، جاساندى زەردە سياقتىلاردى فوتوۆولتتىق كاسىپ سالاسىمەن تەرەڭدەي توعىستىرىپ، فوتوۆولتتىق زەردە، جاڭالىق اشۋ ارقىلى دامۋعا دەم بەرۋدى ىسكە اسىرىپ، فوتوۆولتتىق كاسىپ سالاسىنىڭ الەمدىك قۇن تىزبەگىنىڭ ورتا جوعارى دەڭگەيىنە قادام تاستاۋىن جەبەيدى.
