ءتىلشىنىڭ اۆتونوميالى رايوندىق مادەنيەت جانە ساياحات قىزمەتى ماجىلىسىنەن ۇعىسۋىنشا، بىلتىر تۇتاس شينجياڭ 158 ميلليون ادام - رەت ساياحاتشى قابىلداپ، ساياحات كىرىسى 99 ميلليارد 212 ميلليون يۋان بولعان.
بىلتىر، تۇتاس شينجياڭنىڭ ءارقايسى جەرلەرى ىندەتتەن ساقتانۋ - تىزگىندەۋ قىزمەتىن ۇدايىلاندىرۋ العى شارتىندا، بەلسەنە ىسكەرلىك كورسەتىپ، جەلىدەگى ۇگىت تەبىنىن ۇزدىكسىز كۇشەيتىپ، ”شينجياڭعا كەلۋ“ ”دۇنيە ءجۇزىنىڭ كوركەمدىگىنىڭ ءبارى شينجياڭدا“ سياقتى جەلىلەس ۇگىت قيمىلىن ورىستەتتى، قىسقا بەينە ەكران، جاي تىكە تاراتىلىم سياقتى ۇگىت تاسىلدەرى ارقىلى شينجياڭنىڭ ساياحات بايلىعىن تانىستىردى؛ ”ءۇش قيىنشىلىق، ءبىر كەدەرگى“ ماسەلەسىن شەشۋ ءۇشىن (اۆتوكولىك توقتاتۋ قيىن، ماي قۇيۋ قيىن، دارەتكە وتىرۋ قيىن، بايلانىس جاساۋ سيگنالى ناشار)، ءارقايسى جەر قۇرىلعىلار قۇرىلىسىن ۇزدىكسىز كۇشەيتىپ، ساياحات شارۋاشىلىعىنىڭ جوعارى ساپالى دامۋىن ىلگەرىلەتتى؛ ءارقايسى ايماق، وبلىس، قالالاردىڭ مادەنيەت جانە ساياحات تاراۋلارى شينجياڭعا باعىتتامالى كومەكتەسەتىن ولكە، قالالارمەن بەلسەنە قىزمەت ۇشتاستىرىپ، ساياحات جالداما ۇشاعى مەن ارناۋلى پويەزدى كوبەيتىپ، ساياحاتشىلاردى شينجياڭعا باستادى؛ ”شينجياڭدىقتار شينجياڭدا ساياحاتتاۋ“ باس تاقىرىبىن ارقاۋ ەتىپ، ءارقايسى جەر باي مازمۇندى مادەنيەت جانە ساياحات قيمىلىن وتكىزىپ، كورىنىس ءوڭىرى، كورىنىس ءتۇيىنىنىڭ ەسىك بەلەتىن ارزانداتۋ، كەشىرىم ەتۋ، تۇتىنۋ تيىمدىلىك بەلەتى سىندى ساياساتتاردى شىعارىپ ساياحاتشىلاردى باۋرادى.
ساياحات كاسىپورىندارىنىڭ قيىنشىلىقتارىن شەشۋگە كومەكتەسۋ ءۇشىن، اۆتونوميالى رايوننىڭ ساياحات شارۋاشىلىعىن دامىتۋ باسشىلىق گرۋپپاسى «ىندەتتەن كەيىنگى رايونىمىزدىڭ ساياحات شارۋاشىلىعىن قالپىنا كەلتىرۋدى، دامىتۋدى جەبەۋ شارالارىن» شىعارىپ، جارنامالىق ساۋدا - ساتتىق، قىزمەت وتەۋ دەڭگەيىن ءوسىرۋ، كاسىپورىن كومەكتەسىپ، سۇيەمەلدەۋ، شارۋاشىلىق فورماسىنان جاڭالىق اشۋ، زەردەلى ساياحات سياقتى جاقتاردان 16 شارانى ءبىر رەتتە شىعاردى. سونىمەن بىرگە، اۆتونوميالى رايوندىق مادەنيەت جانە ساياحات مەڭگەرمەسى مادەنيەت جانە ساياحات تاراۋلارىنىڭ ساياحات شارۋاشىلىعى جۇمىسىن، ءوندىرىسىن قالپىنا كەلتىرۋدى ىلگەرىلەتۋگە قاتىستى ساياساتتارىن بەلسەنە تياناقتاندىرىپ، ساياحات مەكەمەلەرىنىڭ ساياحاتتىق قىزمەت وتەۋ ساپاسى كەپىلدىك اقشاسىن ۋاقىتشا قايتارىپ، ساياحات مەكەمەلەرىنىڭ تيجارات قيىنشىلىعىن شەشۋىنە قولداۋ كورسەتتى.
