تيانشان تورى - شينجياڭ گازەتىنىڭ حابارى (ٴتىلشى شيە حۇيبيان، ەرىكتى ٴتىلشى جوۋ حايشيا حابارلايدى). المۇرت باقشاسىنا بارىپ، جەمىس ەگەتىن شارۋالارعا اتىز باسىندا جەتەكشىلىك ەتتى، قىستاق كوميتەتىندە اقىسىز دياگنوز قويۋ قيمىلىن وتكىزدى ... 3 – ايدىڭ 12 ـ كۇنى، اۆتونوميالى رايونىمىزدىڭ عىلىم جالپىلاستىرۋ جاپپالى اۆتوكولىكتەرىنىڭ بىرلەسكەن ارەكەتى كورلا قالاسىندا باستالدى، بۇكىل شينجياڭنىڭ جەر ـ جەرىنەن كەلگەن اۋىل شارۋاشىلىق ماماندارى، ەمدەۋ ماماندارى قاتارلىلار بايىنعولين موڭعۇل اۆتونوميالى وبلىسىنىڭ 4 اۋدان، ٴبىر قالاسىنداعى 10 اۋىل ـ قالاشىققا بارىپ، جەرگىلىكتى ورىنداعى ەگىنشى ـ مالشىلارعا ”تاعىلىم بەرىپ، تاجىريبە تانىستىرۋ“ قيمىلىن ورىستەتتى.
اۆتونوميالى رايوندىق عىلىم ـ تەحنيكا قوعامىنىڭ 1 ـ دارەجەلى شارلاۋشىسى مي نيڭ بىلاي دەدى: كوكتەمگى ەگىس جۇمىسىنىڭ ٴدال كەزىندە اۆتونوميالى رايون، وبلىس، اۋدان، قالالاردىڭ عىلىم جالپىلاستىرۋ جاپپالى اۆتوكولىكتەرىنىڭ بىرلەسكەن ارەكەتىن ورىستەتۋ، سونداي ـ اق اۆتونوميالى رايونداعى مامانداردى عىلىم جالپىلاستىرۋ قيمىلىن ورىستەتۋگە سايكەسۋگە ۇيىمداستىرۋ ارقىلى اۆتوكولىكتەردەگى كورمە بۇيىمدارىنىڭ الۋان تۇرلىلىگىن، قيمىل ٴتاسىلىنىڭ كوپ نەگىزدىلىگىن جۇزەگە اسىرۋمەن بىرگە، عىلىم جالپىلاستىرۋ جاپپالى اۆتوكولىكتەرىنىڭ عىلىم جالپىلاستىرۋ ”سايلاۋىت اتتى اسكەرلەرى“ مەن ”جىلجىمالى عىلىم ـ تەحنيكا سارايلارىنىڭ“ اناعۇرلىم زور رول اتقارۋىن ىلگەرىلەتەدى، سونىمەن بىرگە، جەرگىلىكتى ورىنداعى اۋىل ـ قىستاق عىلىم جالپىلاستىرۋ سارايلارىنا سۇيەنىپ، عىلىم جالپىلاستىرۋ بايلىعىنان ورتاق يگىلىكتەنۋدى جۇزەگە اسىرىپ، اۋىل ـ قىستاقتاردىڭ گۇلدەنۋىنە دەم بەرەدى.
الداعى جەردە اۆتونوميالى رايوننىڭ ٴار سالاسىنان كەلگەن ماماندار ەگىنشى ـ مالشىلارعا المۇرت ەگۋ، مال باعىمشىلىعى سياقتى ارناۋلى تاقىرىپتىق تاربيەلەۋ جۇرگىزەدى، سونىمەن بىرگە جەرگىلىكتى اۋرۋ، جۇقپالى اۋرۋ سياقتىلاردان ساقتانۋ جانە ەمدەۋ بىلىمدەرى تاربيەسىن جۇرگىزەدى، ٴارى ەگىنشى ـ مالشىلارعا اقىسىز دياگنوز قويادى.
”ماماندار ماعان عىلمي باعىمشىلىقتى ۇيرەتتى، ءارى ءجون كورسەتتى. مامانداردىڭ جەتەكشىلىگىندە ولشەمدەنگەن ەگىمشىلىك پەن باعىمشىلىقتى ۇيرەندىم، بۇدان بىلاي تۇرمىسىمنىڭ بارعان سايىن جاقساراتىندىعىنا سەنەمىن“، ـ دەدى كورلا قالاسى قوسارىق اۋىلى سايلىق قىستاعىنىڭ تۇرعىنى نياز سىمايىل.
عىلىم جالپىلاستىرۋ جاپپالى اۆتوكولىكتەرىنىڭ بىرلەسكەن ارەكەتى تۇتاس جىلعا جالعاسادى. 2022 ـ جىلى شينجياڭ بويىنشا 121 عىلىم جالپىلاستىرۋ جاپپالى اۆتوكولىگى 14 ايماق، وبلىس، قالانى، 96 اۋداندى (قالا، رايون) جاپپاي قامتىپ، تۇتاس جىلدا ٴاربىر اۆتوكولىكتىڭ ىسكە قوسىلۋ ۋاقىتى 120 كۇننەن تومەن بولمايدى، جيىنى 40 مىڭ رەتكە جۋىق قيمىل ورىستەتىلەدى.
اۋىل – قىستاقتى گۇلدەندىرۋگە دەم بەرۋ ٴۇشىن، ”14 ـ بەسجىلدىق“ كەزىندە اۆتونوميالى رايوندىق عىلىم ـ تەحنيكا قوعامى اۋىل ـ قىستاقتى كوركەيتۋگە دەم بەرەتىن 100 ماماندار قىزمەت وتەۋ ۇيىرمەسىن دە قۇرىپ، حوتان ايماعى، قاشقار ايماعى، قىزىلسۋ قىرعىز اۆتونوميالى وبلىسى سياقتى جەرلەرگە بارىپ ەگىمشىلىك، باعىمشىلىق تەحنيكاسى جانە ەلەكتروندىق ساۋدا بىلىمدەرى تاربيەسىن ورىستەتىپ، ەگىنشى ـ مالشىلاردىڭ كىرىسىن ارتتىرىپ، اۋقاتتانۋىنا كومەكتەسەدى.
اۋدارعان: قادىر ماقان
