تيانشان تورى حابارى (ءتىلشى حۋاڭ شيڭ حابارلايدى) CBA بىرلەسپە جارىسىنىڭ بەس كەزەگى اياقتادى. لياۋنيڭ كومانداسى، جىجياڭ كومانداسى، جيلين كومانداسى جەڭىستەرىن جالعاستىرىپ كەلەدى. تانىمالى مىقتىلار شينجياڭ كومانداسى، گۋاڭدۇڭ كومانداسى جانە بەيجيڭ كومانداسى قاتارلىلار جالىندى ءارى قارپىمدى چيڭداۋ كومانداسىنىڭ سوڭىندا. سىرتقى كومەك ساياساتىنىڭ رەتتەلۋىنە ىلەسە، جەرگىلىكتى باسكەتبولشىلاردىڭ قازىر ءارقايسى كوماندالارداعى ورنى بارعان سايىن ماڭىزدى بولىپ كەلەدى. جاڭا جارىس ماۋسىمىنداعى جارىس الاڭىندا، شينجياڭ ەرلەر باسكەتبول كومانداسىنان شىققاندار جانە تانىلعان جاس سايلاۋىتتار جارىستا تىڭ كوزگە تۇسەر تۇيىندەر اكەلدى. شىراليجان، يۇي چاڭدۇڭ، لي گىن، قىرانبەك، حۋ ميڭشۋان، حۋ جينچيۋ، جاۋىنگەر قاتارلىلاردىڭ بارلىعى وزدەرىنىڭ كوماندالارىنا ومىرشەڭدىك كۇش سيلادى.
جاڭا فەيحۋ بىرىككەن قوس ءدۇزدى سەمسەرى
قايتا قۇرۋداعى شينجياڭ فەيحۋ قازىر 4 جەڭىس، ءبىر جەڭىلىسپەن ناتيجەسى ۋاقىتشا 5- ورىندا ەدى، بۇل جوۋ چي، تاڭ سايۇي، زىڭ ليڭشۇي، ٴۇي دىحاۋ قاتارلى باسكەتبولشىلاردىڭ ءوز رولدارىن ورنىقتى ساۋلەلەندىرۋىمەن تىعىز قاتىستى، مۇنىڭ ىشىندە، جوۋ چي مەن تاڭ سايۇي بۇل كومانداداعى شابۋىل مەن قورعانىستا بايقاتقان بەينەسى ەڭ ورنىقتى باسكەتبولشىلار.
جۋىقتاعى بىرنەشە ايدا، جوۋ چي سپورتتىق قابىلەت جاتتىقتىرۋشىنىڭ سەرىك بولۋىندا، بۇلشىق ەتتى كۇشەيتۋ جاتتىعۋىن جۇيەلى ىستەدى. بۇلشىق ەت بارعان سايىن كۇشەيۋمەن بىرگە، قولدىڭ تۇيسىگى دە ءسال ىقپالعا ۇشىرايدى. سولاي بولسا دا، جوۋ چي ءالى دە ءاربىر مايداندا 24.8 ورتاشا ءنومىر، 14.4 گار دوپ الۋ جانە 3.4 رەت شابۋىلعا كومەك بەرۋ بارىندە شەبەر بەينەسىن ساقتاپ كەلەدى. ول جاس فەيحۋ باسكەتبولشىلارىنىڭ تىرەگى ، جاس باسكەتبولشىلار ونىڭ دەمەۋىندە، كاسىپتىك بىرلەسكەن جارىستىڭ نوسەرلى داۋىلىنىڭ وتكەلىن باستان كەشىرۋدە.
اعا فەيحۋ ءار سالانىڭ شەبەرى
فەيحۋدىڭ كونە كوماندا باستىعى قىرانبەك وسى جارىس ماۋسىمىندا شاڭحاي ەرلەر باسكەتبول كومانداسىنا اۋىسىپ باردى، قازىر، قىرانبەك ءار مايداندا 9.6 ورتاشا ءنومىر، 3.2 گار دوپ الىپ جانە 1.4 شابۋىلعا كومەك كورسەتكەنىمەن، الايدا %44تىك ءۇش نومىرلىك دوپ كىرگىزۋ سالىستىرماسىنان، ونىڭ بۇل كومانداعى ماڭىزدى ورنىن اڭعارۋعا بولادى.
ءار مايداندا 15.6 ورتاشا ءنومىر، 5،0 گار دوپ الىپ جانە 5.6 شابۋىلعا كومەك كورسەتكەن شىراليجان قازىر تۇڭشي كومانداسىنىڭ ۇيتقىسى، ءنومىر الۋ، قورعانىس، شابۋىلدى ۇيىمداستىرۋ، كوماندا سەرىكتەستەرىن جىگەرلەندىرۋدە اعا باسكەتبولشى شىراليجاننىڭ ۇستىنە ارقالاعان جاۋاپكەرشىلىگى شينجياڭ كومانداسىنداعى كەزىنەن از ەمەس، تۇڭشي كومانداسى ونىڭ ىقپالىندا، ستيلى كۇشتى كومانداعا اينالدى، ءار مايداندا ورتاشا 21 رەت اعات جىبەرەتىن تۇڭشي كومانداسى باسەكەلىك قۋاتى بار كوماندا بولۋىنا ءالى تالاي جول جاتقانىمەن، الايدا بۇل كوماندا جەدەل جەتىلىپ كەلە جاتىر.
مۇنان سىرت، شينجياڭ تارباعاتايدان كەلگەن جاۋىنگەردە تۇڭشي كومانداسىنىڭ ىشكى شەبىنىڭ ماڭىزدى مۇشەسىنە اينالدى، CUBAدەن كەلگەن داشۋە ستۋدەنتى دە ءوزىنىڭ كاسىپتىك باسكەتبول جاڭا ساپارىن باستادى.
شينجياڭ ۇلاندارى وزدەرىن تانىتتى
ءار مايداندا ورتاشا ەسەپپەن 24.5 ءنومىر، 12.5 گار دوپ الىپ، %71 تىك دوپ كىرگىزۋ سالىستىرماسىمەن، شينجياڭ كورلالىق ازامات حۋ جينچيۋ گۋاڭشا كومانداسىنىڭ ماڭىزدى تىرەگىنە اينالدى، سۇن ميڭحۇي ەكەۋىنىڭ جارىس باستالعاننان قازىرگە دەيىنگى بايقاتقان بەينەلەرى توتەنشە ورنىقتى بولدى، حۋ جينچيۋدىڭ ۋنيۆەرسال ساندى مالىمەتى قازىر جوۋ چي مەن ۋاڭ جىلينگە جاقىن، ال، ول ىشكى شەپتە تىكەلەي قارسىلاسۋعا باتىل، ەگەردە سايكەسۋ قابلەتى مەن سىرتقى شەپتەن شابۋىل جاساۋ امالى ءتىپتى دە كوپ بولسا، ول بولاشاقتاعى جۇڭگو ەرلەر باسكەتبول كومانداسىنىڭ ىشكى شەبىنىڭ ورنىن يەلەۋگە سالاۋاتى ابدەن تولادى.
