شينحۋا اگەنتتىگىنىڭ تىلشىلەرى جاڭ جۇڭكاي، ديڭ لەي
قىستىڭ العاشقى ىزعارىندا، بەيجيڭنىڭ قاقتاما ۇيرەك دۇكەنىندە ءدامدى تاعامداردان ءلاززاتتانعانىڭىزدا، 4000 كيلومەتر شالعايداعى شينجياڭ حوتاننان كەلگەن ءدامدى تاتقان بولۋىڭىز مۇمكىن.
كوپتەگەن جەرگىلىكتى بۇقارا بۇدان بۇرىن ۇيرەك اتاۋلىنى كورمەگەن ەدى، ال بۇل ارادا جۇڭگوداعى ەكىنشى ۇلكەن بەيجيڭ ٴتورت اتا جۇيەسىنەن بۋدانداستىرىپ شىعارعان ۇيرەك ءوسىرۋ باعىمشىلىق بازاسى قۇرىلدى، حوتاننان شىققان نەشە مىڭ توننادان استام ۇيرەك لوپ اۋدانىنان بەيجيڭ، شاڭحاي، جىجياڭ قاتارلى جەرلەرگە جەتكىزىلدى.
وسى بەيجيڭ ٴتورت اتا جۇيەسىنەن بۋدانداستىرىپ شىعارعان ۇيرەگى لوپ اۋدانىنىڭ بەيجيڭ ونەركاسىپ باقشا رايونىنداعى ليتيان شياڭنۇڭ ازىق - تۇلىك شەكتى جاۋاپكەرشىلىك سەرىكتەستىگىنەن اكەلىنگەن، مۇنىڭ ىشىندە اسىل تۇقىمدى ۇيرەكتى بەيجيڭ جينشيڭ ۇيرەك شارۋاشىلىعى سەرىكتەستىگى قامداعان. جەرگىلىكتى ورىننىڭ كاسىپ سالاسى ارقىلى كەدەيلەردى سۇيەمەلدەۋ نىساندارىنىڭ ءبىرى رەتىندە، ليتيان شياڭنۇڭ سەرىكتەستىگى اسىل تۇقىمدى ۇيرەك باعىمشىلىعى، ەتتى ۇيرەك جەتىلدىرۋ، جەم مانەرلەۋ، سويىپ مانەرلەۋ، سۋىق كۇيىندە زات جەتكىزۋ سياقتى بۋىنداردى شينجياڭداعى ەڭ كەدەي وڭىرلەرىنىڭ بىرىنە تامىر تارتقىزدى، مىسالى، بيىل سويعان ۇيرەك سانى 20 ميلليونعا جەتتى.
لوپ اۋدانى سامپۇل قالاشىعى بوستانكول قىستاعىنداعى كۇرەسكەرلەر ءۇي قۇستارى باعىمشىلىعى شارۋالار كاسىپتىك سەلبەستىك كووپەراتيۆىندە، قاڭق - قاڭق ەتكەن ۇيرەك داۋىسى تولاستامادى. 25 جاستاعى ”ۇيرەك باعۋشى“ ابىلەت رەجەپ ۇيرەكتەرگە جەم - ءشوپ تولىقتاۋمەن قاربالاس. ارحيۆ تۇرعىزىلىپ، كارتچكا بەرىلگەن كەدەي وتباسى بولعان ول وسىدان بۇرىن ەگىنشىلىكپەن شۇعىلداناتىن، بىلتىر 9 ـ ايدا سەلبەستىك كووپەراتيۆىنە كەلگەن. كاسىپتىك قىزمەتكەرلەردىڭ باۋلۋىندا تەز ارادا ىسكە كىرىسىپ، قازىرگى ايلىق كىرىسى 3000 يۋانعا تايادى.
الداعى بولاشاقتا، ”ءشول دالانىڭ شۇرەگەيى“ ماركالى جەلىلەس پىسقان ۇيرەك ەتى ونىمدەرى لوپ اۋدانىنان بۇكىل ەلدىڭ جەر - جەرىنە جەتكىزىلىپ، ءتىپتى دە كوپ قوناقتارعا حوتان ۇيرەگىنىڭ ءدامىن تاتقىزادى.
