شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ شياۋيان 10 - ايدىڭ 28 - كۇنى ۇرىمجىدەن حابارلايدى. ”تۋان - الاڭىمىز بۇرىن بيڭتۋانداعى اۋىر كەدەي تۋان - الاڭى بولاتىن، 2019 - جىلدىڭ سوڭىندا كەدەيلىكتەن ارىلعاننان كەيىن، مەن كومەكتەسۋ - سۇيەمەلدەۋ بولماسا، بۇرىنعى كۇيگە قايتا ءتۇسىپ قالارمىز با دەپ الاڭداعان ەدىم. قازىر تۋان - الاڭى مەنىڭ شارۋاشىلىق قۇرۋ باقشاسىندا جۇمىستانۋىما كومەكتەسۋمەن قاتار، كۇيەۋىمە دە الەۋمەتتىك يگىلىك سيپاتتى جۇمىس ورنىن تاۋىپ بەردى، الاڭداۋىمنىڭ باسى ارتىق ەكەن“، - دەدى 10 - ايدىڭ 26 - كۇنى بيڭتۋان 3 - شىسى 44 - تۋان 18 - ليانىنىڭ كەدەيلىكتەن ارىلعان قىزمەتكەرى زايليگۇل وبۇل تەلەفوندا تىلشىگە.
جۋىق جىلداردان بەرى بيڭتۋان پارتكومى تۇتاس بيڭتۋاننىڭ كۇشىن ىسكە قوسىپ، بۇكىل بيڭتۋاننىڭ اقىل - پاراساتىن شوعىرلاندىرىپ، كەدەيلىكتەن ارىلتۋدان قامال الۋ شايقاسىندا جەڭىسكە جەتۋگە بار كۇشىن سالدى. 2019 - جىلدىڭ سوڭىنا دەيىن بيڭتۋان كەدەي تۋان - الاڭدارىنىڭ ءبارىنىڭ كەدەيلىك قالپاعىن الۋ، كەدەي ليان - دۇيلەردىڭ ءبارىن كەدەيلىك قاتارىنان شىعارۋ، كەدەي حالىقتىڭ ءبارىن كەدەيلىكتەن ارىلتۋ نىساناسىن جۇزەگە اسىردى.
كەدەيلىكتەن ارىلتۋ جەتىستىكتەرىن ۇزدىكسىز بەكەمدەۋ، جوعارىلاتۋ ءۇشىن، بيىل بيڭتۋان كەدەيلىكتەن ورنىقتى ارىلتۋدىڭ باياندى مەحانيزمىن اناعۇرلىم اقاۋسىزداندىرىپ، كەمەلدەندىرىپ، كومەكتەسۋ - سۇيەمەلدەۋدە بوساڭسىماۋدان جازباي، 16 شايقاستى قاداعالاۋ گرۋپپاسىن ۇيىمداستىرىپ ”ەكىدەن تارىقتىرماۋ، ءۇشتى قامتاماسىز ەتۋ“ قىزمەتىنىڭ تياناقتاندىرىلۋ جاعدايى، جۇمىستانۋ جاعدايى، تومەنگى شەكتەن تۇسىرمەي قامتاماسىز ەتۋ جاعدايى، حالىققا تيىمدىلىك جاساۋ ساياساتتارىنىڭ تياناقتاندىرىلۋ جاعدايى جانە ماسەلەنى رەتتەۋ - تۇزەتۋ جاعدايى سياقتى جاقتاردان 2017 - جىلى ارحيۆ تۇرعىزىلىپ، كارتچكالاندىرىلىپ، دالمە - ءدال پارىقتاندىرىلعان كەدەي حالىق بار 28 تۋان - الاڭدا شايقاستى قاداعالاپ، ۇستىندە كومەكتەسىپ - سۇيەمەلدەپ، جەتەكشىلىك ەتتى. سونىمەن بىرگە، بيڭتۋانداعى ءار دارەجەلى ورىن كاسىپ سالاسى ارقىلى كەدەيلەردى سۇيەمەلدەۋدى ىشكەرىلەي ىلگەرىلەتىپ، جاڭاشا تيجارات تۇلعالارى كەدەيلەرمەن بىرلەسىپ قيمىلداپ داميتىن مۇددە بايلانىسقان مەحانيزمدى اناعۇرلىم اقاۋسىزداندىرىپ، كەمەلدەندىرىپ، قىزمەتكەرلەردىڭ، بۇقارانىڭ جۇمىستانىپ، كىرىسىن ارتتىرۋىن جەبەدى، اسىرەسە، 4 اۋىر كەدەي تۋان - الاڭىندا، بيڭتۋاننىڭ كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ ءارقايسى مۇشە ورىندارى قىزمەت شارالارىن اشالاپ، بيڭتۋاننىڭ كەدەيلىكتەن ارىلتۋدان قامال الۋ جوباسى جۇيەسىن قالىپتاستىردى. بۇدان سىرت، بيڭتۋان كەدەيلەردى سۇيەمەلدەۋ قارجىسىنىڭ ۇسىنىلىم سەرپىنىن دە كۇشەيتىپ، قازىناداعى كەدەيلەردى سۇيەمەلدەۋ قارجىسىنىڭ ％44.7ىن كەدەيلەردى سۇيەمەلدەۋ كاسىپ سالاسى نىساندارىنا جۇمسادى.
بيىل بيڭتۋان پارتكومى تاعى نەگىزگى ساتىداعى كادرلاردىڭ ساپاسىن زور كۇشپەن ءوسىرىپ، نەگىزگى ساتىداعى باستاماشىلاردىڭ قۇرىلىمى ساپالى بولماۋ، ساپاسى جوعارى بولماۋ سياقتى كەدەي تۋان - الاڭداردىڭ دامۋىنا تۇساۋ بولعان ماسەلەلەردى شەشتى. العاشقى جارتى جىلدا بيڭتۋانداعى ءار دارەجەلى ورىن كەدەيلەردى سۇيەمەلدەۋ كادرلارىنان جيىنى 8000 ادام - رەت تاربيەلەپ، لياندا (قىستاقتا) تۇرۋعا جاڭادان تاڭداپ جىبەرىلگەن جانە جاڭادان مىندەتكە تاعايىندالعان نەگىزگى ساتىداعى كەدەيلەردى سۇيەمەلدەۋ كادرلارىن كەزەكتەستىرىپ تاربيەلەۋدىڭ جاپپاي قامتۋىن جۇزەگە اسىردى.
