10 مىڭ كيلومەتردەن استام اۋىل - قىستاق تاس جولى جاڭادان سالىندى، وزگەرتىپ سالىندى
رايونىمىز جىلدىق قۇرىلىس مىندەتىن مەرزىمنەن بۇرىن اسىرا ورىندادى
شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ 10 - ايدىڭ 28 - كۇنى ۇرىمجىدەن حابارلايدى. اۆتونوميالى رايوندىق قاتىناس - تاسىمال مەڭگەرمەسىنەن ۇعىسۋىمىزشا، 9 - ايدىڭ سوڭىنا دەيىن رايونىمىز اۋىل - قىستاق تاس جولىنا جيىنى 7 ميلليارد يۋانعا جۋىق قارجى قوسىپ، 10007.47 كيلومەتر اۋىل - قىستاق تاس جولىن جاڭادان سالىپ، وزگەرتىپ سالىپ، جىلدىق قارجى قوسۋ جانە قۇرىلىس مىندەتىن مەرزىمنەن بۇرىن اسىرا ورىنداعان.
بيىل رايونىمىز اۋىل - قىستاق تاس جول قۇرىلىسىنا جيىنى 5 ميلليارد 500 ميلليون يۋان قارجى قوسۋدى، جاڭادان سالىناتىن، وزگەرتىپ سالىناتىن اۋىل - قىستاق تاس جولىنىڭ ۇزىندىعىن 10 مىڭ كيلومەترگە جەتكىزۋدى جوسپارلاپ، كۇشىنەن قالدىرىلىپ قوسىلعان 86 قۇرىلىمدىق قىستاقتىڭ جولىن اسفالتتاندىرۋدى، 347 كيلومەتر اۋدان - اۋىل جولىنىڭ دارەجەسىن ءوسىرىپ وزگەرتىپ سالۋدى، 200 كيلومەتر تار نەگىزگى جول تاعانىن كەڭەيتىپ وزگەرتىپ سالۋدى ءتۇيىندى ىلگەرىلەتەدى، سونداي - اق 1200 كيلومەترلىك مەملەكەت مەنشىگىندەگى ورمان الاڭى جولىن، 9313 كيلومەترلىك ءومىردى قورعاۋ حاۋىپسىز ينجەنەريالىق قۇرىلىسى مەن 25 قاتەرلى كوپىردى وزگەرتىپ سالادى.
تۇتاس جىلدىق اۋىل - قىستاق تاس جولى قۇرىلىسى مىندەتىن ورىنداۋعا شىنايى كەپىلدىك ەتۋ ءۇشىن، اۆتونوميالى رايوندىق قاتىناس - تاسىمال مەڭگەرمەسى قارجى جوسپارىن الدىن الا ءتۇسىرىپ، سالىنىپ جاتقان قۇرىلىستاردى يگەرىپ، جاڭادان سالىناتىندارىن جەبەپ، رايونعا، دارەجەگە ءبولىپ، دالمە - ءدال شارا قولدانىپ، نىسانداردىڭ ىلگەرىلەۋىن ورنىقتى، ءتارتىپتى ىلگەرىلەتتى. ءار دارەجەلى قاتىناس - تاسىمال تاراۋلارى ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن ويداعىداي ىستەۋ العى شارتىندا، جوبا بەلگىلەپ شايقاس جۇرگىزىپ، قۇرىلىس مەرزىمىن مىقتى يگەرىپ، ءتۇرلى نىسانداردىڭ ءساتتى ورىندالۋىنا شىنايى كەپىلدىك ەتتى.
كەلەسى قادامدا، رايونىمىز اۋىل - قىستاق تاس جولى نىسان قۇرىلىستارىن ۇزدىكسىز جەدەلدەتىپ، تۇلعالىق ينجەنەريالاردى مۇمكىندىكتىڭ بارىنشا كوبىرەك ورىندايدى؛ ”14 - بەسجىلدىقتا“ اۋىل - قىستاق تاس جولى ساياساتتارىن زەرتتەۋ سياقتى قىزمەتتەردى الدىن الا ويداعىداي ورنالاستىرىپ، جايعاستىرىپ اتقارىپ، «اۆتونوميالى رايوننىڭ ”14 - بەسجىلدىقتا“ اۋىل - قىستاق تاس جولىن دامىتۋ جوباسىن» كەمەلدەندىرۋدى جەدەلدەتىپ، جوبانى جەتەكشى ەتىپ، ”4تە جاقسى اۋىل - قىستاق تاس جولىن“ جوعارى ساپالى دامىتۋدى ىلگەرىلەتەدى.
ۇعىسۋعا قاراعاندا، 2019 - جىلدىڭ سوڭىنا دەيىن، رايونىمىزدىڭ اۋىل - قىستاق تاس جولىنىڭ جالپى ۇزىندىعى 133 مىڭ 100 كيلومەترگە (بيڭتۋاندى قامتىمايدى) جەتىپ، ”12 - بەسجىلدىقتىڭ“ سوڭىنداعىدان 16 مىڭ كيلومەتر ارتىپ، بارلىق اۋىل - قالاشىقتا جانە شارت - جاعدايى تولىمدى قۇرىلىمدىق قىستاقتاردا جولدى %100 اسفالتتاندىرۋ نىساناسىن ىسكە اسىرىپ، اۋىل - قىستاق وڭىرلەرىنىڭ قاتىناس ورتاسىن بارىنشا جاقسارتقان.