ءۇرىمجى قالاسىنىڭ ىندەتكە قارسى تۇرۋدان قامال الۋدىڭ شەشۋشى كەزەڭىندە، شينجياڭ اۋەجاي (توبى) شەكتى جاۋاپكەرشىلىك سەرىكتەستىگى قالىڭ پارتيالى كادرلارعا، جۇمىسشى - قىزمەتكەرلەرگە الەۋمەتتىك اۋماقتىڭ ىندەتتەن ساقتانۋ - تىزگىندەۋ قىزمەتىنە كومەكتەسۋ جونىندە ۇندەۋ تاستادى. 100دەن استام پارتيالى كادر، جۇمىسشى ـ قىزمەتكەر بەلسەنە ءۇن قوسىپ، ىرىقتىلىقپەن ءوتىنىش بەرىپ، شارت قويماي، قيىنشىلىق ايتپاي، ەرىكتى قاتارلى سالاۋاتپەن وزدەرى تۇرعان الەۋمەتتىك اۋماقتىڭ ىندەتتەن ساقتانۋ ـ تىزگىندەۋ قىزمەت گرۋپپاسىنا قاتىناسىپ، ءۇرىمجى قالاسىنىڭ ىندەتتەن ساقتانۋ – تىزگىندەۋ قىزمەتىنە بەلسەنە كومەكتەستى.

ىندەت تۋىلعاننان بەرى، ءۇرىمجى قالاسىنداعى قالىڭ وداق كادرلارى، وداق مۇشەلەرى، ەرىكتىلەر ءتۇرلى ۇيىمداستىرۋ، جەتەكتەۋ، قىزمەت وتەۋ قىزمەتتەرىن ويداعىداي ىستەۋگە باستان - اياق بەلسەنە سايكەسىپ، بەلسەندى دە ۇمىتكەر كوڭىل كۇيمەن كوپشىلىكتى اسەرلەندىرىپ، ءىس جۇزىندىك ارەكەتتەرى ارقىلى ىندەتتەن ساقتانۋ - تىزگىندەۋگە دەم بەرىپ، كوممۋنيستىك جاستار وداعى ۇيىمىنىڭ ەرەكشە رولىن ساۋلەلەندىرىپ، ورتالىق قالاداعى جاستاردىڭ ەڭ مىعىم ساقتانۋ - تىزگىندەۋ كۇشىن ۇيىستىردى.

 گاۋچاڭ رايوندىق انا - بالالار دەنساۋلىعىن ساقتاۋ، جوسپارلى تۋىت قىزمەت وتەۋ ورتالىعى گاۋچاڭ رايونىنداعى 79 قيىنشىلىعى بار نارەستەلى وتباسىنا، 39 جۇكتى، بوسانعان ايەلگە، 15 ەرەكشە بالاعا ”انا - بالالار مەيىر جەتكىزۋ قالتاسى“ مەن ”سۋىقتان ساقتانۋ قالتاسىن“ تاراتىپ، وسى وتباسىلارىنىڭ تۇرمىسىنداعى ناقتى قيىنشىلىقتى شەشۋگە كومەكتەستى. وسى جولعى ىندەت تۋىلعاننان بەرى، گاۋچاڭ رايونى قيىنشىلىعى بار بۇقارانى قۇتقارۋ - كومەكتەسۋمەن قامتاماسىزداندىرۋ تەبىنىن ءۇرتىس ارتتىرىپ، قيىنشىلىعى بار قاۋىمنىڭ نەگىزگى تۇرمىسىن ءونىمدى قامتاماسىز ەتىپ، ”قۇتقارۋعا تيىستىلەرىن ءسوزسىز قۇتقارۋ، كومەكتەسۋگە تيىستىلەرىنە ءسوزسىز كومەكتەسۋدى“ كۇش سالا ورىنداپ، بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىن شىن مانىندە ويداعىداي شەشتى.

ىندەتتەن ساقتانۋ - تىزگىندەۋدىڭ قاتاڭ جاعدايىندا اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن مىڭ يۋەليڭ سياقتى 42 پارتيالى كادر جەدەل جينالىپ، ءۇرىمجى قالاسى تيانشان رايونىنىڭ، سايباق رايونىنىڭ، شۇيموگوۋ رايونىنىڭ ىندەتتەن ساقتانۋ - تىزگىندەۋ الدىڭعى شەبىنە باردى، كوپشىلىك جاڭا قىزمەتكە جەدەل بەيىمدەلىپ، زاتتىق بۇيىمدارمەن قامداۋدى قامتاماسىز ەتۋ، ورتانى زارارسىزداندىرۋ، ميكروب جويۋ سياقتى قىزمەتتەرگە ات سالىسىپ، الەۋمەتتىك اۋماق كادرلارىمەن، ەمدەۋ - كۇتىمدەۋ قىزمەتكەرلەرىمەن بىرگە ىندەتتەن ساقتانۋ - تىزگىندەۋدىڭ بەرىك حاۋىپسىزدىك قالتقىسىن بەكەمدەدى.

تاياۋدا سانجى قالاسى بەيجيڭ وڭتۇستىك جولى ءمالىسى ۋىنحۋاگۇڭ الەۋمەتتىك اۋماعى فىڭلينۋان شاعىن اۋماعىنىڭ تۇرعىنى دۋان شينحۋا ءبىر پارشا العىس حاتتى جانە العىس تۋدى الەۋمەتتىك اۋماق كادرى سۇن چياڭنىڭ قولىنا ۇستاتىپ، وتباستارىنا كومەكتەسكەن الەۋمەتتىك اۋماق كادرلارىنا العىس ايتتى.

وسى رەتكى ىندەت تۋىلعاننان بەرى پان جينمەي وسى تۇرعىندار اۋلاسىنداعى 3 عيماراتتاعى 128 وتباسى تۇرعىنىنا قىزمەت وتەۋ مىندەتىن ارقالادى. ول ءار كۇنى ەرتە تۇرىپ، جاي جاتىپ تۇرعىندارعا زاتتىق ماتەريال جەتكىزىپ، ەمدەۋ قىزمەتكەرلەرىنە سايكەسىپ حىسۋان سىناماسىن الىپ، بۇقارانىڭ قيىنشىلىعىن، تىلەك - تالابىن شەشىپ، باستان - اياق الدىڭعى شەپتەن تاپجىلماي، ۇيىنە قايتپادى.