يقىن بولدى! قالا - قالاشىق نوپوسىنداعى بالالاردىڭ قىستاقتاعى قوراجايلىق جەرگە مۇراگەرلىك ەتۋىنە بولادى
![](http://kazakh.ts.cn/pic/003/520/384/00352038412_02ea060a.jpg)
تابيعي بايلىق مينيسترلىگى تۇرعىن ٴۇي، قالا - اۋىل قۇرىلىسى مينيسترلىگى، حالىق ىستەرى مينيسترلىگى، مەملەكەتتىك قۇپيالىقتى ساقتاۋ مەكەمەسى، ەڭ جوعارى حالىق سوتى مەكەمەسى، اۋىل شارۋاشىلىعى، اۋىل - قىستاق مينيسترلىگى، مەملەكەتتىك باجى باس مەكەمەسىمەن اقىلداسۋ ارقىلى تاياۋدا ” مەملەكەتتىك 13 - كەزەكتى حالىق قۇرىلتايى 3 - ٴماجىلىسىنىڭ 3 - ٴنومىرلى ۇسىنىسىنا “جاۋاپ قايتاردى. اتالعان ۇسىنىستا ورتاعا قويىلعان ” اۋىل - قىستاقتاعى قوراجايلىق جەردەن پايدالانۋ ۇقىعىن تىزىمگە الۋ ماسەلەسى جونىندە “ مىناداي ايقىن جاۋاپ قايتاردى: ديقانداردىڭ قوراجايلىق جەردەن پايدالانۋ ۇقىعىنا قالا - قالاشىق نوپوسىنداعى پەرزەنتتەردىڭ زاڭ بويىنشا مۇراگەرلىك ەتۋىنە ٴارى جىلجىمايتىن مۇلىكتى تىزىمگە الدىرۋىنا بولادى.
جاۋاپتا مىنالار اتاپ كورسەتىلدى: «مۇراگەرلىك زاڭىنداعى» بەلگىلەمەگە ساي، مۇرا قالدىرۋشىنىڭ ٴۇيى ونىڭ مۇراسى رەتىندە قارالىپ، ونىڭ مۇراگەرى مۇراگەرلىك ەتەدى. ٴۇي مەن جەردى ٴبىر تۇلعالاندىرۋ پرينسيبى بويىنشا، مۇراگەر مۇراگەرلىك ەتۋ ارقىلى ٴۇي مەنشىك ۇقىعى مەن قوراجايلىق جەردەن پايدالانۋ ۇقىعىنا يە بولادى، اۋىل - قىستاق قوراجايلىق جەرىنە دەربەس مۇراگەرلىك ەتۋگە بولمايدى.
«جىلجىمايتىن مۇلىكتى تىزىمدەۋدى باسقارۋ ولشەمىندە (سىناق رەتىندە اتقارىلادى)» بىلاي دەپ ايقىن بەلگىلەنگەن: وسى اۋىل - قىستاق كوللەكتيۆتىك شارۋاشىلىق ۇيىمىنىڭ مۇشەسى ەمەستەر (قالا-قالاشىق تۇرعىندارىن قامتيدى) ۇيگە مۇراگەرلىك ەتۋ سەبەبىنەن قوراجايلىق جەردى يەمدەنىپ السا، قاتىستى بەلگىلەمەلەر بويىنشا ۇقىقتى تۇراقتاندىرىپ تىزىمگە الدىرۋ ٴراسىمياتىن وتەپ، جىلجىمايتىن مۇلىكتى تىزىمدەۋ داپتەرى مەن كۋالىكتىڭ قوسىمشا بەتىنە ”بۇل ۇقىقتى ادام وسى ديقاندار كوللەكتيۆ شارۋاشىلىق ۇيىمىنىڭ بۇرىنعى مۇشەسىنىڭ تۇرعىن ٴۇيىنىڭ زاڭدى مۇراگەرى“ دەپ ەسكەرتىپ جازىپ قويسا بولادى.
بۇدان سىرت، جاۋاپتا ”جىلجىمايتىن مۇلىكتى ورتاق مەنشىكتەنۋدى تىزىمگە الۋ“ سياقتى ماسەلەلەرگە دە ايقىن جاۋاپ قايتارىلدى. جاۋاپتا بىلاي دەپ اتاپ كورسەتىلدى: جىلجىمايتىن مۇلىكتى تىزىمگە الۋ قۇرىلىمى ازعانتاي ۇلەسكە ورتاق مەنشىكتەنۋشىلەر سايكەسپەدى دەگەندى سەبەپ ەتىپ، تىزىمگە الۋ ٴراسىمياتىن وتەمەۋ ماسەلەسى اتقارۋ جاعىنداعى ماسەلەگە جاتاتىندىقتان، باقىلاۋ، جەتەكشىلىك ەتۋدى كۇشەيتىپ، زاڭدىق بەلگىلەمەلەردى قاتاڭ تياناقتاندىرىپ، جىلجىمايتىن مۇلىككە ۇقىقتى ادامنىڭ زاڭدى ۇقىق - مۇددەسىن شىنايى قورعايدى.
اۋدارعان: قادىر ماقان