وسىزاماندانۋدى كوزدەپ، رەفورمانى تاعى دا تەرەڭدەتەيىك

ەرەكشە ٴدارى ـ دارمەكتەردى پايدالانۋدى ەستەلىككە الدىرۋدى ەڭ تەز بولعاندا جارتى كۇندە ورىنداۋعا بولادى

انار بۇلت \ شينجياڭ گازەتىنىڭ ٴتىلشىسى رىن چۇنشياڭ 8 ـ ايدىڭ 12 ـ كۇنى ۇرىمجىدەن حابارلايدى. 8 ـ ايدىڭ 7 ـ كۇنى ساعات 13تە شينجياڭ مەديتسينا داشۋەسىنە قاراستى 1 ـ شيپاحانانىڭ تىنىس جولى اۋرۋلارى ٴبولىمى امبولاتورياسىندا 60 جاستاعى ناۋقاس ياڭ شۋفاڭ تىنىس جولى اۋرۋلارى ٴبولىمىنىڭ مامانى شيا يۇيدىڭ ەمدەۋ بولمەسىنە بارىپ رەتسەپ جازدىردى. ”ساعات 11دەن اسقاندا شيپاگەر ماعان شيپاحانانىڭ ەمدەۋدى قامسىزداندىرۋ تەرەزەسىنەن ەرەكشە ٴدارى ـ دارمەك پايدالانۋدى ەستەلىككە الۋعا ٴوتىنىش ەتۋدى تاپسىردى، قازىر ەستەلىككە الۋدان ٴوتتى، وتە تەز ەكەن“، ـ دەدى ياڭ شۋفاڭ جايراڭداپ.

ٴبىر ولشەم 90 مىڭ جاراقسىز مۇناي قۇبىرىن ”ٴتىرىلتتى“

انار بۇلت \ شينجياڭ گازەتىنىڭ ٴتىلشىسى يۇي جياڭيان، ەرىكتى ٴتىلشى حوۋ شياۋپىڭ 8 ـ ايدىڭ 11 ـ كۇنى كورلادان حابارلايدى. 8 ـ ايدىڭ 10 ـ كۇنى بايىنعولين وبلىسى حۇڭيۋان مۇناي جابدىق ـ ماتەريالدار شەكتى سەرىكتەستىگىنىڭ سىزات تەكسەرۋ جەلىسىندە گاڭگاڭ جاڭالىق اشۋ قىزمەت كەڭسەسىنىڭ مۇشەلەرى مەن اتالعان كاسىپورىننىڭ قىزمەتكەرلەرى قايتارىپ اكەلىنگەن 686 جاراقسىز، كونەرگەن مۇناي قۇبىرىنا جاڭا ولشەم بويىنشا قايتادان تۇجىرىم جاساپ، اراسىنان جوندەپ قايتا پايدالانۋعا كەلەتىن مۇناي قۇبىرىن تاڭداپ شىقتى.

شينجياڭنىڭ ەرەكشە ٴدارى ـ دارمەك كاسىپ سالاسى جاڭالىق اشا دامۋدىڭ جاڭا كەزەڭىنە ٴوتتى

انار بۇلت \ شينجياڭ گازەتىنىڭ ٴتىلشىسى ياڭ شۋحان 8 ـ ايدىڭ 10 ـ كۇنى ۇرىمجىدەن حابارلايدى. تاياۋدا ىلە چۋاننيڭ بيولوگيالىق تەحنيكا جارنا شەكتى سەرىكتەستىگى مەملەكەتتىك ٴدارى ـ دارمەك باقىلاۋ ـ باسقارۋ مەكەمەسى تەكسەرىپ ماقۇلداپ تاراتقان حيميالىق شيكىزات ٴدارى ”شيۇڭچۇيياڭدانسۋان“ جونىندەگى «حيميالىق شيكىزات ٴدارىسىن بازارعا شىعارۋ ٴوتىنىشىن بەكىتۋ حابارلاندىرۋىن» تاپسىرىپ الدى، بۇل رايونىمىزدىڭ تۇڭعىش بيولوگيالىق سينتەزدىك حيميالىق شيكىزات ٴدارىسىنىڭ مەملەكەتتىڭ تىركەۋگە الدىرۋ رۇقساتىن الۋى.

شينجياڭ تەمىر جول جۇك تاسىمالى جەتكىزىپ بەرۋ ۇلگىسىندەگى تاسىمالدى جۇزەگە اسىردى

انار بۇلت \ شينجياڭ گازەتىنىڭ ٴتىلشىسى لۋ فىڭباۋ 8 ـ ايدىڭ 9 ـ كۇنى ۇرىمجىدەن حابارلايدى. جۇڭگو تەمىر جولى ٴۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، 8 ـ ايدىڭ 7 ـ كۇنى كەشتە، تولتىرا كومىر تيەگەن 86463 ـ كەزەكشى جۇك پويەزىنىڭ شىحىزى ۆوگزالىنا ٴدال ۋاعىندا جەتۋىنە ساي، شينجياڭ تەمىر جولىنىڭ ”جولاۋشىلار پويەزى ۇلگىسىندەگى“ كومىردى اينالمالى تاسيتىن پويەزى كۇنىنە ورتا ەسەپپەن 25 جۇپقا جەتىپ، ۇدايى قاتىناۋدى جۇزەگە اسىرعان. جۇك پويەزىنىڭ ”جولاۋشىلار پويەزى ۇلگىسىندە“ قاتىناۋى شينجياڭنىڭ تەمىر جول تاسىمالى ۇلگىسىندە تۋىلعان جاڭا وزگەرىس.

شينجياڭداعى تۇڭعىش! كورلا المۇرتىنىڭ ٴبىر ماركاسى شياڭگاڭنىڭ جوعارى ساپالى ”正“ تاڭبالى انىقتاماسىنا يە بولدى

انار بۇلت \ شينجياڭ گازەتىنىڭ ٴتىلشىسى سو رۇڭجى 8 ـ ايدىڭ 8 ـ كۇنى ۇرىمجىدەن حابارلايدى. 8 ـ ايدىڭ 6 ـ كۇنى شينجياڭ كورلا المۇرتى كاسىپ سالاسىن دامىتۋ شەكتى سەرىكتەستىگىنىڭ ”كونچى الابى“ ساۋدا ماركاسىنداعى كورلا المۇرتىنىڭ ەرەكشە دارەجەلى جەمىسى شينجياڭداعى تۇڭعىش شياڭگاڭنىڭ جوعارى ساپالى ”正“ تاڭبالى انىقتاما كۋالىگىنە يە بولدى، بۇل كورلا المۇرتىنىڭ شياڭگاڭعا، ٴتىپتى، حالىقارالىق جوعارى دەڭگەيدەگى بازارعا كىرۋ ”جول كۋالىگىن“ العاندىعىن ايگىلەدى.

جەر استى كولىك توقتاتۋ الاڭىنا تۇسە بەرە ”حابارسىز قالۋ“ اۋرەسى شەشىلدى

ٴسىز دە جەر استىنا تۇسە بەرە ”حابارسىز قالۋ“، ليفتكە شىقسا بولعانى ”تور ٴۇزىلۋ“، سىندى ”حابارلاسۋ اياسىنان تىس اۋماققا“ كەز بولىپ مازاسىزدانىپ ٴجۇرسىز بە؟ ٴار ۇلت بۇقاراسىنىڭ حابارلاسۋ جاعىنداعى شۇعىل، قيىن، ۋايىمداعان، ٴزارۋ ماسەلەلەرىن شىن مانىندە شەشۋ ٴۇشىن، شينجياڭ ”سيگنالدى كۇشەيتۋ · تيانشاندى سيفرمەن ۇلاستىرۋ“ ارناۋلى ارەكەتىن ورىستەتۋدە، حوتان ايماعى، ٴۇرىمجى قالاسى ىلگەرىندى ـ كەيىندى ليفتتە جانە الەۋمەتتىك جەر استى كەڭىستىگىندە سيگنالدى كۇشەيتۋ ارناۋلى سىناق ٴتۇيىنى ارەكەتىن ورىستەتتى.

شينجياڭ بويىنشا تۇڭعىش ”ٴبىر تالون تۇزىمىندەگى“ سيفرلى زات الۋ تالونىن كەپىلگە قويۋ كاسىبى ٴساتتى تياناقتاندى

انار بۇلت \ شينجياڭ گازەتىنىڭ ٴتىلشىسى شى شين 8 ـ ايدىڭ 6 ـ كۇنى ۇرىمجىدەن حابارلايدى. ”’ٴبىر تالون ٴتۇزىمى‘ ۇلكەن ماسەلەنى شەشتى“، ـ دەدى شينجياڭ حۇيچىڭ جاڭا ماتەريال عىلىم ـ تەحنيكا شەكتى سەرىكتەستىگىنىڭ باس ديرەكتورى لي زىدۇڭ قۋانا. تاياۋدا ول تۇرعان سەرىكتەستىك ”ٴبىر تالون تۇزىمىندەگى“ سيفرلى زات الۋ تالونىن كەپىلگە قويۋ كاسىبى ارقىلى 33 توننا بولات ماتەريالىنا قارجى قۇراۋ قاجەتىن جۇزەگە اسىردى. بۇل _ شينجياڭ بويىنشا تۇڭعىش ”ٴبىر تالون تۇزىمىندەگى“ سيفرلى زات الۋ تالونىن كەپىلگە قويۋ كاسىبى.