تيانشان تورى   ›   جاڭالىقتار   ›   شينجياڭ حابارلارى

2021 - جىلعى كوكتەم مەرەكەسى كەزىندەگى تاسىمال پويەز بەلەتى 12 - ايدىڭ 30 - كۇنىنەن باستاپ ساتىلادى

شينجياڭ تەمىر جولى كوپ ٴتۇرلى شارا قولدانىپ، ٴجۇرىس - تۇرىسقا كەپىلدىك ەتەدى

   تيانشان تورى حابارى. (ٴتىلشى ساۋ حۋا، ەرىكتى ٴتىلشى شۇي تاۋ حابارلايدى) 12 – ايدىڭ 29 – كۇنى ٴتىلشىنىڭ جۇڭگو تەمىر جولى ٴۇرىمجى مەكەمەسى توبى شەكتى سەرىكتەستىگىنەن ۇعىسۋىنشا، 2021 – جىلعى تەمىر جول كوكتەم مەرەكەسى كەزىندەگى تاسىمالى 1 – ايدىڭ 28 – كۇنىنەن باستالىپ، 3 – ايدىڭ 8 – كۇنى اياقتايدى، جيىنى 40 كۇن. پويەز بەلەتىن ۋاعىنان 30 كۇن بۇرىن ساتۋ ورنالاستىرۋىنا ساي، تەمىر جول تاراۋلارى 2020 – جىلى 12 – ايدىڭ 30 – كۇنىنەن باستاپ 2021 – جىلعى كوكتەم مەرەكەسى كەزىندەگى تاسىمال پويەز بەلەتىن ساتۋدى باستايدى.

   تانىستىرۋعا قاراعاندا، شينجياڭ تەمىر جولى تاراۋلارى قىس پەن كوكتەم ماۋسىمدارىنداعى ىندەتتەن ساقتانۋ – تىزگىندەۋ جانە كوكتەم مەرەكەسى كەزىندەگى تاسىمال قىزمەتىن ۇيىمداستىرۋدى ٴبىر تۇتاس جوسپارلاۋدى ويداعىداي ىستەپ، بەلەت ساتىپ الۋعا قىزمەت وتەۋ شارالارىندا ۇزدىكسىز جاڭالىق اشىپ، جولاۋشىلاردىڭ بەلەت ساتىپ الۋ اسەرىن جوعارىلاتادى ەكەن. قىس پەن كوكتەم ماۋسىمىنداعى ۇدايىلانعان ىندەتتەن ساقتانۋ – تىزگىندەۋ تالابىن جاپپاي دايەكتىلەندىرىپ، بەلەت ساتۋدان باستاپ مىقتى يگەرىپ، كەزەكشى پويەزداردا ادام ارتىپ كەتۋ مولشەرىن قاتاڭ تىزگىندەپ، قىزۋى ورلەگەن جولاۋشىلاردى اۋاشالاۋ ورنىن قالدىرىپ، قىزۋى ورلەگەن جولاۋشىلاردى دەر كەزىندە تاپسىرىپ بەرىپ، جولاۋشىلاردىڭ حاۋىپسىز ساپارلاۋىنا كەپىلدىك ەتەدى ەكەن.

   شينجياڭ تەمىر جولى كوكتەم مەرەكەسى كەزىندەگى تاسىمال قىزمەتىن ويداعىداي ىستەۋ ٴۇشىن، شينجياڭ تەمىر جول تاراۋلارى مەملەكەتتىك تەمىر جولدىڭ ٴبىر تۇتاس ورنالاستىرۋىنا ساي، 5 ٴتۇرلى قىزمەت وتەۋ شاراسىن قاتار قولدانىپ، جولاۋشىلاردىڭ بەلەت ساتىپ الۋ، پويەزگە وتىرۋ سياقتى ٴجۇرىس – تۇرىس قاجەتىن قامتاماسىزداندىرادى. 5 ٴتۇرلى شارا جەكە – جەكە مىنالار:

   تەمىر جول 12306 تور بەكەتىنىڭ بەلەت ساتۋ قىزمەت وتەۋ ۋاقىتىن ۇزارتىپ، ٴار كۇنى ساعات 6دان 23كە دەيىنگى ۋاقىتتى ٴار كۇنى ساعات 5تەن 23تەن 30 مينۋتقا ىلگەرىلەتەدى؛

   12306 تور بەكەتى مەن جەلىدەن تىس تەرەزەدە بەلەت وزگەرتۋ ەرەجەسىن قاتار جۇرگىزىپ، پويەزگە وتىراتىن سول كۇنى ساعات 24تەن بۇرىن جەلىدە باسقا كەزەكشى پويەز بەلەتىنە وزگەرتۋگە دە بولادى. جەلىدە بەلەت قايتارۋ كاسىبىن ٴبىتىرۋ ۋاقىتى تاۋلىك بويى 24 ساعاتقا دەيىن ۇزارتىلدى، سونىمەن بىرگە بەلەت قايتارۋدىڭ اياقتاۋ ۋاقىتى پويەز جۇرۋدەن بۇرىن 25 مينۋتتان پويەزگە شىعىپ، پويەز ٴجۇرۋدىڭ الدىنا رەتتەلدى؛

  ناق اقشامەن بەلەت ساتىپ العان جانە ەسەپتەن كوتەرۋ كۋالىكتەرى كۇشىنەن قالدىرىلعان جولاۋشىلار الدىمەن 12306 تور بەكەتىندە بەلەت قايتارۋ ٴراسىمياتىن وتەپ، 180 كۇن ىشىندە بۇكىل مەملەكەتتىڭ ٴارقانداي ٴبىر ۆوكزالىنان بەلەت قايتارۋ اقشاسىن الۋىنا بولادى؛

  ۆوكزالداردىڭ اۆتوماتتى بەلەت ساتۋ جابدىقتارىنا بەلەت قايتارۋ فۋنكتسياسى جاڭادان قوسىلىپ، ەلەكتروندى تولەۋ ٴتاسىلى قولدانعان ٴارى ەسەپتەن كوتەرۋ قاعاز كۋالىكتەرىنە الماستىرماعان جولاۋشىلاردىڭ بەلەت قايتارۋ قاجەتى قاناعاتتاندىرىلادى؛

  تەرەزەدە بەلەت ساتۋعا، اۆتوماتتى جابدىقتا بەلەت ساتۋعا قىزمەتكەرلەر جەتەكتەۋدە تاباندى بولىپ، بارلىق قىزمەتكەرلەر تەرەزەسىندە تۇگەلدەي ناق اقشامەن بەلەت ساتىپ الۋدى جەبەپ، قارتتار قاۋىمىنىڭ بەلەت ساتىپ الۋىنا قىزمەت وتەۋ قامتاماسىزداندىرىلادى. 12306 جۇيەسى 60 جاستان اسقان قارت جولاۋشىلاردى اۆتوماتتى پارىقتايدى ٴارى استىڭعى توسەكتى الدىنالا ورنالاستىرادى.

اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • پىشەن شابىلدى
  • چارقىلىق - نيە جوعارى جىلدامدىقتى تاس جول ينجەنەرياسى اياقتادى
  • قاعىر تاۋلار جاسىل جەلەك جامىلىپ، قونىستانۋعا جايلى، كىرىستى ارتتىرۋعا ىڭعايلى بولدى
  • قىشى اتىزىندا جەدەل باپتاۋ جۇرگىزىلۋدە