جۇرەك - مي قان تامىر اۋرۋلارى ورتا جاستاعىلار مەن قارتتاردىڭ دەنساۋلىعىنا حاۋىپ توندىرەتىن ەڭ ٴىرى جەندەت. جۇرەك - مي قان تامىر اۋرۋلارىنىڭ %80ى قان تامىر ىشىندە قان ۇيىعى قالىپتاسقاندىعىنان تۋىلاتىنىن بىلەسىز بە؟ قان ۇيىعى ”جانسىز جەندەت“، ”جاسىرىن جەندەت“ دەپ تە اتالادى.
قاتىستى ماتەريالدارداعى ساناققا قاراعاندا، قان ۇيىعى سيپاتتى اۋرۋدان قازا بولعاندار بۇكىل جەر شارىنداعى جالپى قازا بولعان ادامدار سانىنىڭ %51ىن ۇستاپ، وسپەدەن تۋىلعان ولىمنەن دە الدە قايدا اسىپ تۇسكەن.
مىسالى، ايدارشا ارتەريا قان ۇيىعى جۇرەك بۇلشىق ەتىنىڭ ٴتۇيىلۋىن تۋىرادى، مي ارتەرياسىنىڭ قان ۇيىعى ميدىڭ ٴولۋىن (ميعا قان قۇيىلۋدى) تۋدىرۋى مۇمكىن، ال اياق ارتەرياسىنىڭ قان ۇيىعى اياقتىڭ ٴشىرۋ قاتەرىن تۋىرادى، بۇيرەك ارتەرياسىنىڭ قان ۇيىعى نەسەپپەن ۋلانۋدى تۋدىرۋى مۇمكىن، كوز استى ارتەرياسىنىڭ قان ۇيىعى كوزدىڭ سوقىر بولۋ قاتەرىن ارتتىرادى، اياقتىڭ تەرەڭ ۆەناسىنداعى قان ۇيىعىنىڭ كوشۋى وكپەنىڭ تىعىندالۋىن (تۇتقيىل ٴولۋدى) تۋىرادى.
قان ۇيىعىنىڭ قالىپتاسۋى مەديتسيناداعى ۇلكەن تاقىرىپ بولىپ، كوپتەگەن مەديتسينالىق ادىستەر قان ۇيىعىنىڭ قالىپتاسۋىنىڭ الدىن الادى، ال كۇندەلىكتى ازىقتىقتاعى قىزاناق قان ۇيىعىنىڭ قالىپتاسۋىنىڭ الدىن الۋعا پايدالى. بۇل ماڭىزدى ٴبىلىمدى كوپشىلىكتىڭ بىلگەنى ٴجون: ٴبىر زەرتتەۋدە ٴبىر ۇلەس قىزاناق شىرىنى قاننىڭ جابىسقاقتىعىن %70 تومەندەتەتىنىن، ونىڭ ۇستىنە قاننىڭ جابىسقاقتىعىن تومەندەتۋ رولىنىڭ 18 ساعات ساقتالاتىندىعى بايقالعان؛ تاعى ٴبىر زەرتتەۋدە قىزاناق ۇرىعىنىڭ توڭىرەگىندەگى سارعىش جاسىل ٴتۇستى جەلىم ٴتارىزدى زاتتىڭ قان تاباقشاسىنىڭ ۇيۋىن تومەندەتىپ، قان ۇيىعىنان ساقتانۋ رولى بار بولىپ، ٴار 4 قىزاناقتىڭ ىشىندەگى جەلىم ٴتارىزدى زات قان تاباقشاسىنىڭ اكتيۆتىگىن %72 تومەندەتەتىنى بايقالعان.
تومەندە كوپشىلىككە تاعى قاراپايىم دا وڭاي جاساۋعا بولاتىن قىزاناقتىڭ قان ۇيىعىنا قارسى ەكى ٴتۇرلى تاماق كورسەتپەسىن تانىستىرامىز، ادەتتە جاساساق، ٴوزىمىز بەن وتباسىمىزداعىلاردىڭ جۇرەك - مي قان تامىرلارىنىڭ اقاۋسىزدىعىن قورعايدى:
ءبىرىنشى جاساۋ ٴتاسىلى: قىزاناق شىرىنى
پىسقان قىزاناق 2 تال + ٴزايتۇن مايى ٴبىر قالاق + بال 2 قالاق + از مولشەردە سۋ ارالاستىرىپ شىرىنىن دايارلايمىز (ەكى ادامدىق).
ەسكەرتۋ: ٴزايتۇن مايى دا قان ۇيىعىنا قارسى تۇرادى، ەكى كۇشتى بىرىككەندە ٴونىمى ٴتىپتى دە جاقسى بولادى.
ەكىنشى جاساۋ ٴتاسىلى: قىزاناق، پياز جۇمىرتقا قۋىرماشى
قىزاناق پەن پيازدى تۋراپ، ازىراق ماي قۇيىپ، ازىراق شالا قۋىرىپ ٴسۇزىپ الامىز. قازانعا ماي قۇيىپ جۇمىرتقانى قۋىرىپ، نەگىزىنەن پىسقاندا قۋىرىلعان پاميدور مەن پيازدى قوسىپ، دامدەندىرگىش قوسساق بولعانى.
ەسكەرتۋ: پياز دا قان تاباقشاسىنىڭ ۇيۋىنا قارسى تۇرىپ، قان ۇيىعىنا توتەپ بەرەدى، پاميدور + پياز سىندى ەكى كۇشتى بىرلەسسە، ٴونىمى ٴتىپتى دە جاقسى بولادى.
ماقالاسىن جازعان: داي گۋاڭچياڭ (مەديتسينالىق دەنساۋلىق ساقتاۋ مامانى)
اۋدارعان: قادىر ماقان
