شينجياڭ گازەتىنىڭ جالپىلىق اقپارات قۇرالدارى ءتىلشىسى جيڭ بو 8 - ايدىڭ 30 - كۇنى ۇرىمجىدەن حابارلايدى. ءۇرىمجى قالاسىنداعى ءىشىنارا رايون - اۋداننىڭ ىندەت حاۋىپ - قاتەر دارەجەسىنىڭ جوعارى، ورتا حاۋىپ - قاتەردەن تومەن حاۋىپ - قاتەرگە رەتتەلۋىنە ىلەسە، ءوندىرىس، تۇرمىس ءتارتىپتى قالپىنا كەلە باستادى. اۆتونوميالى رايوندىق اۋرۋدىڭ الدىن الۋ، تىزگىندەۋ ورتالىعىنىڭ جاڭا تيپتى ايدارشا ۆيرۋس وكپە قابىنۋىنان ساقتانۋ - تىزگىندەۋ ماماندار گرۋپپاسىنىڭ مۇشەسى، اعا شيپاگەر لي فان مىناداي ۇسىنىس بەردى: كاسىپورىندار، ساۋدا سارايلارى جانە ەرەن بازارلار تۇلعالىق جاۋاپكەرشىلىكتى تياناقتاندىرىپ، باسقارۋدى كۇشەيتىپ، ورىنداردى زارارسىزداندىرۋدى جانە تازالىقتى ويداعىداي ىستەۋ، جەكەلەر توپتاسپاۋ، ساقتانۋ - قورعانۋدى جاقسى ىستەۋ كەرەك.
8 - ايدىڭ 30 - كۇنى لي فان تىلشىلىكتى قابىلداعاندا بىلاي دەپ تانىستىردى: كاسىپورىندار جۇمىستى، ءوندىرىستى قالپىنا كەلتىرگەندە، قىزمەت مەحانيزمىن ورناتۋ، تۇلعالىق جاۋاپكەرشىلىكتى تياناقتاندىرۋ، تۇيىق اينالىمدى باسقارۋ جۇرگىزۋ ءتيىس. جۇمىستى قالپىنا كەلتىرۋدەن بۇرىن قىزمەتكەرلەرگە نۋكلەين قىشقىلى تەكسەرۋىن جۇرگىزىپ، قىزمەتكەرلەردىڭ سالاماتتىق ارحيۆىن جاساپ، سالاماتتىعىن ءبىر تۇتاس سارالاپ تەكسەرۋ، جۇمىس ورنىندا ءبىر تۇتاس باسقارۋ، تاماقتانۋعا ءبىر تۇتاس ۇيىمداستىرۋ، جۇمىسقا ءبىر تۇتاس اپارىپ - اكەلۋ كەرەك. ءار كۇنى قىزمەتكەرلەردىڭ دەنە تەمپەراتۋراسىن ولشەپ، ويداعىداي ەستەلىككە الۋ قاجەت. جۇمىس ورىندارىن تازالاپ، زارارسىزداندىرىپ، اۋاسىن الماستىرۋ، ادامداردىڭ توپتاسۋىن ازايتۋ كەرەك. ۇگىتتى، تاربيەنى ارتتىرىپ، جەكەلىك ساقتانۋ - قورعانۋدى كۇشەيتىپ، قىزمەتكەرلەردىڭ تاماشا تازالىق ادەتىن قالىپتاستىرۋىنا مۇمكىندىك جاساۋ كەرەك.
ساۋدا سارايلارى مەن ەرەن بازارلار ءتۇرلى ساقتانۋ - تىزگىندەۋ، توتەپ بەرۋ شارالارىن كەمەلدەندىرىپ، قاتىستى ادامداردىڭ قىزمەت جاۋاپكەرشىلىگىن ايقىنداپ، قىزمەتكەرلەردىڭ ينفورماتسياسىن جيناۋ، نۋكلەين قىشقىلىن تەكسەرۋ، دەنساۋلىق جاعدايىن ۇعىسۋ سياقتىلاردى ويداعىداي ىستەۋ كەرەك. سونىمەن بىرگە، ساۋدا سارايلارىندا ادامداردىڭ دەنە تەمپەراتۋراسىن ولشەپ، الەۋمەتتىك وڭىرلەر مەن قاتىستى قۇرىلعىلاردىڭ تازالىعى مەن زارارسىزداندىرىلۋى قىزمەتىن جاقسى ىستەپ، ادامداردىڭ ايقاسپالى جۇعىمدالۋىنان ساقتانۋ كەرەك. الارمانداردى تارتىپپەن زات ساتىپ الۋعا، ارالىق ساقتاۋعا، توپتاسپاۋعا، ايالداماۋعا جەتەكتەپ، قاۋىرت مەزگىلدەگى الارمانداردىڭ سانىن مەڭگەرۋ كەرەك.
ساۋدا سارايلارى مەن ەرەن بازارلار زات قاينارىن باسقارۋدى كۇشەيتۋ، اسىرەسە، توڭازىتىلعان، مۇزداتىلعان ونىمدەردى، ءسوز جوق، نۋكلەين قىشقىلىن تەكسەرۋدەن وتكىزۋ كەرەك. سونىمەن بىرگە، قىزمەتكەرلەر جۇمىسقا شىققاندا ماسكى تارتۋ، جاس، جاڭا كۇيىندەگى توڭازىتىلعان، مۇزداتىلعان ونىمدەردى ۇستايتىن قىزمەتكەرلەر قولقاپ كيۋ كەرەك.
جەكەلەردىڭ ساقتانۋ - تىزگىندەۋى جونىندە، لي فان مىناداي ۇسىنىس قويدى: ءۇيدىڭ اۋاسىن ءجيى اۋىستىرۋ، تازا ۇستاۋ جانە زارارسىزداندىرۋ، ماسكى تارتۋ، قولدى ءجيى جۋۋ، توپتاسپاۋ، ادامدار شوعىرلانعان ورىنعا بارماۋ كەرەك. كۇز جانە قىس ماۋسىمى تىنىس جولى جۇقپالى اۋرۋلارى كوپ تۋىلاتىن مەزگىل، بالالار، قارتتار، دەنە قۋاتى ءالسىز ادامدار جانە نەگىزدىك اۋرۋى بار ادامدار جونىنەن، اۋا رايىنىڭ وزگەرىسىنە ىلەسە، لايىقتى جەڭىل نەمەسە قالىڭ كيىنىپ، سۋىق وتۋدەن ساقتانۋ، ۇيلەسىمدى تاماقتانىپ، دەمالىسقا كوڭىل ءبولۋ كەرەك. الدىن الا جۇقپالى تۇماۋ ۆاكسيناسىن سالدىرىپ، جۇقپالى تۇماۋ سياقتى تىنىس جولى اۋرۋلارىنان ساقتانۋ كەرەك.
