كۇز كۇندەرىندە ەلىمىزدىڭ ەڭ ءىرى ماقتا ءوندىرۋ بازاسى شينجياڭ كەڭ كولەمدە ماقتا تەرۋ، جيناۋ مەزگىلىنە ءوتتى، ءىرى تۇرپاتتى ماشينالار تيانشان الابىنداعى ماقتا القاپتارىندا قاۋىرت جۇمىس جۇرگىزدى.

وڭتۇستىك جانە سولتۇستىك شينجياڭدا كليمات پەن ماقتانىڭ سورتى ۇقسامايتىندىقتان، شينجياڭدا ماقتا جيناۋ نەگىزىنەن ”سولتۇستىكتەن وڭتۇستىككە قاراي“ءتارتىپ بويىنشا جۇرگىزىلەدى.

بيىل قۇتىبي اۋدانىنىڭ جالپى 750 مىڭ مۋ جەرىنە ماقتا ەگىلىپ، قازىر جاپپاي جيىن - تەرىن مەزگىلىنە ءوتتى، سونداي ـ اق جيىن - تەرىن جۇمىسىن تۇگەلدەي ماشينالاسۋدى جۇزەگە اسىردى، جەرگىلىكتى ورىن ماقتا جيناۋ ماشينالارىن بەلسەنە ۇيىمداستىرىپ، ماقتاشىلارعا كومەكتەسىپ ماقتا جيناستى.

سوڭعى جىلدارى، سانجى قالاسى مەملەكەتتىڭ اۋىل شارۋاشىلىعى ماشينالارىن ساتىپ الۋ قوسىمشا قاراجاتى ساياساتىنىڭ جەتەكشىلىك رولىن تولىق ساۋلەلەندىرىپ، اۋىل شارۋاشىلىق كاسىپ سالاسىنىڭ جابدىق قۇرىلىمىن بەلسەنە ساپالىلاندىرىپ، ءىرى، ورتا تۇرپاتتى تراكتور، وسىمدىك جامىلعىلارىن قورعاۋ ۇشقىش اپپاراتى، اۋىل شارۋاشىلىعىندا جەردى تەرەڭ قوپسىتۋدى زەردەلى باقىلاۋ - ولشەۋ قۇرىلعىسى سياقتى اۋىل شارۋاشىلىق جابدىقتارىن ەنگىزىپ، ماقتا كاسىپ سالاسىنىڭ تۇتاس بارىسىن ماشينالاندىرۋدى پارمەندى جەبەدى.

تارباعاتاي ايماعى ساۋان قالاسى ليۋماۋۋان قالاشىعىنىڭ 142 مىڭ مۋ جەرىندەگى ماقتا ىركەس - تىركەس جيىن - تەرىن مەزگىلىنە ءوتتى. ماقتاشىلار جاقسى اۋا رايىن قولدان جىبەرمەي جاڭا ماقتالاردى بەلسەندى جيىپ - تەرىپ، بىردە - بىرەۋىن قالدىرماي قامبالادى.