شينحۋا اگەنتتىگىنىڭ 12 - ايدىڭ 23 - كۇنى شيامىننەن بەرگەن حابارى. (ءتىلشى فۋ مين حابارلايدى) 2020 جۇڭگو جاساندى زەردە جوعارى دارەجەلىلەر تالقى مىنبەرى جانە جۇڭگو جاساندى زەردە ءىرى جارىسىنىڭ تابىسىن جاريالاۋ ءماجىلىسى 12 - ايدىڭ 23 - كۇنى شيامىندە وتكىزىلدى. تالقى مىنبەرىندە جۇڭگو ونەركاسىپ جانە ينفورماتسيالاندىرۋ مينيسترلىگىنىڭ ورىنباسار باستىعى ليۋ لەحۇڭ بىلاي دەپ تانىستىردى، بيىل 11 - ايعا دەيىن، ەلىمىز جالپى 718 مىڭ 5G بازالىق ستانسياسىن قۇرىپ شىعىپ، جاساندى زەردەنىڭ تاۋسىلماس ساندى مالىمەتتەرىنىڭ جەتىلۋى مەن تاسىمالىنا بەرىك تىرەك ازىرلەدى.
”14 - بەسجىلدىق“ جوسپار مەن 2035 - جىلعا دەيىنگى ۇزاق بولاشاقتىق ماقساتتار مەن ۇسىنىستاردا نتەرنەتتىڭ، ءىرى ساندى مالىمەتتىڭ، جاساندى زەردەنىڭ ءار قايسى كاسىپ سالالارىمەن ىشكەرىلەي توعىسۋىن ىلگەرىلەتىپ، وزىق وندىرىستىك شارۋاشىلىقتاردى شوعىرلاندىرىپ دامىتۋدى ىلگەرىلەتۋ كەرەك دەگەندى ايقىن ورتاعا قويدى.
ليۋ ليەحۇڭ بىلاي دەدى، جاساندى زەردە،5G جانە ونەر كاسىپتىك ينتەرنەتتى توعىسپالى دامىتۋ كەرەك. قازىر ەلىمىزدىڭ جاساندى زەردە وزەكتى كاسىپ سالاسىنىڭ كولەمى 100 مييليارد يۋاننان، كاسىپورىن سانى 2600دەن اسىپ، كاسىپ سالاسى ءۇرتىس مولايۋدا؛ قازىر ەلىمىزدە قولدانعان ساندى مالىمەتتەر ورتالىعى تۇلعا سانىنىڭ جالپى كولەمى 4 ميلليونعا تاياپ، تاياۋعى 5 جىلداعى ورتاشا ءوسۋ قارقىنى %30تەن استى؛ ءىرى تيپتەن جوعارى ساندى مالىمەتتەر ورتالىعى 250دەن اسىپ، كاسىپ سالاسىنىڭ سيفرلانۋعا وزگەرۋىنە، زەردەلىلەنىپ، دارەجەسىنىڭ جوعارىلاۋىنا بەرىك ساندى مالىمەتتىك نەگىز ازىرلەدى.